Kolesaga Koneai Bidigo Pusali Po Elalubo Buku 7:22 - Godigo dwagi yai po buku

²² Magi baso meni, nago te tiwai koneao, hauwa sogo naga digi nago gasa bidi posobo dwai po wabo dao.

Kolesaga Koneai Bidigo Pusali Po Elalubo Buku 7:22 Referans Kwoze

Jems 3:9

Tama dago kelego naga po weyu, te dago po si wabo dao. Po me deli te dago Genuai Bidi dali te dago Aya God te augwali sigo nogi dago ugwaba sabo dao. Tama gasa po me dago kelego dwai po weyu, meba bidi dabe dali posobo po olama dolobo dao. Tiali goli, God agai tigidali tǫde we bidi aga tigi tiwai nigaligo da, Godigo nogi ugwaba sabo po dali, te bidi posobo dwai po wabo dali, te tiwai po si dago deli kelego olamuo. Eno ama dedeo, te dwai po wabo tagalao.

Matyu 15:19

Tama bidigo homu kolesagadu te haniani dwai sę ilabo homu pedalobo dao. Tama te tobage homu eyu, augwaligo po weyu, tama augwaligo te bidi ela mubo kolesaga me, te we sabo sę dolobo kolesaga me, te hale ilibo penani kolesaga dabe me, te nai wi sabo kolesaga me, te po tųde tibo po wabo kolesaga me, te bidi nogi posobo po wabo kolesaga me, te tobage dwai dwai sę ebo dao.

Te Israel me Juda Hani Sigo Tuni Bidigo Po Elalubo Buku Deli 2:44

Te nago dwai kolesaga te nago eno aya Devitba yali, te nago koneai. Tama megi da, nago te yali kolesagade, te Genuai Bidigo te nageba dene mawainu ebao,” wali.

Kolesaga Koneai Bidigo Pusali Po Elalubo Buku 7:21

Nago te we bidi augwaligo mibo po tigidali me odogio. Te nago augwaligo wabo poba bugagia olo mubaso da, te naga sę bidigo nage posobo po dwai wabo te nago odobo homu yaibao.

Kolesaga Koneai Bidigo Pusali Po Elalubo Buku 7:23

Eno te tama homu ebo tigidali bugagia homu kone palali, te aga page mu gegela suainu yali, magi baso meni, ena te homu kolesaga mu konea pabo bidi mu pedelainu yali. Tiali goli, eno homu kolesaga te usu ebeo.