Kolesaga Koneai Bidigo Pusali Po Elalubo Buku 8:8 - Godigo dwagi yai po buku

⁸ Te isibo sogo, te dago tigide homu ogwa wai tomode bidali mobo bidi tagalainu ebaso, te dago palibaso, usu egobeo. Te dago isibo sogo bodolu hasegelainu ebaso, usu egobeo. Te hwįbo sogo, te ami tobolu bidi ofisa bidigo te aga ami bidi dabego te boi hwįbo pesage tagalama, te augwa buluba ma begasa pomainu sula tagalogobeo. Te tiwai me, te bidi mego dwai kolesaga wali pobaso da, teda aga te kolesagaba mu dagana selama, te tagalainu ebaso, usu me egobeo.

Kolesaga Koneai Bidigo Pusali Po Elalubo Buku 8:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 89:48

De mu te sesemane bidada pidu, bidada pelama, tama te me isigobe dawe? De te bomo elama bididu, te aga gų pageba me pogobewe? Te mena bidi deli me tegobeo, mu menio.

Jopgo Po Asęani Elalubo Buku 14:5

Da e tǫde bidabo bubuga dali, kibu be dali si polo bodolu muai dao. Bidi mego aga bidabo bubuga bobobage ma ilabo usu egobeo.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Aisaia 28:15

Tama dagego e tama po wabo dao, “Dago te isibo kolesaga dali dago polo po dąų ola selama, tama dago te gų page dali dago po polo dąų ola sai dao. Tama tibaso, augwali sigo da me dologobeo. Te dwai sę da dolo pedalubadi me tagala, teda da geda muaibao. Magi baso meni. Dago te ili po olama, te hasegelu hasegelu ebogo da tau siyu, tama da bugagia bidaibao,” dagego te po wabo dao.

Kolesaga Koneai Bidigo Pusali Po Elalubo Buku 3:21

Bidi mebago homugo te bidigo noma mobo te ugwaba holobo homu, te hasa dabego mobo noma te tǫba aiyaba dulubao homu ebao. Tialima, dego mu te sę page koneabo usu yaibawe?

Bugagia Bidibo Kolesagade Po Asęai Buku 14:32

Te dwai sę ebo bidi dabe te augwa dwai kolesagago digi te dolobao. Tiali goli, te doloba pai bidi dabe te magi nai me delide homu si me egobeo. Te augwa isibo sogo pedalubo si da, te augwa konealubo po te me dąų elalueibao.

Godigo Nogi Ugwaba Sabo Tęąbi Po Wabo Buku Dabe 9:17

Te dwai bidi dabe, me te God tudiba mubo we bidi hani dabe, te tigidali isimainu ebo dao.

2 Korin 13:4

Magi baso meni. Polobadu agai aga digi bomo meni yai bidi tiwai ilama tama bidibadi, tama augwaligo aga ni pedaide elali goli, Godigo bomogo megi aga bidibo ulade ma bideibao. Tama da aga dali wadolama, tama da me bomo meni yani tiwai bidibao. Tiali goli Godigo bomogo da aga dali bidibo ulade bidibao. Tama dago te bomo dage tomoba hanilaibao.

1 Korin 15:43

Te tigi dago pubalobo, te sawi isąwai dwai mu yali. Te ma hodalobo tigi, te wiegi yai sawia pai mu yaibao. Te dago tǫba pubalobo tigi, te bomo me elalubeo. Te ma hodalobo tigi, te bomo hauwa elaluaibao.

Aisaia 28:18

Tama eno dagego te isibo kolesaga dali, me te isibo bidi dabego bulu dali, dagego dąų olama yali po eno tomode togolama, mu silaibao. Tama te dwai kolesaga mu dagede pedalama, tama dage mu isila paibao.

Jopgo Po Asęani Elalubo Buku 34:14

Ma, God aga naga homugo koneama, tama aga mobo ma sigi sogo da, te tigidali bidibo nai dabede,

2 Samuel 14:14

Dago koneani, da tigidali te isaibao, tama te da bidabo ula ma sainu ebo te usu me egobeo. Te wę tǫba gealuali, te dago ma sainu ebo te usu isiąbo, te tobage tiwai ebao. Tiali goli, Godigo te bidigo bidibo ula te olo dali sela sąwainu ebaso, usu me egobeo. Menio. Te bidi me deli agade te digibulu bidibaso da, agai te bidi te aga pąba ma odasa asabo sunumi gegibo dao.

Te Israel me Juda Hani Sigo Tuni Bidigo Po Elalubo Buku Si 7:15

Te bidi dabe augwali pelama, kegegi pali bage e tiwai tama suali, te Siria bidi dabe augwa digi wi pai suali. Tama augwali te Siria bidi dabe pali wali pelama, te wę Jordanba sabaligi pali, tama augwaligo te Siria bagego doado bage te name ugwa me, me te hwįbo nai me, me te gasa nai dabe me tama, te Siria bage augwali wi peyu, te doado bage dabe te tų sisiyu tulalua pai suali. Tama tialima, augwali ma geasa pelama, te king bidibolo pusugi pali.

Kolesaga Koneai Bidigo Pusali Po Elalubo Buku 8:13

“Te dwai kolesaga ebo bidi da, te aga bugagia me bidigobeo. Te aga pęwadage sogo naga te tǫde bidaibao, magi baso meni, aga te God dologoba pelama bidibeo.”

Bugagia Bidibo Kolesagade Po Asęai Buku 12:3

Te dwai kolesaga ebo bidi da, tego aga bomo elama, bugagia bidimainu tau sabo usu me egobeo. Tiali goli, te doloba pai kolesaga ebo bidi da, aga te ni sele aiyanu mu dulama elalubo tiwai, tama bidi dabego gudainu ebo usu me egobeo.

Kolesaga Koneai Bidigo Pusali Po Elalubo Buku 9:12

Te magi genuai sęgę daba pedelabo dago konebeo. Te dwai sęgęgo da polo tama mu deli sogo gegaibao, te hagane mubo nai wago te sųgų ma ba tola sabo tiwai ebo dao.

Aisaia 47:10

“Nago tama homu yali, te naga dwai kolesaga dabego te nage dąų walama, bidaiba homu yai. Tama nago homugo te nago ebo sę te bidi dabego sube da homu yai. Te nago koneani tobage hauwa kolesagago, te nago homu kone tuą palama, te nagaba digi nago te tiwai po wali, ‘Enaduba deligo naga tigidali bomo elaluba,’ homu yali, ‘te ena tiwai gasa me elalubeo,’ wali.