Kolesaga Koneai Bidigo Pusali Po Elalubo Buku 9:10 - Godigo dwagi yai po buku

¹⁰ Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Kolesaga Koneai Bidigo Pusali Po Elalubo Buku 9:10 Referans Kwoze

Kolosi 3:23

Tigidali sę dagego ebo, te sę dagego bomo elama yao. Tama dagego duga sę ebadi e homu yao, “Eno e sę ebo, te bidi naga tau siyu ebo menio, te eno e sę ebogo te Genuai Bidi Krais tau sabo dao,” te homu yao.

Efesus 5:16

Tama megi da, te we bidi hauwa augwaligo dwai sę ebo sogo dao. Tialima, megi da, te dage Godigo kolesagade bilibo sogo dao. Tama tibaso, te dwagi yai sę yabo sogo dagego olo gesegeliyu tagaligimio.

Polgo Po Pas Rom Dabeba Asęani 12:11

Dagego sesemane sogo sę bomo mu yao. Tama dagego homude bomo eyu tama Genuai Bidigo sę yao.

Godigo Nogi Ugwaba Sabo Tęąbi Po Wabo Buku Dabe 6:5

Magi baso meni, te isali bidi dabego te nage homu kone me egobeo. Te gų pagede te bidi me deligo nago nogi ugwaba sobaso, te usu me egobeo.

1 Korin 9:24

Megi eno te po digi po begelama obao. Te udabo ususu si ebo bidi dabe te tigidali augwali udulama, tama te geanani bidi deligo naga te dwagi yai nai sabo dao. Te dagego konebewe? Tialima, dage me te tiwai bomonama Godigo po bugagia mu wali piąo, agai te dagebolo dwagi yai sę emainogo yao.

Kolesaga Koneai Bidigo Pusali Po Elalubo Buku 11:6

Nago te nai wai hani te kigamu meba wasilama buliyu, te pio meba wasilama buliyu yao. Nago konesiąwaibao, te nago kigamu wasilama bulali nai wai, ma te pio naga bulali nai wai bugagia holobowe, ma te nani si dali bugagia holobo, te konegobeo.

Jeremaia 29:13

Te sogo te dagego homu kolesaga sesego, me dagego kolesagago te ena gegebo sę bomo mu eyu da, teda te dage ena pageba asobo usu yaibao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

1 Korin 15:10

Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

1 Korin 9:26

Tama tibaso, ena digi me, ena te dwagi yai nai me sainogo eyu tama ena udabadi te eno gasaba tonono peyu me udagobe. Eno nogo wąbi hwįainogo, te eno nogo subigila sąnama olo dali nogo me sągobeo, tama te wali naga me eligobeo.

Dwagi Yai Gesi Po Jongo Asęani 9:4

Megi ulade dao. Tama ulade dago ena tagala palali bidigo sę yao. Hulia sabo magade, hulia sabode, bidi me deligo sę me egobeo.

Dwagi Yai Gesi Po Jongo Asęani 4:34

Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.

Kolesaga Koneai Bidigo Pusali Po Elalubo Buku 11:3

Te haowade ąį pągąna pobaso da, teda tulubage te tǫba tulaibao. Te ni degali saut badu elalubaso, me not badu elalubaso, te tagalao, teda aga te ni degali pesagede munalubo dao.

Nehemia 4:2

te aga hai namu dabego gedude te po weyu, tama te Samaria ami bidi dabe gedude me wai. Agai te tama po wai, “Te bomo isąwai dwai hobedagi yai bidi hani te Judago mena sę yainogo ebawe? Augwaligo homugo te augwaligo te taun bagulabo obo ma geselaiba homu eyu eba, agawe? Te augwaligo homugo te Godiba ofa ebogo te be sę ebo te deli sogo naga silaiba homu eyu eba, agawe? Augwaligo te homu eyu, te augwaligo te tomode kakali tibi holali te siago ulali masigi dabe selama te obo banis nigibaso te wiegi yai yaiba weyu eba, agawe?” te po wali.

Nehemia 4:6

Tialima, eno te tama gedu haluasa po olama, tama dago sę bomo mu yali, tama te sesabi me isąbadi tama te obo banis ugwaba holama, te tomoba dąį mu usu nigulali. Tama te deli tigi poai te dago siminabo obo banis te usu tama elalualio.

Tuni Bidi Dabego Po Elalubo Buku Deli 22:19

Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.

1 Korin 16:10

Te nosali Timoti dage bidibo madiba pedalobo si da, teda dagego bugagia tonalu te aga dage tomode wi isąyu homu nagame elama dua digi bidimainao. Magi baso meni, agai Genuai Bidigo sę eyu, te eno digi ebo sę tiwai ebo bidi dao.

