Kolesaga Koneai Bidigo Pusali Po Elalubo Buku 9:17 - Godigo dwagi yai po buku

¹⁷ Te wiegi yai kolesaga elalubo bidigo dua dua wabo po dago odobaso, te wiegi yai dao. Te tobage bidigo pogo te wiegi yai homu kolesaga elalusiąbo bidi hanigo tobolu bidigo genuai hae wabo bidi aiyaba elalubo dao.

Kolesaga Koneai Bidigo Pusali Po Elalubo Buku 9:17 Referans Kwoze

Bugagia Bidibo Kolesagade Po Asęai Buku 28:23

Nago te bidi me deligo kolesaga dodolobaso da, teda agai nagede wiegi yai pemene mu yaibao. Te kolesagago agabolo te homu bega sabo ili po wabo kolesaga te aiyaba mu elaluaibao.

Jems 1:20

Magi baso menio. Bidigo sębę ebogo te Godigo gedude wiegi yai doloba pai kolesaga egobeo.

Aisaia 42:2

Te agai po wabo sogo, te genuai po dagą i hai olama, po me wagobeo. Tama aga te sunumi dabede doligi pelama, te agai po bomonama me pusugobe.

Aisaia 42:4

Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”

Kolesaga Koneai Bidigo Pusali Po Elalubo Buku 7:5

Te wiegi yai homu kolesaga elalubo bidi dabego nage dali wado po weyu, te nage dodolobo po obaso da, teda te wiegi yai kolesaga ebao, tama te wiegi yai homu kolesaga elalusiąbo bidi dabego balia weyu, nageba mani genuai nogi te aiyaba elalueibao.

Kolesaga Koneai Bidigo Pusali Po Elalubo Buku 10:12

Te wiegi yai homu kolesaga elalubo bidigo aga wabo pogo digi te agaba genuai nogi mawaibao. Tialima, te wiegi yai homu kolesaga elalusiąbo bidi te aga pogo digi aga dolaibao.

Godigo Sęba Tagala Palai Bidigo Po 19:41

Tama kuskus bidi agai te po olama, tama agai te bidi dabe tigidali augwa beba tagala palali.