Kolesaga Koneai Bidigo Pusali Po Elalubo Buku 7:14 - Godigo dwagi yai po buku

¹⁴ Te nago bidibo ulade sę dabe te bugagia dolalubaso da, teda nage wiegi yai homu pemene yao. Te dwai sogo nageba pedalubaso da, teda nago te tama homu yao, Godigo te wiegi yai sogo dabolo tagala palu, te dwai sogo me dabolo asomainu tagala palaibao. Tibaso, magi sę nosali daba pedelabo, te dago konebe dao.

Kolesaga Koneai Bidigo Pusali Po Elalubo Buku 7:14 Referans Kwoze

Kolesaga Koneai Bidigo Pusali Po Elalubo Buku 3:22

Tama tibaso, eno te tama sęde homu kone palama, eno koneani, te kolesaga me deligo uganu igulai mu elalubao. Te kolesaga e tiwai elalubao. Te da isibo si, te nosali e tǫde pedalubo sę te dago konegobeo. Tama tibaso, dago megi ebo sę tigidalide wiegi yai homu pemene inao. Magi baso meni, Godigo dago te sę emainu bodolu muai dao.

Kolesaga Koneai Bidigo Pusali Po Elalubo Buku 3:4

Agai te gela wabo sogo muyu, te gisugu wabo sogo bodolu muyu yali. Agai te hobede yabo sogo muyu, te tęąbi po wabo sogo muyu yalio.

Kolesaga Koneai Bidigo Pusali Po Elalubo Buku 12:13

Te tigidali po siminagasu, eno te tiwai po obao, te da bidigo bidibo ulade polalubo sę te tiwai elalubao. Dago God naga dologode bidiyu, tama agai bomai po dabe wali pao.

Bomai Po 28:47

Genuai Bidi dago Godigo dagebolo wiegi yai nai hauwa mawai goli, dagego wiegi yai homu nagame elama, tama te naide bugagia sę yabo homu isąma ebaso da,

Bomai Po 8:3

Te dage hagoma homu idali, agai dage nasi ilai dao, tama nosali agai dage te mana mawai dao, te dagego tumainogo. Te nai dagego me duga wąį dabego te tobage nai polobadu augwaligo me tuai menio. Agai te tama tiali da, te bidi dago konemainogo te yali dao, te bidi da te tubo naigo naga da bidibo ula sogobe da weyu, te yali dao. Menio. Dago Godigo po deli naga wali peyu da, teda da bidibo ula saibao.

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Jems 5:13

Te dage tomode bidi me deli aga te sęgę tolobawe? Tibaso da, agai te Godibolo gedu haluasa po hanalu wao, Godigo aga tau somainogo. Ma, bidi me aga homu dwagi yai eyu bidibawe? Te homu ebo bidi agai te Godibolo wiegi yai homu elama, tęąbi po weyu, Godigo nogi ugwaba sao.

Matyu 9:13

Tama dage pao, te Godigo po bukude asęani po me deli nedama, tama te po page bugagia koneiąo. Te po e dao: ‘Dagego te hasa elama tama enabolo olo mabo kolesaga, te tobage tebo ofa sę eno godolo menio. Te dagego gasa we bidide homu dene eyu tau sabo kolesaga te eno godolo ebo dao,’ te po asęani. Tama ena asali, eno te we bidi augwa digi augwa homugo da doloba pai we bidi dao wabo we bidi i wainogo asobeo. Menio. Ena asali te eno dwai sęgę sai bidi dabe i wainogo asai dao,” Jisasgo te po wai.

Maika 6:9

Te dago Genuai Bidiba wi homu ebo, te wiegi yai homu kolesaga dao. Genuai Bidigo te Jerusalemba i weyu, te tama po wai, “Dage te taunde bidibo we bidi dabe, dagego odiąo, te dage dene mabo bomo elalubo bidigo wabo po sao,” wai dao.

Jeremaia 23:20

“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.

Godigo Nogi Ugwaba Sabo Tęąbi Po Wabo Buku Dabe 119:71

Te wiegi yai mu da, te nago dene mabo sę enabolo yali. Te tiali sęgo nago bomo yai po wali pomainogo ena bugagia ola mawai dao.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Godigo Nogi Ugwaba Sabo Tęąbi Po Wabo Buku Dabe 40:3

Agai te gesi tęąbi po me deli enaba mani, te agaba konealubo homu dąų wabo God nogi ugwaba sabo tęąbi po dao. Te bidi hauwago te agai enade yali sę po odolama, tama augwa wi elama, tama augwa te Genuai Bidiba konealubo homu dąų omainu yaibao.