Nehemia 2:12

tama eno te bidi me deliba te Godigo enaba homu hodolama, te Jerusalemde yao wali sę po me wabeo. Tialima, te be hulia sabo tomo ebo tonaluama, tama ena dali te dwasianu hani bidi naga te hogodama, te da bidali pesage tagalama, tama da pelama, te taun moni masigi obo dolali te sugi pali. Ena naga te donkide dualasa pali, tama te gasa bidi dabe sągągo tǫdu pali. Tama dago te taun te giliga dega sigilubo te obo bagulali sunumi elalubo te badu te taga peyu pali, te augwaligo nogi eyu te Odogo Pesage Badu Sunumi dao wali. Tama da te saut badu peyu, tama te ulu wę edelama pai, augwaligo te nogi weyu, Te Genuai Hasamanigo Ulu Wę da wali, tama da te pelama, te nogi augwaligo te Pobele Bage Sela Sąbo Sunumi te badu sabolai. Te da pedalobo sogo, eno te taun obo aluali te bugagia tonalua pelama, te siago dali obo sunumi te bugagia susa palio.

Tuni Bidi Dabego Po Elalubo Buku Deli 28:20

Megi da, king Devitgo Solomomba te tiwai po wali, “Nage bomo elama mu dolalu, te sę yao, te haniani sęgęgo nage aiyaba elalumainu ebaso te tagalao, magi baso meni, God, eno Genuai Bidi, te nage dali bidiyu, te nage tau saibao. Agai nage me tagalogobeo. Menio. Te aga nage dali bididubadi nago te be sę tigidali silibo siba usu naibao.

Israel Hanigo Namba 13:30

Te Israel dabe augwaligo te tobolu bidi dabego po odama, augwali wi yali. Tama augwaligo Mosesbolo po hauwa wali. Tiali goli, tobolu bidi me deli, aga nogi Kalep, agai augwali daga bola sąyu e tama po wali, “Dage magi baso po hauwa wabawe? Megi da augwali dali hwįgi pelama, augwaligo tǫ sigi pinao. Magi baso meni. Dago bomo elalubao, tama dago augwa aiyaba elaluaibao, tama dago te tǫ saibao,” wali.

Tigidali Nai Gagalama Nigali Side 37:35

Te tigidali ogomani, wegi mani me aselama, tama augwaligo te aga homu te wiegi yai ma ilabo po wagasali. Tiali goli, agai te wei mu isiąma, tama te po wai, “Eno aga hagede gela udubadi, te ena aga dali te isali bidi dabego gų pageba bidigi peyu, usu naibao,” wali. Tama aga ogwa Josep hagede te gela naga udu bididualio.

1 Samuel 10:7

Te sę dabe nageba pedalubo sogo da, teda nago koneaibao, te God nage dali bidu, te Godigo nageba mani sę ebo te nage tau saibao. Tama nosali, nago homugo te mena sę te we bidi tau sabo wiegi yai sę da homu ebaso da, teda nago te sę yagameo.

Jopgo Po Asęani Elalubo Buku 21:13

Tigidali sogo dwai bidi dabe augwali bugagia bidiyu ebo. Tama augwali isilama, isibo bidi dabego buluba painu ebo si da, augwali gasi elama, dene me eyu ebe,” wali.

Aisaia 38:10

“Eno homugo tama tiali, hobede ya, te megi tebogo ena gesi bidi tigi elalubadi, te ena isiyu, te tǫ taga paibao homu yai. Tama ena te isali bidigo bulu pesageba bidigi paibao.

Jopgo Po Asęani Elalubo Buku 10:21

“Tama nosali da, eno e tǫ tagalama, nosali da, ena hulia sai buluba mu bidigi paibao. Tama ena ma asogobeo.

Jopgo Po Asęani Elalubo Buku 10:22

Te bulude tigidali nai dabe dolama, me elalube, subigila mu elalubo. Tama ula mu meni. Magi baso meni. Te bulu huli sesabigo halua sai mu elalubo,” Jopgo te po wai.

Bugagia Bidibo Kolesagade Po Asęai Buku 3:28

Te abagi agai nageba hanalubo sogo, te nago aga tau sabo homu usu ebaso da, teda nago agabolo te tiwai po weyu, “Tonalu bolo yao. Te do nage ma aselama, te nage eno mawaiba,” te po wagio.

Matyu 20:7

Tama augwaligo po wei ponoyu, te po wai, ‘Te dabolo sę maiabo bidi me menio.’ Tama agai augwalibolo te po wai, ‘Dage me te wain giba pelama, sę egi piąo.’

Dwagi Yai Gesi Po Jongo Asęani 5:4

Me sogo deli sogo Godigo dagalude sę ebo ensel mobo bidi me deli te ąį tomoba dulama, tama te ąį te ensel bidigo memenege ilai. Te ąį memenege silai digi, tama niwai bidi me deli polasa ąįba dulali bidi da, te bidigo gasi polo silai.)