Efesus 2:12 - Godigo dwagi yai po buku

¹² Tama polobadu dage te tiwai bidibadi, te dagego Krais aga de dawe, te dagego konebeo. Dage te Israel bidi hani bulu badu bidaluai, te dage God agai hagea sai we bidi hani meni. Te God agai te da Israel we bidi dali dwagi yai sę nosali yabo po olama, tama dabolo polobadu mu pusai dao. Tama te pogo bomo te Godigo dena wąįbolo mu dąų wali po te dao. Tiali goli Godigo dage Israel hani isiąwai we bidi dali te tobage tau sabo dąų wali po wabeo. Tama dage tǫde bidibadi dage dwagi yai homu eyu, te Godigo dage dali wiegi yai sę yabo sogo tonaluai menio. Tama dagego God konesiąwai bidai dao.

Efesus 2:12 Referans Kwoze

Galesia 4:8

Te polobadu dagego God konesiąbadi, tama dage e tǫde dwai haubo noma bidi dabe dologode bidai dao, dage augwaligo olo sę ebo bidi tiwai bidai dao. Tama te god mu menio, te augwali tibo god dao.

Kolosi 1:21

Awe, polobadu dagego dwai homu kolesaga eyu, tama dwai sę idubaso, dagego God dali boi bidi homu elama tama dagego aga konebeo, dage digibulu bidai dao.

1 Pita 1:3

Te dago dena Genuai Bidi Jisas Kraisgo Aya God aga nogi dago ugwaba sinao. Agai da moni homu dene mu eyu, tama da tau somainogo, agai Jisas Krais te isai bidi dabe bidibo digi tomodu ma hodolali. Tebogo dabolo te gesi noma ula mawai. Tama menama, da dwagi yai homu eyu, bugagia tonaluyu bidalubao.

1 Tesalonaika 4:13

Dago abagi dede o, edao. Te Godigo po wali pisiąwani we bidi augwaligo augwa homu Godiba musiąyu, te isali we bidi gų pagede ma hodalobo sogo augwaligo tonalusiąma, tama te isibo we bidide augwali homu dene eyu, gela mu wabo dao. Tiali goli, dago homugo te Godigo po wali pelama isali we bidide te dagego bugagia koneao. Dagego te buluba bidibo we bidigo gela wabo tiwai waidali weyu, dago e po dagebolo obao.

Efesus 4:18

Tama tiyu augwaligo homu kolesaga dwai eyu, be hulia sabo tiwai ebo dao, augwaligo ebo homu te kedu meni yai homu kolesaga dao. Tama te Godigo mabo bidada pabo ula augwaligo sogobeo. Magi baso meni. Augwaligo bomo elama konebo hagela homu eyu, tama augwali munu me konesiąyu bidibo dao.

Esekiel 37:26

Tama eno augwali dali kontrak po dąų walama, tama augwali tigidali sogo bugagia bida bida peyu bidaibao. Tama eno augwali augwa tǫde bidimainu sula tagalama, tama augwali we bidi hani genuai hauwa mu pedelaibao. Tama eno be augwali tomode tigidali sogo mu elalua paibao.

1 Tesalonaika 4:5

Tama we sabo sę te tiwai eyu, tama dagego te God konesiąwai bidi hanigo ebo kolesaga tiwai egimio. Te God konesiąma, augwali augwa dwai sę yabo homu kolesaga wali peyu, te bomogo, te we sabo dao.

Dwagi Yai Gesi Po Jongo Asęani 15:5

Te Jisasgo te po me wai, “Ena da, te bono ni wain tigi dao, te dage da te bono ni waingo nologo dao. Bidi ena dali wadolama bidiyu, ena aga dali wadoloyu bidaibao. Tama te tiwai bidi agai du hauwa walaibao. Tibaso, dagego ena dali wadoloyu bidisiąyu da, teda dagego te eno dwagi yai sę me egobeo, usu egobeo.

