Efesus 4:12 - Godigo dwagi yai po buku

¹² Tama agai dabolo te haniani wiegi yai sę yabo homu kolesaga magi baso dobabo dawe? Te Godigo we bidi hani augwaligo we bidi tau sabo sę ebode bugagia sisi elama bidimainogo agai tebo dao, te Kraisba augwa homu tigidali muai we bidi hani augwali Krais aga tigi tiwai bidiyu, augwali geninama eyu bomo siyu bugagia bidimainogo agai te dwagi yai sę yabo homu kolesaga dabolo tama dobabo dao.

Efesus 4:12 Referans Kwoze

Efesus 4:16

Tama aga te dago tobolu bidiyu, tama da agai tigi tiwai bidibaso, teda agai da nogo sągą gedu tigide elalubo te tigidali agai tonalubo dao. Tama aga da tigidali tonalubaso, tama da tigidali bugagia deli tigiba wadolama, tama te dili dabe wadolobo nai augwaligo te tigi deliba bugagia dąų wabo dao. Tama dago tigi deli badu sę ebo augwa hasi tau sabo sę ebo si, tama te tebo kolesaga te tigigo ebo wiegi yai kolesaga genuai eyu, tama te wiegi yai kolesaga eyu godolo mu ebaso da, tama te tigi genuai bomo selama wiegi yai mu pedalobo dao.

1 Korin 12:27

Tialima dage da, da tigidali deliba wadolama, tama dage da te Kraisgo tigi tiwai dao. Tama dage deli deli te Kraisgo tigigo haniani sę yabo badu dabe dao.

Polgo Po Pas Rom Dabeba Asęani 15:14

Eno ama dede dabeo, te eno dagede te homu si ebo meni. Te eno homugo digi te dagego te we bidi tau sabo wiegi yai kolesaga sesemane sogo ebo dao, tama dagego haniani kolesaga tigidali elaluyu, tama dagego te Godigo wiegi yai homu kolesaga te duga hasi ama dede dabe augwalibolo ola mabo te dage usu ebo dao.

1 Korin 14:26

Ama dedeo, dagego magi yaibawe? Dage lotu po wainogo eyu sisinibo sogo, dage tigidali deli deligo te duga hasi tau sabo sę elalubao. Me deligo te Godigo nogi ugwaba sabo balia weyu, tama me deligo te dage po ola mabo sę eyu, tama me deligo te Godigo agabolo tamadi mani po, tama agai te po pusaibao. Tama me deligo te dago konesiąbo gasa pogo po weyu, tama mego te po begelebo sę elalubao. Dagego ebo sę tigidali ebogo te dage Godigo po odobo we bidi tau siyu bomo momainogo iyąo.

Polgo Po Pas Rom Dabeba Asęani 14:19

Tama tibaso, da te tų naga wali peyu, te da deli homu ilabo kolesaga dali, te dena hasi dena bomo mabo kolesaga dali si, te da pobasa pao.

2 Timoti 1:12

Dago Genuai Bidi Krais Jisas agai eno sę yabo bomo mobaso, tama eno agabolo buba hwi wabo dao. Agai homu ena agaba homu kęą pai bidi bidiyu, tama agai sę yabo ena usu yaibao. Agai te homu elama, tama aga sęba ena mubaso, eno agabolo nage usu da po wabo dao.

1 Korin 14:12

Dagego me dagego te we bidigo konesiąbo pogo po weyu da, teda dage tama tiwai ebo dao. Tialima, dagego te Tedali Mobo Bidigo olo maiabo tau sabo bomo dabe sainogo homu godolo yaligo da, teda Godigo we bidi hani bugagia dolalumainao homu eyu, dagego te augwali wiegi yai mu tau mabo bomo sabo homu bomonama eyu, tama te Mobo Bidibolo te bomo da mao weyu bidiąo.

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

Hibru 6:1

Tama tibaso, dago te bidi mugo odabo po odao. Dago te hasia sogo odali Krais pode naga te po page po wabo sę elala pigimio. Tama dago te be ni pos me deli te hauwa sogo buluyu idu gebo menio. Dago te sę silama, tama gasa sę egi pabo dao. Tama tiyu, dago e tobage po naga me olamuo: te dago homu begelama te bidibo ula elalusiąbo te kolesaga tigidali tudiba munama homu begeleyu, tama dago Godide konealubo po dąų weyu, tama te haniani baptais sabo kolesaga po wabo me, tama te bidi toboluba nogo mubo me, tama te tigidali isai bidi ma hodaloabo po me, tama te bidi dabe augwali te po tų elama, tama te po tų dodolobo bidi agai po sesemane sogo bidada peyu, bidada paibao po wai. Tama da te tobage hasia sogo odali po wabode naga bidigimio. Menio. Te da pidu geyu, tama dago te we bidi mu augwalibolo ola maiabo po odinao.

