Efesus 2:3 - Godigo dwagi yai po buku

³ Tama da me, da tigidali polobadu te hani tiwai bidaluali. Dago tigigo tǫde ebo dwai dwai kolesaga wali peyu, tama dago tigide pusu yabo kolesaga ela piduai. Dago homude pusu yabo kolesaga me dago ela piduai. Tama te kolesaga edubadi, Godigo da dali sębę eduai, agai te gasa we bidi tigidali dali sębę iduali tiwai. Tama God agai da eligi sogo da, teda te dolo egi dao, po meni.

Efesus 2:3 Referans Kwoze

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

1 Pita 1:14

Dage Godigo po wali pabo we bidi bidibaso, dagego God konesiąbadi polobadu yali dwai dwai kolesaga wali ma pigimio.

Efesus 4:22

Te mu po da wali po e tiwai dao: polobadu dagego duga dwai dwai sę yabo homu kolesagade biliyu bidai dao. Tama te sogo te dwai homu kolesagago dage tonaluyu, tama dagebolo te dwai dwai sę yao po weyu yai. Tama tiyu, te dagego te dwai sę ebode godolo emainogo tama te dwai sę yabo homu kolesagago tibo po weyu, dagego homu hodolai dao, tama dage te dwai sę ebo tųdu pai dao. Tama te dwai sę ebogo te dwai sę yabo homu kolesaga doloyu yai. Tialima megi dagego te polobadu yai dwai homu kolesaga mu sela sąyao.

Polgo Po Pas Rom Dabeba Asęani 13:14

Te tobage kolesaga menio. Dagego Genuai Bidi Jisas Krais selama, tama aga te bebo ugwa tiwai elama tama duga homude bea sao. Tama dagego te tigigo ebo dwai kolesaga wali pabo homu me egimio.

Polgo Po Pas Rom Dabeba Asęani 6:12

Te tama tiyu, dwai sęgo dage isabo tigi tonalumainogo gogolamuo. Tiyu te dwai sęgo dage kegeyu tama tigigo dwai kolesaga wali pabo homu yabuo.

Godigo Nogi Ugwaba Sabo Tęąbi Po Wabo Buku Dabe 51:5

Nago koneai, idago ena ame nani sogo, ena dwai sę ebo bidi pedelai. Mu tama, ena idago haligade bidibadi, ena sęgę sai bidi dao.

1 Jon 2:16

Magi baso meni, tǫde bidigo kolesaga tigidali, te kolesaga e tama telalubo da wali, te tigigo bidigo homu hodolama tama mena dwai sę ebo kolesaga, te gedugo haniani nai sulama godolo ebo kolesaga, te bidigo mena naide hagoma homu eyu aga nogi ugwaba sabo kolesaga, te tobage kolesaga Aya Godigo mabeo. Menio. Te kolesaga e tǫde pedalobo kolesaga dao.

Efesus 2:2

Tama te sogo dage e tǫde bidibo we bidigo ebo dwai kolesaga wali bilaluai dao. Tama tiyu, dagego te dwai haubo noma tobolu bidigo kolesaga wali pai dao. Agai te dagalude bidibo dwai haubo noma bage tonalubo dao, tama megi me agai te Godigo po sela sąbo we bidigo homu kolesaga tonalubo dao.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

2 Korin 7:1

Eno ama dede muo, dago te Godigo te da dali dąų wali po dabe tama salio. Tama tibaso, dago dena tigide me homu elalubo meda tigidali sela sąnama tama wiegi yai tedali bidinao. Tama dago Godide wi elama, tama wiegi yai doloba pai kolesaga mu naga sesemane sogo wali pinao.

1 Korin 4:7

Abagi, magi yaliwe? Dego nage genuai bidi muai dawe? Tama nago mena nai te Godide sisąwani nai elalubowe? Te mu tama nago te nai Godide saligo da, teda magi baso te nago naga nogi ugwaba siyu, te naga digi nage te nai page bidi da wainogo ebawe? Te hagoma ebo tagalao.