Hibru 6:18

Tama tibaso, te Godigo mu po dąų wabo me, te aga teba aga nogigo bomo manubo me, te sę si me hasegelegobeo. Te sę side Godigo tibo po munu me wagobeo. Tama tibaso, tebogo da te God pąba wi pelama geme duala sigi pali we bidi da homu bomo mayu, mu dąų ilimainogo yai. Tama tiyu, dago homugo te Godigo po dabolo weyu te dąų olama, te agai da dali nosali yabo dwagi yai sę dago tede dwagi yai homu eyu tama tonalubo dao.

Polgo Po Pas Rom Dabeba Asęani 9:8

Te po page e dao, te Godigo gedude te tigigo ebo kolesagade naga pedalali wai dabe augwali te Godigo wai dabe me egobeo. Menio. Te Godigo Abraham dali dąų wali pode ame nani wai dabe, te augwali Abrahamgo hanide nogi elaluai dao.

Tuni Bidi Dabego Po Elalubo Buku Si 15:3

Bobobage sogo mu te God Mu Israel dabe dali munu me bidai menio. Magi baso meni, augwaligo agaba tudi ola mobaso. Tama augwaligo Godigo po augwaliba ola maiabo pris bidi meni yai dao. Tama me augwaligo agai bomai po dabe wali me pai menio.

1 Pita 3:15

Te meni. Dage duga homugo “Krais aga da, dago Genuai Bidi mu dao” homu eyu, aga dologode mu bidao. Tama teyu, dagego duga homu hasia bugagia dodolama, tama me sogo bidi mego dagego Kraisde konealubo po page hanalu obaso da, dagego agabolo te konealubo po page bugagia ola mao.

Godigo Sęba Tagala Palai Bidigo Po 28:20

Tama tibaso, eno dage megi asomainu hanalu obao. Magi baso menio. Enade augwaligo yali sę dagego me konemainu obao. Megi dagego e konemainu, ena e aligabo bonogo ena nogo si megi augwaligo kęai dao, kalabus bidi ebo ąǫ yalio. Magi basowe? Eno homugo te da Israel bage tonalubo bidi te Godigo dabolo nosali mawaibao, tama te sogo pedalobo eno tonaluyu bidibo dao. Tama tibaso, augwaligo ena kalabus mawai dao,” te po wai.

Godigo Sęba Tagala Palai Bidigo Po 3:25

Godigo agai mu po ola tolai dao, te agai po pusa mabo bidi dabego ola mawai, te da tau somainu. Godigo dago wąį dabebolo agai mu po ola mawai dao. Tama Godigo Abrahambolo polobadu wali po megi da pagede me bidibo. Godigo Abrahambolo polobadu te po wai, ‘Eno nago nosali ame nai wąį dabebolo dwagi yai sę hasia elama, nosali augwaligo tigidali tǫde bidibo we bidi dabebolo dwagi yai sę yaibao,’ Godigo te po wai.

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Tigidali Nai Gagalama Nigali Side 15:18

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

1 Jon 3:3

Tama te augwali Krais tiwai pedalobo sogo bugagia tonaluyu bidibo we bidi tigidali, augwaligo magi sę isąyu dwagi yai naga tedali gagabo dao. Magi baso meni, augwaligo koneani, te Krais me aga magi dwai sę isąyu dwagi yai naga tedali bidibo dao.

1 Pita 1:21

Tama tiyu, Godigo aga te gų pagede ma hodolama, agabolo genuai ula yai nogi mawai dao. Tama tiwai ebaso, agadu dagego duga homu tigidali Godiba muyu agade mu dąų wali. Tama duga homu tigidali Godiba munama, tama agai dage dali wiegi yai sę yabo sogo dagego dwagi yai homu eyu tonalubo dao.

Hibru 11:34

Tama augwaligo te moni sia bogoli ebo me sula sąyu yalio. Tama me te augwali wi pidu gebaso te gasa bidi dabego te bobage hwą gego te augwali elali te usu me ebeo. Tama augwali bomo meni yai bidilama, tama nosali augwali bomo sai. Augwali te wąbi hwįbode bomai bidi mu pedalai. Augwaligo te gasa hanigo genuai ami bidi dabe augwali aiyaba elaluyu pobeasa peyu yai dao.

