Efesus 3:14 - Godigo dwagi yai po buku

¹⁴ Te Godigo agai homugo da Juda bidi hani dali te dage Juda hani isiąwai bidi hani dali te si deliba wadolama te hani deli tiwai elama bidimainu yali. Tama te hani si deliba wadolabo homu yali te homu Godigo polobadu osogo dualaluali. Tama polobadu Godigo dualaluali po page megi eno homude konebaso da, teda eno kidu sugunama God Ayabolo hanalobo dao.

Efesus 3:14 Referans Kwoze

Godigo Nogi Ugwaba Sabo Tęąbi Po Wabo Buku Dabe 95:6

Dage asiąo, dago tobolu basi gulama, tama agaba lotu wainao. Genuai Bidigo da nigai. Tialima, da aga pąba pelama, tama kidu sugunao.

Filipai 2:10

Tama tibaso, dagalu bidi me, tǫde bidi me, tǫ dai dologo badu bidibo bidi dabe me, augwali tigidaligo Jisasgo nogi ugwaba somainogo augwali kidu sugunaibao,

Godigo Sęba Tagala Palai Bidigo Po 21:5

Tiali goli, da tede bidali sogo sia selama, da te bulu tagalama, moni gebaba ma pali. Te Jisasgo po wali pabo we bidi, wai puluba me, augwali da hodobo pelama, tamu ąį sesegeba sabolali. Te kemi tǫde da sisinama, kidu sugunama, Godibolo gedu haluasa po wali.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

Daniel 6:10

Tama Danielgo te po dąų walali po odobo sogo, aga te aga beba hogodasa palio. Tama aga te ugwa badu elaluali be habu dai badu holama, tama te windo pąde kidu sugunama, te Jerusalemba tonono yalio. Tama agai te sesemane sogo gedu haluasa po weyu, te nage usu da po te Godiba wabo tiwai yali. Agai te deli deli sogo bubugade te gedu haluasa po sela sogo weyu yai dao.

Esra 9:5

Te ofa ebo sogoba sabalobaso da, teda ena hodaluama, tama ena kidu sugunigulama, tama gedu haluasa po weyu, tama te eno nogo si te Godiba ugwa sali, te eno Genuai Bidi dao. Eno te pisawali ugwa te ena tigide digi gudalualio.

Aisaia 45:23

Ena Genuai Bidi, ena nogide digi daide ugwadu mu po obao, te eno pedauwalide wali po te me hasegelegobeo. Eno te tama po wali, te tǫde tigidali we bidi enaba aselama, te enaba kidu sugunagasaibao, te augwali tigidaligo ena dologode naga bidabo po dąų waibao, te po wai.

Godigo Sęba Tagala Palai Bidigo Po 20:36

Te Pol agai po silibo si, tama agai augwali dali kidu sugunama, Godibolo po wai.

Dwagi Yai Gesi Po Lukgo Asęani 22:41

Tama Jisasgo augwali taga peyu, aga dwasianu bobenu gana palio. Agai kidu tǫba sugunama, Godibolo po weyu, te po wai,

Te Israel me Juda Hani Sigo Tuni Bidigo Po Elalubo Buku Deli 19:18

Tiali goli, te eno bidi sese umabo, 7,000 we bidi, te Israelde bidimainu hageai dao. Te augwali enaba naga wali pabo we bidi da, te augwaligo te tibo god Balba kidu sugunisąma, te agai piksa noma dabeba nono nisąma, te agaba lotu po me wasiąyani we bidi dao,” Genuai Bidigo te po wai.

Te Israel me Juda Hani Sigo Tuni Bidigo Po Elalubo Buku Deli 8:54

Te Solomongo Genuai Bidiba gedu haluasa po wabo sogo, agai kidu te alta pąba sugunugulama, tama agai nogo si te ugwa sali. Tialima, agai te tigidali gedu haluasa po ola silibo si da, te aga hodaluama dolalu,

Godigo Sęba Tagala Palai Bidigo Po 9:40

Tama Pitago augwali “Buluba piąo,” wali. Tama agai kidu sugunama, Godibolo po wali. Nosali agai isai we tigiba suali, te po wai, “Tabita, nage hodaluao,” wali. Tama te we agai gedu peda sanama, tonono bilali, tama agai Pita sulama, hodasa holama, duagulali.

Godigo Sęba Tagala Palai Bidigo Po 7:60

Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.

Efesus 3:15

Tama da tigidali dagalude me tǫde bidibo we bidi hani da wiegi yai bomo dali bidabo ula me te God Aya aga nogode sabo dao.