Efesus 1:23 - Godigo dwagi yai po buku

²³ Tama aga te tobolu bidi bidiyu tama Godigo po wali pabo we bidi hani aga tigi tiwai bidiyu, tama te hani te Krais agai te sę yao obaso, te po wali pabo dao. Te tigidali bulude elalubo habuge yai nai tigidali te Krais aga da te nai tigidali simanobo page bidi dao. Tama te Kraisgo po wali pabo we bidi hani augwaligo Krais te tigi sese ilibo dao.

Efesus 1:23 Referans Kwoze

Dwagi Yai Gesi Po Jongo Asęani 1:16

Aga te olo tau sabo sę hauwa mu ebo dao. Tama dabolo agai ma eyu, ma eyu idu gebo dao.

Efesus 4:12

Tama agai dabolo te haniani wiegi yai sę yabo homu kolesaga magi baso dobabo dawe? Te Godigo we bidi hani augwaligo we bidi tau sabo sę ebode bugagia sisi elama bidimainogo agai tebo dao, te Kraisba augwa homu tigidali muai we bidi hani augwali Krais aga tigi tiwai bidiyu, augwali geninama eyu bomo siyu bugagia bidimainogo agai te dwagi yai sę yabo homu kolesaga dabolo tama dobabo dao.

Efesus 3:19

Awe, Kraisgo te dage we bidi godolo mu ebo kolesaga tigidali te bidigo kuna bugagia kone palasiąbo kolesaga digi, te eno homugo dagego te kolesaga bugagia mu koneao. Tama dagego tama tiyu da, teda dagego ebo kolesaga tigidali te God agai ebo wiegi yai kolesaga naga tiwai pedalobao. Tama eno dagede te homu ebaso, tama eno God dali dage tau sabo po wabo dao.

Efesus 4:10

Tama hasia dulali bidi, aga me te nosali ugwaba holali bidi dao. Aga holali, te dagaluba holai, tama te dagalu ela soali, te sigiba mu holali, agai te tigidali bulude elalubo sese isąwai nai tigidali te ma siminainogo aga holali.

1 Korin 15:28

Tama nosali Godigo tigidali nai Krais dologode munama silibo si da, teda God aga Ogwa digi te God dologoba pelama, te tigidali nai aga dologoba munama, tama God te tigidali nai dali, tigidali we bidi dali tobolu bidi mu bidimainogo yaibao.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Kolosi 3:15

Krais agai da dwagi yai homu nagame ilibo kolesaga ebo dao. Tama te kolesagago dagego homu tonalumainao. Magi baso meni. Dage dwagi yai homu nagame eyu bidimainogo God agai dage deli deli i olama tama deliba sisinama, tama dage tigi deli naga tiwai pedalai dao. Tama sesemane sogo dagego Godibolo puba hwi po weyu bidao.

Kolosi 3:11

Tama Godigo tama tibaso, megi aga gedude te we bidi haniani tedali elalubo menio. Te Juda hani isąwai hani dali Juda bidi hani te si tedali gasagi yai meni. Te tigiwali togolama sa elalubo bage dali, te tigiwali togisiąbo bage dali, agai gedude te tedali gasagi yai me menio. Te bulu tomode mu bidibo bidi dabe dali, te bulu yowi tiwai bidibo bage me, te augwaligo sęde dąų olama masigi sisąbo sę ebo bage me, te olo bugagia bidibo we bidi me, Godigo gedude augwali tedali tedali gasagi gasagi yai meni. Te magigo meni. Krais aga digi naga te genuai dao, tama aga te aga we bidi tigidali deli deli tomode bidibao.

Efesus 2:16

Tama tiyu, agai te da Juda bage dali dage Juda hani isiąwai bage dali tomode yali boi bidi homu agai ela silimainogo eyu te aga te ni pedaide isali. Tama aga te ni pedaide isilama, tama agai te bidi hani si deliba sisinama, wadolama, tama tigi deli tiwai nigilama, tama agai te wadolali hani we bidi God pageba ma sesali.

1 Korin 12:6

Te haniani tau sabo sę ebo homu kolesaga elalubo, tiali goli te God deligo naga te tigidali bidibolo bomo dali homu kolesaga dali si menama, tama augwaligo tigidali tau sabo sę ebo usu yaibao.

Polgo Po Pas Rom Dabeba Asęani 13:5

Tama tibaso, da te gavman bidi dologode bidao. Da te Godigo sębę geda somainogo ebode naga tama te gavman bidigo po wali pigio. Menio. Dago homugo te kolesaga ebo te dolo dao te tiwai homu yao.

Efesus 4:4

Tama da Godigo po wali pabo we bidi da tigidali deli tigi tiwai elalubo, tama te Godigo Mobo Bidi me te deli naga bidibo dao. Tama tiwai elalubaso, Genuai Bidi agai da i wali sogo te sogo te po wai, “Te ena ma asobode homu konea paluyu, tama dage ena tonaluao,” te po deli naga dao.

Efesus 3:10

Tama polobadu agai homude yabo sę dualaluai. Tiali goli megi agai te agai po wali pabo we bidibolo haninama ola mani. Te gasa we bidi me augwaligo te Godigo po wali pabo we bidigo pedauwalidu te po odama tama Krais wali peyu tama aga hani bage pedalomainogo eyu, agai aga po haninama ola mani. Tama tebogo augwaligo te Godigo wiegi yai sę ebo kolesaga te dagalude bidibo ensel mobo bidi tobolu bidi dali, te polalubo bidi dabe augwalibolo te wiegi yai ebo kolesaga page waselemainogo yai. Tama te wiegi yai kolesaga page te ensel mobo bidi dabebolo tama waselama, tama augwaligo Godigo haniani sę ebode wiegi yai homu kolesaga mu elalubo te augwaligo hania koneaibao.

Efesus 4:13

Tama tiyu, tama we bidi tau sabo wiegi yai sę dago me ela pidubadi geyu da, teda da tigidaligo bomo yai homu Kraisde dąų wabo sę deli homu kolesaga naga mu eyu, tama dago Godigo Ogwa bugagia konea silimainogo tiyu dago deli homu kolesaga naga agade mu yaibao. Tama tiyu, te da Godigo hani we bidi mu pedalaibao. Tama tiyu, da Godide wiegi yai kolesaga ebo we bidi mu te Krais aga tiwai mu elama bidaibao. Tama aga dago usu ni mu tiwai da, agai usu niba dolo pedaliyu da, teda da aga dali usu mu yaibao.

Kolosi 2:19

Te po wabo bidi agai Krais aga homugo dąų wabo tagalai dao. Krais aga da te tobolu tiwai dao, tama da Godigo po odobo we bidi te tigi tiwai dao. Tama te tobolugo te tigi sese bugagia tonaluyu te dili dabe te kigibiligo deliba bugagia dąų olama, tama nai tulama tama te tigi dwagi yai pedalobo dao. Tama da Godigo po odobo we bidi me te dago tobolu bidi Krais dali tama wadolama, tama Godigo bomo selama da bugagia holobo dao.