2 Korin 6:3

Dago homugo te bidi dabe augwaligo dwai po te dago ebo sęba me badi te tama po waidali homu elama, tama augwaligo Godigo po tudiba muidali weyu, dago te bidi dabe augwali sągąde magi nai me deligo enama tulaluabo sę me egobeo.

2 Korin 5:18

God aga digi te tigidali hasegelebo sę page bidi dao. Polobadu da agade boi bidi bidali, tiali goli Kraisgo yali sęde Godigo da aga dali deli homu ilama, tama da aga abagi hani pedalai. Tama agai te sę dabolo mani, te aga tau selama te aga dali boi bidi homu ebo bidi dabe augwaligo aga dali abagi homu pedalomainogo ilibo sę dabolo mani.

Dwagi Yai Gesi Po Lukgo Asęani 22:32

Satango te sę yainogo yai digi, eno nage tau sainogo, God hanalu wali, ‘Saimon tau sao. Agai homu kolesaga tigidali nageba mubo sę tagalidali weyu, nago Saimon tau sao.’ Tama Saimon, nosali nage begasa, ma aselama, tama nago naga ama dabe bomo mayu dąų walao,” Jisasgo te po wai.

Polgo Si Wali Pas Timotiba Asęani - 2TI 4:5

Tiali goli naga digi te polobo bidi tiwai bidisiąyu naga homu sesemane sogo bugagia tonaludao. Tama tiyu nago te sęgę tolao. Nago te bidi dabe augwalibolo te Godigo gesi dwagi yai po pusubo sę yao. Nago te we bidi dabe augwali tau sabo haniani sę elalubaso, te sę nago bugagia mu yao.

Kolosi 4:17

Tama dagego te bidi Arkipus aga dali e po wao, “Te Genuai Bidigo nago nogoba muani sę sula tagaligio. Nage aga sę ebo bidi bidibaso, te mani sę bugagia silao,” te po Arkipusbolo wao.

Kolosi 1:28

Tama tibaso, dago Kraisde po te tigidali bidibolo pusubo dao. Dago homugo tigidali we bidi deli deli augwali Krais dali wadolama, tama bugagia holama, tama wiegi yai we bidi mu bidimainogo eyu, tama dago augwali Godibolo mawaibao, bidigo aga wiegi yai nai ofa te Godibolo mabo tiwai. Tama emainogo dago tigidali wiegi yai homu kolesagago augwali ola mayu, tama dua dao, e pode geda mugio, te tobage po weyu dago tigidali we bidi Kraisde po ola mabo dao.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Efesus 1:23

Tama aga te tobolu bidi bidiyu tama Godigo po wali pabo we bidi hani aga tigi tiwai bidiyu, tama te hani te Krais agai te sę yao obaso, te po wali pabo dao. Te tigidali bulude elalubo habuge yai nai tigidali te Krais aga da te nai tigidali simanobo page bidi dao. Tama te Kraisgo po wali pabo we bidi hani augwaligo Krais te tigi sese ilibo dao.

2 Korin 12:19

Dagego eno tamadi asęani po tigidali tede homugo kone palama, tama tede dagego e tiwai homu idubadi bogo, ‘Te wali pogo te Pol agai aga nogi tau sabo sę naga ebao.’ Tiali goli te mu menio. Dagego da dali po tų eyu, tama dena yali sę osola suabo bidi dabe meni. Abagi mu dede, da Krais dali wadolama tama Godigo gedude dolalubadi, dago te po tigidali dagebolo asęna tolobao. Tama tiyu dage tau somainogo eyu dago te po dagebolo asęna tolobao.

2 Korin 7:1

Eno ama dede muo, dago te Godigo te da dali dąų wali po dabe tama salio. Tama tibaso, dago dena tigide me homu elalubo meda tigidali sela sąnama tama wiegi yai tedali bidinao. Tama dago Godide wi elama, tama wiegi yai doloba pai kolesaga mu naga sesemane sogo wali pinao.

2 Korin 4:1

Godigo da homu dene eyu tau selama, tama te agai gesi dąų wali po pusubo sę dabolo mawai. Tama tialigo da, teda te sęde da bomo kimi isąyu me egobeo, te sę tagalabo homu me egobeo.

1 Korin 14:14

Magi baso meni, eno te da we bidigo konesiąbo pogo Godibolo po weyu da, teda eno mobo bidigo me te gedu haluasa po wabo, tiali goli tebogo eno homu kolesaga tau sabo meni, te olo elaluaibao.