Polgo Po Pas Rom Dabeba Asęani 7:18

Eno koneani, ena tomode te wiegi yai nai deli me bidibo menio. Eno tǫde bidibo tigide me te homude me, te side te wiegi yai nai me deli bidibo menio. Mu tama, eno wiegi yai kolesaga yabo homu ebo, tiali goli eno te kolesaga yabo usu me ebeo.

Dwagi Yai Gesi Po Makgo Asęani 4:19

tiali goli augwaligo homu hauwa te tǫde naide elama, tama augwaligo te mone hauwa sisinabo homu elama, tama haniani doado bagede godola pelama pesa yali. Te doado bage dabede homu ebogo te Godigo po mesegelama, tama tebo we bidi hani augwali te nai du me walisiąwai.

Tigidali Nai Gagalama Nigali Side 6:5

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

Polgo Po Pas Rom Dabeba Asęani 11:30

Polobadu dagego te Godigo po sela sąwani. Tama megi te Juda hani bidi augwaligo agai po sela sąnama, tama Godigo augwali osogo tagalabaso, tama agai dage gasa haniani hani we bidi dali homu dene eyu tau salio.

Polgo Po Pas Rom Dabeba Asęani 9:22

Te Godigo me te tiwai yai. Agai te aga sębę homu ebo te bidi dabebolo hania hanilabo homu yali, te tigidali bidigo agai bomo me konemainogo yai. Tama te dwai sę yali dene sabo we bidi augwali dolabo sę te sisi yai elalubo, tiali goli agai augwali gogolama polo elebeo, tama bobage sogo tonaluali.

Dwagi Yai Gesi Po Jongo Asęani 1:13

Tama augwali Godigo wai puluba gagawainogo, augwali augwa ida ayago kanemego ame nabeo. Te augwali Godigo wai te augwa tigigo homugo me ame nabe. Bidigo homugo menio. God aga digi augwali aga wai puluba pedalali dao.

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

Jopgo Po Asęani Elalubo Buku 25:4

Mena tama da tǫde bidi doloba pelama, Godigo gedude meda meni yai pedalaibawe?

Jopgo Po Asęani Elalubo Buku 14:4

Da we bidi nago gedude meda mu yali. Tama dego da hasegelama, da tigi wiegi yai nago gedude ilaibawe? Mu meni.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

2 Pita 2:18

We bidi meba augwali te Godigo po odisąwai bage tomode bidai digi, tama tamadi tama augwaligo te kolesaga ebo tagalali. Tama te we bidi dabebolo te tibo po ola mabo bage augwaligo te genuai po weyu, tama augwaligo te dwai kolesagade te po dwai dabe wabo dao. Augwaligo te homu begelai we bidi te homu hodolobo kolesaga eyu, te penani me te tigigo haniani dwai kolesagago augwali te dwai kolesagaba ma kekebo sę eyu tama augwali te kolesaga wali pabo dao.

2 Pita 2:14

Tama augwaligo gedugo te we dabe sibi sesemane sogo tonono eyu te penani yainogo, tama augwaligo te dwai kolesaga ebo tagalogobeo. Mu menio. Augwaligo te homu bomo meni yai bidi dabe augwali te sę emainogo homu begelama, tama augwaligo te dwai sęgę sabo kolesaga yai. Te augwaligo gasa bidigo nai sabo pesą ebo kolesaga konea sai dao. Tama Godigo te bidi dabe augwali mu dolaibao.

2 Timoti 6:9

Tiali goli te doado bage hauwa saio homu ebo bidi dabe augwali te buside bidibo uni kibu dabego te nai tugi painogo te denami odobo tiwai ebo dao. Tiali goli te kibu aga te dedagede tulaluyu isabo homu me konegobeo. Te moneba homu konebo bidi dabego homu te tiwai ebo dao. Te augwa homu te moneba dąų olama, tama augwaligo te haniani dwai kolesaga wali peyu, tama te homu kolesaga meni yai bidi tiwai bilibadi, te augwa digi dene mabo kolesagago augwali dąų wabo dao. Tama tiyu augwa digi dolama, tama augwali dwai mu hobedagia bidaibao.

