Biblia Todo Logo
Bib sou entènèt

- Piblisite -




Efesus 4:25 - Godigo dwagi yai po buku

25 Te God agai dage te gesi noma we bidi nigaligo da, teda dagego dwai tibo po wabo kolesaga tagalama tama munu me egimio. Te menio. Tama dage tigidaligo duga hasi tomode mu po naga wao. Magi baso meni. Dagego koneani, da tigidali te deli tigide naga wadolama bidibo dao.

Gade chapit la Kopi




Efesus 4:25
42 Referans Kwoze  

Dagego duga hasi ama dabe tibo po wabo tagaliąo. Magi baso meni, polobadu dagego tigigo dwai sę yabo kolesaga dologode bidibo dagego tagalalio, tama te tobage dwai kolesaga ebo dagego tagalali.


“Tama dagego e tobage kolesaga dabe iyąo. Dage tigidaligo te mu po naga gasa bidi dabe dali waiyąo. Tama dagego po te po tų kotde te mu po naga weyu, bugagia dodolobaso da, te po silaibao.


Genuai Bidi te haliga sębę mu eyu, tama te tibo po wabo bidi tigidali dali te boi bidi homu ebo dao. Tiali goli, agai te mu po naga wabo bidi dabe dali te agai pemene ebo dao.


Tama te tiwai me da haniani we bidi hauwa elaluali goli, Kraisde da wadolama tama da tigi deli naga elalubao. Tama bidiyu, tama da tigidali deli deli da tigidali te gasa badu abagi tiwai dao.


Te menio. Da Godigo we bidi hani tomode dena abagi dabe augwali dali wiegi yai kolesaga eyu godolo mu elama, tama Godide mu po naga wao. Tama tiyu, tama da te tobage wiegi yai sę idubadi, tama da Kraisde mu dąų waibao. Aga te dago tigigo tobolu bidi aga deli dao.


Te sę ebo suali bidi, te witnes bidi, te mu po wabo bidi yai baso da, teda agai doloba pai po naga te po tų ebode pusaibao. Tiali goli, aga te tibo po wabo bidi tiwai eyu da, agai te po tų ebo te tibo dali waibao.


Te sesemane sogo eno te mu po naga weyu, tama eno te tobage dwai po dabe wabo te hagela homu ebo dao.


Te ili po wabo po te pęwadage sogo mu elaluama, tama bidi dabego te po homugo gegeda palaibao. Tiali goli, te mu po da, te sesemane sogo mu elaluaibao.


Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.


Tama te mu po page e dao: God agai tibo po munu me wabo meni, tama polobadu mu agai tigidali nai nigisiąbadi tama agai te sesemane sogo bidada pabo bidibo ula dabolo mawaibao te po agai olama tama dąų wali. Tama tibaso, megi dago te mu po odolama, tama dwagi yai homu eyu, te bidabo ula sabo sogo tonaluyu bidibo dao.


Bidi meba augwaligo dwai sę dali dwagi yai sę dagalabo homu te isali tiwai dao. Tama tibaso augwaligo augwa ebo sę dagalisiąyu tama augwali tibo po wabo bage dao. Tama “Eno mu po naga obao,” wai goli, augwaligo te dwai haubo noma bidi dabego tibo po naga ola mabo dao.


“Dagego gasa bidigo nai dabe wi me sigio, te dagego gasa bidiba tibo po wagio, te agai nai anoma elama sainogo tigio. Te dagego gasa bidiba tibo po ola magio.


Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.


Te penani kolesaga ebo we bidi, te ogomani dali dwai dwai sę ebo bidi dabe, te we bidi wi sabo bidi dabe me, te tibo po wabo bage, te po tųde tibo po wabo bidi dabe me, te bomai po dabe te tobage we bidibolo muai dao. Te tobage kolesaga te Sodom de Gomora hanu side yali kolesaga tiwai dao. Me te gasa haniani dwai sę ebo bidi dabe me, te Godigo dwagi yai ola mabo po odisąbo bage, augwalibolo me te bomai pogo po elalubao.