2 Timoti 1:1

Ena Pol dao, ena Krais Jisasgo po sela pabo sę bidi dao. God da, te da ma dobola sabo bidi dao, tama dago suainogo dwagi yai homu eyu tonalubo bidi deli te Krais Jisas dao, tama augwali sigo enabolo te sę yao po obaso, eno te Kraisgo po sela pabo sę bidi bidibao.

2 Tesalonaika 2:16

Te dago Aya God agai da dali dwagi yai homu eyu, da godolo mu ebo dao. Tama tiyu, agai da olo mu tau siyu, dago homu kolesaga dwagi yai eyu, sesemane sogo bidada paibao. Tama agai da olo mu tau siyu, tama Godigo da nosali bugagia bidimainogo yaibao, da tonaluyu bidibo dao. Tama dago homugo dago Aya God dali, dago Genuai Bidi Jisas Krais dali, augwali sigo dagego homu kolesaga bomo dąų walomainao, tama dage tau sao, dagego tigidali dwagi yai kolesaga eyu, tama dwagi yai po naga omainogo yao. Dago homugo tama timainogo ebao, tama tibaso dago gedu haluasa po obao.

Kolosi 1:27

Te Godigo homu e dao: agai aga polobadu dulaluai po agai we bidi mu augwalibolo hania hanilaibao. Tama te dulaluali pogo te gasa hani we bidi tigidali tau sabo po dao. Te dulaluali po wiegi yai mu dao, te bomo yai ula umabo elalubo po dao. Te dulaluali po page e dao: Krais aga digi dage deli delide hodobo bidibao, tama aga tama bidibaso dagego Godigo bomo yai ula dali, genuai nogi dali, bomo dali te meba saibao, tama tede dagego dwagi yai homu eyu bugagia tonalubo dao.

Kolosi 1:5

Te mu po, te Godigo gesi wiegi yai po, te po pusubo bidi hasia sogo dage bidibo digi sabolali sogo, te sogo dagego te po odama, tama dagego koneani, te nosali Godigo dage dali dwagi yai sę mu yaibao. Te tama odama, tama dagego tede dwagi yai homu eyu, bugagia tonalubo dao. Dage tama tonalubaso, dagego Kraisde konealubo po dąų olama, tama Godigo we bidi tigidali dali dwagi yai homu eyu godolo ebo kolesaga ebo dao. Tama te Godigo dage dali nosali yabo dwagi yai kolesaga page te Godigo aga bidibo digide bugagia tonalubo dao, te dologobeo.

Dwagi Yai Gesi Po Jongo Asęani 10:16

Eno gasa sipsip me elalubuo. Megi augwali e tomogai tomode bidibo menio. Te me eno sigi pelama, odasa asaibao, e tomogai tomoba muaibao. Tama augwaligo eno po odaibao. Tama deli kibu sipsip hani bidaibao, tama te sipsip dabe tonalubo bidi deli digi yaibao.

Dwagi Yai Gesi Po Jongo Asęani 4:22

Dagego konesiąwai naibolo lotu po wabo dao. Da Juda dabe dago lotu po wabo da, te dago koneai bidibolo lotu po wabo dao. Magi basowe? Godigo we bidi ma sabo sę page te da Juda dabe tomode pedalaibao.

Dwagi Yai Gesi Po Lukgo Asęani 1:72

Agai dago wąį dabe moni hobede eyu, tau saibao wali bidi te asalio. Tama agai polobadu bodolu mani aga me konealubao.

Hosea 3:4

Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.

Esekiel 13:9

Megi da, te we bidi augwaliba tibo po ola mabo profet dabe dageba eno dwai dene mabo sę yaibao. Te eno we bidi dabe augwali deliba sisinibo sogo, dage augwali dali me bidigobeo. Tama dagego nogi te tigidali Israel we bidigo nogi elalubo bukude me elalugobeo. Eno dage ela gudulama, tama dage te Israel tǫ kantri pedaiba ma begasa asogobeo. Te tiwai ebo dagego bugagia koneama, ena digi ena God Genuai Bidi da po waibao,” wali.

Jeremaia 14:8

Sesemane sogo da Israelgo nageba konealubo homu dąų weyu, te nageba tonalu, te nago da tau somainu yali. Te sęgę me sabo sogo, nago da ma siyu yai. Tialima, megi da, magi baso te nago da konesiąbo homu ebawe? Magi baso nage te digibulu bidi asai bidi te da dali deli pilama pabo tiwai yai dawe?