Polgo Po Pas Rom Dabeba Asęani 15:29

Tama eno koneanio, te ena dage bidiboba sabalobo si, te Kraisgo da tigidalibolo te wiegi yai homu ilibo dwagi yai sę elama, tama da pągąwaibao.

Polgo Po Pas Rom Dabeba Asęani 15:2

Te menio. Da tigidali deli deli dago te da pąde bidibo bidide homugo kone palama, tama aga tau sabo sę yao, te aga wiegi yai kolesaga selama, tama aga te Kraisde konealubo po bugagia dąų wali bidi pedalomainao.

Polgo Po Pas Rom Dabeba Asęani 12:7

Ma, te bidi me deligo te ama dede dabe tau sabo homu kolesaga elalubaso da, teda agai te ama dede dabe tau sabo sę mu yao. Tama bidi mego te Godigo po ola mabo tisa sę ebo kolesaga elaluyu da, teda agai te tisa sę mu yao.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Godigo Sęba Tagala Palai Bidigo Po 9:31

Te side Jisasgo po wali pabo we bidi te Judia tǫde me, Galili tǫde me, te Samaria tǫ me, te bulu we bidi augwali bugagia bidali, wi ebe. Godigo Dwagi Yai Mobogo augwali tau selama, te umabo we bidi Jisasgo poba augwa homu tigidali munama, bomo yali. Augwaligo Genuai Bidigo nogi ugwaba mu sali, te augwaligo Genuai Bidigo po wali pali.

Godigo Sęba Tagala Palai Bidigo Po 1:25

da ola mao, te Judasgo yali sę somainu, nago tagala pali bidigo sę. Te sę Judasgo tagalama, aga digi dwai sę yali. Tialigo da, aga genuai sęgę mu salio,” te po wai.

Godigo Sęba Tagala Palai Bidigo Po 1:17

Jisasgo aga polobadu sa muani, aga da dali sę emainu yali. Tama tibaso, Judas da dali bilai dao,” te po wai.

Polgo Si Wali Pas Timotiba Asęani - 2TI 4:11

Luk deli naga ena dali bidibao. Nago te Mak selama, tama odasa nage dali asao. Agai te bugagia te sęde ena tau somainu usu yaibao.

Efesus 4:29

Tama dagego dwai meda yai po me wagio. Menio. Dwagi yai po naga weyu, te bomo kimi meni yai we bidi augwali bomo somainu te bomo mabo po wabo usu dao. Tama tiyu, dagego te Godigo olo tau mabo wiegi yai kolesaga te dagego po odobo we bidibolo tama mao.

Efesus 4:4

Tama da Godigo po wali pabo we bidi da tigidali deli tigi tiwai elalubo, tama te Godigo Mobo Bidi me te deli naga bidibo dao. Tama tiwai elalubaso, Genuai Bidi agai da i wali sogo te sogo te po wai, “Te ena ma asobode homu konea paluyu, tama dage ena tonaluao,” te po deli naga dao.

2 Korin 13:9

Tama dago dage dali po tų isąyu tama tede Godigo da mani bomo waselabo tų meni baso, bidi mebago da bomo meni yai bage da te homu yaibao. Te usu da, po meni. Dagego dwai sę me isąyu tama Godigo po bugagia wali peyu tama tede bomo elalubaso, da wiegi yai homu pemene yaibao. Tama dago Godibolo sesemane sogo hanalu wabo po weyu, dago homugo agai dage tigidali dodolama tama dage agai po odobo bomai we bidi mu pedaloyu, agai we bidi mu naga bidaibao.

1 Korin 12:7

Te Tedali Mobo Bidigo aga bomo te tigidali we bidi deli delibolo pedalobo dao. Tama elama, tama augwali deli deligo te mani bomogo te Godigo po odobo we bidi hani tau sabo usu yaibao.

Polgo Po Pas Rom Dabeba Asęani 12:5

Tama te tiwai me da haniani we bidi hauwa elaluali goli, Kraisde da wadolama tama da tigi deli naga elalubao. Tama bidiyu, tama da tigidali deli deli da tigidali te gasa badu abagi tiwai dao.

2 Korin 13:11

Eno ama dedeo, megi eno po paliama, tama eno dage tao po obao. Dagego duga ebo kolesaga dodolama, tama Godigo po odobo bomai we bidi mu pedalobo kolesaga yao. Dagego eno dage tau sabo po odiąo. Dagego te deli tigi poai deli homu naga elama, nagame yai bidao. Tama God da, te we bidi dali dwagi yai homu eyu godolo kolesaga ebo dali, te homu nagame ilibo kolesaga ebo dali si ebo God, aga te dage dali bidaibao.