Aisaia 42:25

Tama tibaso, agai te boi bidi dabego daba hwįagasomainu tagalama, te dago agai haliga sębę ebo page konemainu yali. Agai haliga sębę te sia dabo tiwai elama, te Israel mu ulali. Tiali goli, dago tede kolesaga selama, te dago kolesaga me hasegelebeo.

Kolesaga Koneai Bidigo Pusali Po Elalubo Buku 12:8

Kolesaga mu koneani bidigo te tama po walio, “Tigidali nai te olo nai tiwai naga elalu, tama aga page mu meni yai elalubao,” wali.

Te Israel me Juda Hani Sigo Tuni Bidigo Po Elalubo Buku Deli 8:47

tama nosali augwali te boi bidi dabego bulu tǫde bidiyu, tama augwaligo te augwa yali dwai sęde homu hauwa kone paliyu, te augwaligo homu begelibaso da, teda Genuai Bidi, nago augwaligo te gedu haluasa po wabo odao. Mu tama, augwali te boi bidi dabego tǫde kalabuside bidiyu, tama augwaligo nageba konealubo homu dąų weyu, te nageba naga homu koneyu, tama ge nenama, homu mu begelama, tama augwaligo te nago augwaligo wąį nǫų dabeba sa muyu mani te tǫba tonalu, te e hanuba dali te nago eno sę yani beba tonalu, te we bidi dabe nage pąba asainu ebo homu elama, tama te augwaligo gedu haluasa po te tama waibao, ‘Te hobede mu da, da te dwai sę ebo kolesagade biliyu, tama te dwai kolesaga haniani yali dao,’ te po obaso da, teda nage te naga bulu dagalude bidiyu, tama te nago augwaligo gedu haluasa po wabo odolama, te nago olo tau mabo wiegi yai kolesaga eyu, te augwali tau sao,” po wai.

Bomai Po 8:5

Tialima, dagego koneao, te aya mego aga wai elama dodolainogo elebo tiwai elama, God dago Genuai Bidigo da te dodolali dao,” wali.

Bomai Po 26:11

Tama dagego Genuai Bidi dago Godiba wiegi yai homu pemene iyąo, te aga wiegi yai sę dagebolo me duga haniba yali pode. Tama te Livai hani, me te gasa bulu hani bidi dage tomode bidibo me, dage dali wiegi yai homu pemene emainogo yao, te dage dali deliba sisinama.”

Jopgo Po Asęani Elalubo Buku 2:10

Tiali goli, Jopgo wei ponoyu, te po wali, “Nago po te dwai kolesaga yai wego wabo ąǫ te ebao. Ma, dago dwagi yai te Godigo da dwagi yai nai dabe mabode dwagi yai homu ebo dao. Te magi baso dago Godigo dabolo te dwai sęgę mabode dwagi yai homu egobewe?” te po aga webolo hanalu wali. Mu tama, te dwai sęgęgo Jop pedelali goli, agai Godibolo dwai po me deli wabeo.

Kolesaga Koneai Bidigo Pusali Po Elalubo Buku 8:7

Te mena sę nosali pedelabo dago konebeo. Te sę dabe yaibao po mena bidigo dabolo me wagobeo.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Kolesaga Koneai Bidigo Pusali Po Elalubo Buku 10:14

Te wiegi yai homu kolesaga elalusiąbo bidigo po oda pidu gebo dao. Te magi sę nosali pedelabo dago konebeo. Te da isai madigi, magi sę e tǫde pedelabo dago konebe dao.

Kolesaga Koneai Bidigo Pusali Po Elalubo Buku 11:9

Dage gesi ogwa bidi dabe, dagego te dage gesi tigi elalubadi, wiegi yai pemene yao. Dagego te duga homugo godolo homu wali pobao. Tiali goli, dua da, Godigo dagego yali kolesaga te agai po tųde dagalaibao.

Kolesaga Koneai Bidigo Pusali Po Elalubo Buku 5:17

Da e tǫde dugulalubo page te wiegi yai me elalubeo, te sesemane sogo dago haliga sęgę eyu, wado po weyu, gasi siyu, idubo dao.

Te We Bidi Dabego Jerusalem Hagede Gela Wali 3:38

Te Ugwadu Mu Bidibo Godigo naga te we bidi bugagia bidimainu ebo dao, ma augwali te genuai sęgę somainu ebo dao.