Aisaia 45:20

Genuai Bidigo te tiwai po wali, “Te tigidali tǫ kantri we bidi dabe, dage sisinagasiąo. Te hwįani sogode dolisąma bidalubo we bidi dabe, dage tigidali te po tųba asiąo. Tama dego te tibo god piksa dali sela asobo bidi, aga homu kolesaga mu meni ebao. Aga te tibo godiba gedu haluasa po weyu, aga tau somainu tiaibao, tiali goli te god te bidigo nigo dulama naga nigali, tama agai te bidi tau sabo usu me egobeo.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Esra 4:3

Tiali goli, Serubabel, me Josua, me tobolu bidi dabego me, augwaligo te po augwaliba wali, “Dagego da te dena God Genuai Bidigo be sę ebo tau me sagasigio,” wali. “Dena digi sę yaibao, te king Sairusgo dabolo wali po gilama yaibao,” wali.

Israel Hanigo Namba 18:19

Te Israel dabego enabolo mabo te ofa dabe meba, megi da, eno nage dali naga wai dabe dali tigidali sogo mawaibao. Eno tede te kontrak nage dali, me nago wai hani dali, te kontrak tigidali sogo mu te ebao, tama eno te kontrak toga sągobeo. Mu menio,” wali.

Aisaia 61:5

Te gasa bulu tǫ kantri bidi dabe aselama, dagego sę yagasaibao. Te dagego sipsip dabe augwaligo tonalu, te augwa tǫ elama, nai bulaibao. Tama augwaligo te dagego wain gi me tonaluaibao.

Aisaia 14:1

Genuai Bidigo aga Israel we bidi hobede ma elama, augwali tau siyu, tama augwali aga we bidi tiwai dąį ma ilaibao. Tama agai augwali augwa tǫba ma odasa paibao. Tama gasa hani we bidi augwali dali bidagaselama, tama augwali te Jekopgo hani dali taluama, augwali Israel we bidi mu pedelaibao.

Esekiel 47:22

Tama te deli deli hanigo tǫ te augwa wai dabe nosali pedalobo bagego tǫ elaluaibao. Tama dagego tǫ dąį elama, dobayu da, teda dagego gasa hani bidi dabe augwa we dabe dage dali bidiyu, wai ame nani bagego tǫ me dąį elama maiąo. Dagego homugo e tama tiao, te bidi dabe augwali te Israel dabe naga dao olama, tama augwaliba me te tǫ togwa maiąo.

Godigo Sęba Tagala Palai Bidigo Po 2:39

Tama Godigo polobadu mawaibao olama polo dąų walai po dagebolo me, te duga ogomani dabe nosali ame nabo tebolo me, tama te digibulu bidibo we bidibolo me, te dago Genuai Bidi God aga pąba i wabo we bidi tigidalibolo me, agai te tigidali we bidibolo aga Dwagi Yai Mobo mawaibao,” Pitago te po wali.

Efesus 2:19

Te Krais agai te tobage genuai sę tigidali ebaso, megi dage Juda hani isiąwai we bidi te dage gasa bulu we bidi menio, osogo bidagasai bage me menio. Woo, megi dage Godigo we bidi hani tomoba mu asai dao, te bidi hani dage mu wadolai dao, te augwali dali hodobo kaneme deli dao.

Hibru 8:6

Tiali goli megi te Godigo Jisasbolo te pris bidi sę mawai dao, tama te mani sęgo te polobadu pris bidi dabe augwaligo yali sę te aiyaba elaluai. Magi baso meni, Jisas agai te God dali, te da we bidi dali, da si tomode te dąų wali po bugagia dodolai. Tama te dąų wali pogo te Godigo polobadu te Juda dabe dali dąų wali po te aiyaba elaluai. Magi baso meni, te gesi dąų wali po weyu tama te po dąų omainogo eyu, Godigo te we bidi bugagia mu tau saibao po wai. Tama te megi mani agai augwali tau saibao wali po, te gesi pogo te agai polobadu dąų wali tau sabo po te aiyaba elaluai.