Polobadu eno dage nogi te Taitus gesabidide ugwaba sali, tama megi eno te pode ena hale me sabeo. Menio. Tigidali po dago dagede wabo po, te mu po naga wai dao. Tama tiwai naga eyu, dago dage nogi te Taitus gesabidide ugwaba sali, tama te eno dagede agabolo pusali po me hanilama pedalali, te mu po naga dao.


Polobadu mu Krit bulu bidi me deli, te bidi agai haniani po page mu koneai bidi bidai. Tama te bidi agai te po wai, “Te Krit tǫde bidibo bidi dabe augwali tigidali sogo te tibo po wabo bidi hani bidibo dao. Augwali uni sulai kibu tiwai dao. Tama augwaligo nai hauwa tulama, tama sę ebo hagela ebo bidi dabe dao,” te Krit bidi aga digi agai te po polobadu mu wai dao.


Te komunion tubo bret te deli naga elalubao, tama da we bidi hauwa elaluali goli, te tigi delide naga wadolali elalubao. Magi baso meni, da tigidaligo te bret deli naga tubo dao.


Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.


Agai te tama po wai, “Dagego me sogo side te polua me si me si 4 poluade, me te polua a nagade, me te polua a naga me si 7 poluade, me te nogo si poluade te nai tubo osogo habu selali, te dageba pedelali sęgę homu kone paliyu tiali. Tiali goli, te sęgę dabe kone palobo genuai side hasegelama, te tigidali Juda dabego wiegi yai homu pemene yabo si pedelaibao. Tialima dagego te mu po wabo godolo homu elama, te gasa we bidi dabe dali bugagia tegaluama bidibo kolesaga yao,” te po wai dao.


Augwaligo te po dąų wali, tiali goli augwaligo wali me pisąwai. Augwaligo tibo po olama, tama bidi ela muyu, te nai doado bage wi siyu, tama penani eyu ebo dao, tama augwa te bidi ela mubo sę ela pabo dao. Tama te dwai kolesaga te genuai mu pedelama,


Genuai Bidigo te po wali, “Te hani dabe, augwali te eno hani we bidi dabe mu da, te augwa hagoma elama, eno po me sela sągobeo.” Tama te aga augwali ma sali bidi pedelai dao.


Tobolu te polo monu dabe de genuai nogi yai bidi sibolo wali. Te danu te tibo po we bidibolo pusali profet bidi dabebolo wali.


Tama te bidigo tibo kolesaga wali peyu, te doado bage hauwa sobaso da, teda aga te isabo sunumide bidibao. Tama te bidigo mone me doado bage te dagalude pǫ te pęwadage sogo naga elalubo tiwai elama, tama te mu tigidali sia sabo dao.


Te hagoma ebo kolesagago te gasa bidi dabe tonobo te olo bage tiwai ebo kolesaga. Me te tibo po wabo kolesaga. Me te gasa bidi dabe olo dali ela mubo kolesaga ebo.


Nago ena tonaluali da, te nago tų eno tagalogobeo. Nago dwagi yai kolesaga ena dali nago dwagi yai po ena ola mawai.


Nago te wiegi yai kolesaga wei me isiąyu, nago te dwai kolesaga naga wei ebo dao. Nago te mu po wabo kolesaga wei meni yai. Nago te tibo po wabo kolesaga naga wei ebo dao.


Da te nogo, sągą, gedu te nai dabe te Kraisgo tigi dagi tiwai dao.


Tialima, te monu dabe profet bidigo te agabolo e tama po wali, “Ena me te nage tiwai bidi profet bidi dao,” wali. “Tama Genuai Bidigo sę ebo ensel bidi me deli asama, enabolo e tama po wagasali, ena nage ma pelama, nage oda sigi pelama, tama eno nage ma odasa, eno beba pelama, te me badu nai dabe nage mayu, tama me te nage tuabo ąį me mayu yao po wai.” Tiali goli, te monu dabe profet bidigo agabolo ili po ola mani.


