Kolesaga Koneai Bidigo Pusali Po Elalubo Buku 7:20 - Godigo dwagi yai po buku

²⁰ Te doloba pai bidi me deligo wiegi yai kolesaga sesemane sogo me idugobeo. Menio. Me sogo agai me sęgę sabo dao.

Kolesaga Koneai Bidigo Pusali Po Elalubo Buku 7:20 Referans Kwoze

Polgo Po Pas Rom Dabeba Asęani 3:23

Magi baso meni. Da tigidali bidi dago dwai sę yai dao, tama da tigidali te Godigo wiegi yai usu niba kadu wabo usu menio.

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

Jems 3:2

Tama hauwa sogo da tigidali bidigo te pode geda muyu haniani sę ebo dao. Tama tibaso, bidi mego agai wabo pode dwai sę me esiąyu da, te aga te wiegi yai bidi mu dao. Tama te bidi aga tigigo ebo sę tigidali bugagia tonaluyu te bidi usu yaibao.

Te Israel me Juda Hani Sigo Tuni Bidigo Po Elalubo Buku Deli 8:46

“Tigidali we bidigo dwai sę ebo da. Tama nosali te Israel dabego te dwai sę nageba ebaso, tama nago augwali dali wado po weyu, tama nago te boi bidi dabego augwali aiyaba elalumainu elama, te augwali kalabus elama, tama augwali te pąde elalubo bulu tǫba, ma te digibulu tǫba selasa pomainu ilama,

Bugagia Bidibo Kolesagade Po Asęai Buku 20:9

Dego te tama po weyu, “Eno te ena digi te magi dwai sę me isiąwai mu, te ena wiegi yai mu te God geduba pedalu, tama megi eno te dwai sę me deli ebeo,” po obaso, te usu egowe? Bidi meni.

Tuni Bidi Dabego Po Elalubo Buku Si 6:36

“Te tigidali we bidigo sęgę sabo sę ebo dao. Tama tialima, dago nage dali sęgę sabo sę eyu da, tama nago da dali wado elama, tama nago boi bidi dabego da dali hwįagaselama da aiyaba elaluama, tama da kalabus elama, da digibulu o pąde elalubo kantri dabeba pomainu sula tagaliyu,

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.

Godigo Nogi Ugwaba Sabo Tęąbi Po Wabo Buku Dabe 143:2

Te nago po tųde te ena naga sę bidi me dagaligio. Magi baso meni, te mena bidi me deligo te nago gedude magi dwai sę me ebeo.

Godigo Nogi Ugwaba Sabo Tęąbi Po Wabo Buku Dabe 130:3

Te nago dago yali dwai sę tigidali nedebaso da, teda dego nago te po tų ebo ugwaba ela holobo usu egowe?

Jopgo Po Asęani Elalubo Buku 33:12

“Tiali goli, Jop, odao. Nago te wali po da, dolo menio. Tama megi da, eno nago po e tama ponaibao. God da, polalubo mu dao. Tama agai homu kolesaga dali, bomo dali sigo da bidigo bomo dali, homu kolesaga dali si edelai dao.

Pris Sę Ebo Bomai Po 13:39

teda prisgo te tigide dąį elalubo bugagia suao. Te dąį elalubo te olo tedela elaluyu, te ula mu meni baso da, teda te dąį olo tama te tigide pedelali homu yao. Tama tialima, te bidi eno gedude wiegi yai yali dao,” wali.

1 Samuel 20:34

Tialima, Jonatango te aga aya dali haliga sębę umabo mu elama, tama te nai tudali tebol sai taga peyu, palio. Tama aga te gesi polua side te nai tubo si sogo wabode te nai me tubeo. Agai homugo te ayago aga dolali homu eyu, tama aga te Devitde homu dene mu elama, tama haliga sęgę mu yalio.

Godigo Nogi Ugwaba Sabo Tęąbi Po Wabo Buku Dabe 14:1

Kolesaga meni yai dwai sę ebo bidi dabe augwa hasi te po wabo dao, “God bidibo menio,” wabo dao. Te bidi dabe augwali te dwai bidi dao. Augwaligo dwai kolesaga mu naga ebo dao. Bidi me deligo dwagi yai kolesaga me ebo menio.

Godigo Nogi Ugwaba Sabo Tęąbi Po Wabo Buku Dabe 14:3

Tialima, menio. Tigidali augwaligo dwagi yai tų wali pabo tagalai. Tigidali tiwai naga yai, augwali dwai bidi mu pedelai dao. Tama augwali me deligo dwagi yai kolesaga me ebeo. Mu menio.