Efesus 5:10 - Godigo dwagi yai po buku

¹⁰ Tama te ula yai we bidi bidiyu, dagego mena tiwai kolesaga ebaso te Genuai Bidi God aga dwagi yai homu ilabo kolesaga dagego usu sela suao.

Efesus 5:10 Referans Kwoze

Hibru 12:28

Te dago sali te bidibo digi te magi naigo munu me dologobeo, usu egobeo. Tama te tebode dago Godibolo usu da olama gedu haluasa po wao. Tama dago agaba lotu po weyu, tama agai godolo ebo kolesagade sę tulama yao. Tama tiyu dago aga nogi ugwaba siyu, tama agade wi yao.

Godigo Nogi Ugwaba Sabo Tęąbi Po Wabo Buku Dabe 19:14

Genuai Bidi, eno homugo eno po dali, eno homu kolesaga dali, te nago gedude usu emainogo te homu yai. Genuai Bidi, nage bidibo digi ena duala selama, tama nago ena tau siyu, ma dobola sabo bidi dao.

1 Pita 2:20

Me ma, dage dwai sę idu geyu, tama augwaligo nogogo dage elama, tama dagego te sęgę bugagia toloyu da, te mena bidigo dagego nogi ugwaba saibawe? Bidi meni. Tiali goli, me sogo dage dwagi yai sę yai goli augwaligo dage dene mawaibao. Tama te sogo dage nagamea homu eyu, te sęgę bugagia toloyu da, teda God agai dage dali dwagi yai homu yaibao.

1 Pita 2:5

Tama bidi me deligo aga bidabo be te masigigo sę ebo tiwai te Godigo dage aga we bidi hani ilibo dao. Tama tiyu, dage tedali gasagi yai magi sę isiąwai we bidi hani bidaibao, te pris bidi hani tiwai. Tama te pris bidi dabe augwaligo Godibolo dwagi yai nai ula mabo sę eyu, tama agabolo ofa nai mabo dao. Tama tede Godigo dwagi yai homu ebo dao. Tama te tiwai me Krais agai dage tau selama, dagego Godigo homu wali peyu dwagi yai sę yaibao. Tama dagego te dwagi yai sę te tiwai ebaso, God agai te dagego ebo sęde dwagi yai homu yaibao.

1 Tesalonaika 5:21

Tialima dagego te tobage po wabo tigidali bugagia osola suao. Tama dwagi yai po naga dagego dąų ola siyu,

2 Timoti 2:3

Te tobage gedu haluasa po wabo kolesaga dwagi yai dao, tama tede te da ma dobola sabo bidi God aga dwagi yai homu ebo dao.

Filipai 1:10

Magi baso meni, dagego te kolesaga dagalabo homu kolesaga elalubaso da, teda dagego te tigidali kolesaga osola sulama, tama te wiegi yai mu kolesaga sabo usu yaibao. Tama tiyu da, teda te Krais aga tǫba ma asobo sogo tonalubadi dage meda meni yai me, sęgę sisąwai we bidi bidaibao.

Polgo Po Pas Rom Dabeba Asęani 14:18

Tama bidi te tobage kolesaga ebogo te Kraisgo sę bidi bidiyu da, teda aga Godigo usu niba kadu waibao, tama te bidi dabe augwaligo homugo te aga wiegi yai bidi da te homu yaibao.

Bugagia Bidibo Kolesagade Po Asęai Buku 21:3

Dago te wiegi yai doloba pai kolesaga wali pao. Te Godigo gedude te tobage kolesagago te dago agaba ofa mabo te aiyaba mu elalubo dao.

2 Timoti 5:4

Tiali goli te bidi isai we me deligo te aga wai genuai yai me, ma aga waigo wai te genuai yai elalubaso da, teda augwaligo bugagia koneao: te augwaligo polasa yabo sę te augwaligo Godigo po wali peyu, tama augwa hani we bidi bugagia tonaluyu, tama augwali polobadu dwasianude aya idago bugagia tonaluali tobage kolesaga wei ponoyu tonaluao. Awe, Godigo te kolesaga godolo mu ebo dao.

Jeremaia 6:20

Augwali te Sabea hani bidi dabeba pelama, te wiegi yai denami ebo hano yabo pauda abeligi pali. Tama augwa te tobage awi te wiegi yai denami ebo nai abelali, te digibulu bidi dabede abelai. Augwaligo homugo te nai dabego te augwa lotu wabo te wiegi yai eno gedude pedelaibao homu eyu tiali. Tialima, menio. Tama me, eno te augwaligo siaba ulama tigidali domainu ebo ofa, me te gasa ofa dabe augwaligo enabolo ebaso, te eno wiegi yai homu pemene ebo menio.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

1 Samuel 17:39

Devitgo te Solgo bainat hwą te brasgo nigai te holobo ugwade walama, tama pabo usu sela suali. Tiali goli, te usu meni yani, magi baso meni, agai te tobage nai te aga tigide polobadu musiąwai. Tama tiyu, te Solbolo agai te po wali, “Eno nago e hwįbo doado bage munama tama hwįgi pogobeo. Eno te doado bage tigide musiąwai,” wali. Tama agai te tigidali peda sąwai.

Aisaia 58:5

Te dagego homugo eno dagego te tigidali side nai habu selebo kolesaga ebode te eno dage godolo eba homu eba, agawe? Dagego te homu dene ebo ugwa munama, te duga tobolu te tǫba basigulu, te waligo awi dili basiasa pabo tiwai eyu, te dage sia keli daide piyu, te duga digi aiyaba elalu, te gasa tobage kolesaga me yali. Tama dagego homugo dagego te tobage kolesaga ebode eno dageba bugai haliga eba homu yaibao, agawe? Mu menio.”

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.