Dagego gasa bidi tibo pode po tų ela magio. Tama doloba pai bidi agai dwai kolesaga me isąbadi, tama augwaligo aga po tų olo mu ilibaso da, teda dagego aga ela mugio. Magi basowe, te tiwai dwai kolesaga ebo bidi eno aga po tų ilama, tama aga hagawaibao.”


Bidigo God agai homu kolesaga tigidali wali painogo ebo bidi, tama sesemane sogo doloba pai kolesaga naga eyu, tama tigidali sogo mu po naga weyu ebo bidi, aga te Genuai Bidigo bede bidibo usu yaibao.


Te nage te po tų ebode te witnes bidi pedalubaso da, nago tibo po me olama, tama te magi dwai sę me isąwani bidigo nogi aiyaba odolali me aiyaba elalugio.


Te mu po da wali po e tiwai dao: polobadu dagego duga dwai dwai sę yabo homu kolesagade biliyu bidai dao. Tama te sogo te dwai homu kolesagago dage tonaluyu, tama dagebolo te dwai dwai sę yao po weyu yai. Tama tiyu, te dagego te dwai sę ebode godolo emainogo tama te dwai sę yabo homu kolesagago tibo po weyu, dagego homu hodolai dao, tama dage te dwai sę ebo tųdu pai dao. Tama te dwai sę ebogo te dwai sę yabo homu kolesaga doloyu yai. Tialima megi dagego te polobadu yai dwai homu kolesaga mu sela sąyao.


Tama dagego boi bidi homu ebo me, te wado po weyu tama homu sębę ebo me, te genuai po daga wabo me, te posobo po me, te moni dwai homu ebo me, te tigidali dwai kolesaga ebo tagaliyu sela sąyao.


Tiali goli megi dagego e tobage kolesaga tigidali sela sąyao: boi bidi homu ebo dali, haliga sębę ebo dali, gasa bidi dene mabo homu ebo dali, te nogi posobo dwai po wabo kolesaga dali, tama meda yai po wabo dali, te tigidali sela sąyao.


Te da me, da magi ebawe? Te polobadu bidali we bidi augwali doligulama tama da te genuai pǫgo bagulubo tiwai elama, tama augwaligo dabolo te Godide konealubo homu dąų wabo kolesaga ola mawai. Tama tibaso, dago me te ususu si yainogo uda yabo bidi tiwai eyu, te tigidali sęgę yai nai guda sąyao, te dade dąų wabo dwai kolesaga tigidali me te dago guda sąyao. Tama dena homu dąų ilama, tama Godigo dabolo sa muyu uda yao wali madi sabolainogo da bomonama te dąįba uda iyąo.


Tama tibaso, dage deli deligo aga me ebo dwai dwai kolesaga tigidali mu sela sąyao. Tigidali dwai sę ebo homu me te tagalama, te tobage sęde digibulu bidao. Tama duga digi duga nogi aiyaba elaluao, te Godigo po dagego homude bulali po sao. Te po aga digi usu elama, dage tau siyu ma saibao.


Tama God agai dage te gesi noma bidabo ula mobaso, dagego te gasa bidi dabe dene mabo kolesaga tigidali tagalama, sela sąyao. Tigidali tibo kolesaga dali, te ugwadu homugo tibo po wabo kolesaga dali, te si tagalao. Tama gasa bidigo doado bage me, te agai ebo sę dali sigo dage aiyaba elaluyu, tama tibaso dagego te bidi aga dali dwai homu elama tama aga dali sębę egio. Te gasa we bidi nogi posobo po weyu ebo, te kolesaga me dagego tagalao.


Tialima, Samsongo agabolo walali, “Te augwaligo ena te gesi baklain mugo, te augwaligo polobadu magi sę me isiąwaigo te ena kę ebaso da, teda eno bomo elalubo te sia selama, tama ena te olo gasa bidi dabe tiwai naga yaibao.” Te po wai.


Swiv nou:

Piblisite


Piblisite