Galesia 3:22

Tialima, te tobage bomo yai po elalubo menio. Tama te Godigo po bukude augwaligo te po asęani, “Te tigidali tǫde bidibo we bidi augwaligo Godigo bomo yai po boludubo dao. Tama te kolesaga ebogo augwali mu dagana selama, tama augwali te sę tomode kalabus bidi tiwai dao,” te po asęani. Tama te asęani po odama, tama dago koneani, te bomo yai po wali pabo tų te usubeo. Tama tibaso, te pabo tų me deli naga elalubao. Godigo polobadu te po wai, “Niwai we bidigo homu kolesaga Jisas Kraisde dąų wabo we bidi eno augwali dali te doloba pai bidi da waibao,” te po dąų wai. Tama da dena homu tigidali agaba muyu da, teda da doloba pai we bidi te Godigo gedude pedalaibao.

Polgo Po Pas Rom Dabeba Asęani 1:24

Tama tibaso Godigo augwali tagalali. Augwa dwai kolesagago digi augwa te dwai meda yai kolesagaba kegeyu, tama augwa digi augwa tigi doloyu yainogo ebaso, agai augwali tagalali.

1 Jon 2:8

Me ma, megi eno dagebolo te asębo bomo yai po page meba te gesi po dao. Tama te eno asębo bomo yai po te mu po dao, te dago konebao, te Kraisde me, te dagede me, tede dago te bomo yai po te mu po dao dago subo dao. Magi baso meni, te ula mu te pedalama bidiyu, tama te ulago te be hulia si elaluali silibao.

Godigo Sęba Tagala Palai Bidigo Po 14:16

Tama polobadu Godigo tigidali we bidi hani augwa kolesagadu pabo sula tagalai.

Tigidali Nai Gagalama Nigali Side 5:3

Tama Adam te kibu be 130 bidama, tama aga te ogwa me deligo aya te aga tiwai mu pedelai. Tama Adamgo aga nogi Set nogi poai.

Polgo Po Pas Rom Dabeba Asęani 2:14

Eno te kolesagade po me elalubao. Te Juda hani isąwai gasa hani bidi dabe augwaligo te Godigo te Juda hani dabebolo mani bomai po meni yani, tiali goli augwa digi augwa homude augwaligo te bomai po wali pabo kolesaga wali peyu da, teda te kolesaga ebo bidi dabe augwaligo te bomai po meni yai goli, augwa tama tilama tama augwa homu aga digi te augwa bomai po tiwai elalubo dao.

Polgo Po Pas Rom Dabeba Asęani 5:9

Tama tialigo da, megi dago mu koneani, te agai da me mu dobola sesa pidubadi geyu, tama dago te dwai sę ebode aga sębę tagalama tama dago dene me sogobeo. Krais agai kaneme gelama tama da penama, tama megi Godigo da doloba pai we bidi nogi obao.

Polgo Po Pas Rom Dabeba Asęani 5:10

Polobadu dago God dali boi bidi homu elama bidibadi, tama te sogo Godigo Ogwa isai. Tama te isaligo agai te dago boi bidi yali kolesaga silama, tama da God dali deli homu ilama pedalali. Tama agai tama tialigo da, teda dago mu kuna koneani, te dago dene sidali weyu, te Ogwago bidibogo te Godigo da ma dobola sainogo tiaibao.

Kolosi 1:21

Awe, polobadu dagego dwai homu kolesaga eyu, tama dwai sę idubaso, dagego God dali boi bidi homu elama tama dagego aga konebeo, dage digibulu bidai dao.

1 Tesalonaika 4:13

Dago abagi dede o, edao. Te Godigo po wali pisiąwani we bidi augwaligo augwa homu Godiba musiąyu, te isali we bidi gų pagede ma hodalobo sogo augwaligo tonalusiąma, tama te isibo we bidide augwali homu dene eyu, gela mu wabo dao. Tiali goli, dago homugo te Godigo po wali pelama isali we bidide te dagego bugagia koneao. Dagego te buluba bidibo we bidigo gela wabo tiwai waidali weyu, dago e po dagebolo obao.

1 Tesalonaika 5:6

Tama tibaso, da sisi eyu, godege piabuo, te gasa sisi isiąma godege pibo we bidi tiwai. Tama dago gedu pedaluyu, bugagia tonaluyu, tama dago homu kolesaga wiegi yai mu elama, bidao.