Kolesaga Koneai Bidigo Pusali Po Elalubo Buku 7:1 - Godigo dwagi yai po buku

¹ Te bidi dabego homugo nage wiegi yai bidi da homu ebaso da, teda te wiegi yai mu da, te genuai mone mugo abelebo wiegi yai denami ebo tigide pibo wel aiyaba mu elaluali. Me, nage isibo side, tebogo te nago idago nage ame nani sogo te aiyaba elalueibao.

Kolesaga Koneai Bidigo Pusali Po Elalubo Buku 7:1 Referans Kwoze

Kraisgo Geme Dualali Sę Pedelabo Po Jonbolo Ola Mani 14:13

Tama eno odali, po me deli dagaludu asiyu, te po wai, “Nago e tiwai po asęąo: ‘Megi e tiwai sę gagalobao, te Genuai Bidide wadolali we bidi isibo si, te augwali wiegi yai homu pemene mu yao,’” te po wai. Tama Godigo Tedali Mobo Bidi agai me te po wai, “Awe, mu tama dao. Te augwali tigi dene ebo sę tagaliyu, tama augwali toma tueibao. Augwali olo me pogobeo. Menio. Te augwaligo yali wiegi yai kolesaga, te kolesaga augwali wali paibao,” te po wai.

Bugagia Bidibo Kolesagade Po Asęai Buku 22:1

Te bidi dabego nage te wiegi yai bidi da homu elama, tama augwaligo genuai nogi nageba mobaso da, teda tego te tigidali mone me, te silva dali gol dali si te aiyaba mu elaluaibao.

Kolesaga Koneai Bidigo Pusali Po Elalubo Buku 4:2

Eno te tama homu yali, te isali bidi dabe augwali da, te usu mu yalio. Magi baso meni, augwali da, te sęgę meni ebao, te da tǫde bidibo bidi dabego sęgę sabo tiwai me ebo meni.

2 Korin 5:8

Tiali digi, dago homu sesemane sogo dąų waliyu elama dago bomo elalubao. Dago homugo e elalubo tigi tagalama tama Genuai Bidi dali hodobo bugagia mu bidigi pabo homu godolo ebo dao.

2 Korin 5:1

Dago te daba pedalobo haniani sęgę tede moni homu me ebo menio. Magi baso meni. Dago te tiwai koneanio: te da e tǫde megi elalubo tigi da, te dena osogo bidabo be tiwai dao, te nami ugwa be tiwai dao. Tama te osogo bidabo be hųgibaso da, teda Godigo da maiabo be me deli elalubao. Te be bidigo nogogo me sę ebeo. Te dagalude elalubo, tama te be sesemane sogo elalua peyu, elalua paibao, te be gamonaibao.

Solomon 1:3

Nago tigi denami wiegi yai ebao. Eno nago nogi odolama, te ena wiegi yai pemene ebao, te eno denami ebo sandade wiegi yai pemene ebo tiwai yali. Te we dabe sibi augwaligo nage godolo mu ebo dao.

Kolesaga Koneai Bidigo Pusali Po Elalubo Buku 10:1

Te bolia dabe te wiegi yai denami ebo wel elalubo botol tomoba pelama, te augwali isibaso da, teda te wel tomode dwai kugumini yaibao. Te tiwai naga, te bidi me deligo te wabo pabo homu kolesaga dwasianu ebaso da, agai te aga wiegi yai homu kolesaga dolama, tama aga digi genuai nogi dolaibao.

Bugagia Bidibo Kolesagade Po Asęai Buku 27:9

Sanda me te tobage wel dabe te wiegi yai denami elalubo, augwaligo dabolo te wiegi yai pemene ilibao. Tama te abagi dabego dabolo te wiegi yai pemene ilaibao, magi baso meni, augwaligo te da tau sabo homu mu elama, tama augwaligo wiegi yai mobo mabo po dabolo mabo dao.

Aisaia 56:5

teda eno te dąį me deli tiwai te augwaligo nogi te eno tempel be tomode muai elalueibao. Tama sesemane sogo te we bidi dabego sulama, te augwali homu koneaibao. Te augwaligo genuai nogigo te wai dabe ame nai elaluali bidi dabego nogi aiyaba mu elalueibao. Te eno augwali nogi mu silimainogo me iligobeo,” wali.

Bugagia Bidibo Kolesagade Po Asęai Buku 15:30

Te nago bidigo gesabidi te wiegi yai elalu, tama aga te gisugu udubo subaso da, teda nage bugai haliga yaibao. Tama nago te dwagi yai gesi po odobaso da, teda tego te nago tigi dąų walubao.

Jopgo Po Asęani Elalubo Buku 3:17

“Ma, te bidi polo isai bidi dabego bulude da, megi te dwai kolesaga yali bidigo ma ebeo. Tama bidi dabe augwa tigi te dene yali sę yali bage isama, tama megi augwali toma tuyu bidibao

Dwagi Yai Gesi Po Jongo Asęani 13:2

Te dwai haubo mobo bidi Satan agai dwai homu kolesaga te bidi Judas homuba hasia muai dao, agai Jisas te boi bidigo nogoba muabo po Judasgo homude muai dao. Judas aga aya nogi Saimon, tama aga bulu nogi Keriot. Te pio hulide Jisas dali, aga wali pabo bidi dabe dali, augwaligo nai tuyu bidali.

Godigo Nogi Ugwaba Sabo Tęąbi Po Wabo Buku Dabe 133:2

Te kolesaga te oliv ni dugo te wiegi yai wel tiwai ebao, augwaligo te Arongo toboluba gelama, tama te naboge tobolu nisiba dulama, tama aga bobage gudali ugwa sabiba usu nugulali.

Hibru 11:39

Te tobage polobadu bidali Godiba konealubo po dąų wali tigidali we bidi, tama augwali te God gedude wiegi yai nogi mu sai, agai augwalide ‘Augwaligo kolesaga te wiegi yai yali,’ te homu yai dao. Tiali goli augwaligo te wiegi yai nai polobadu Godigo augwalibolo te mawaibao po wali nai te augwaligo te sogo me sabeo.

Hibru 11:2

Te polobadu e tǫde bidali we bidi meba augwaligo Godide konealubo po dąų olama tama agade tiąlubaso, tama Godigo te po wai, “Augwaligo kolesaga te wiegi yai yalio,” te po wai dao.

Dwagi Yai Gesi Po Lukgo Asęani 10:20

Dagego tama te ebo sęde dwagi yai homu egimio. Te po tagalu, ma dagego nogi te dagalude te buku mede asęai dao, tede dwagi yai homu iyąo,” Jisasgo te po wali.

Solomon 4:10

Nage da eno we, te nage eno hobolu du mu da, nago ena godolo mu ebaso, te ena wiegi yai pemene mu ebao. Nago te godolo homu ebo pusu mu ebao, tama te wain ąįgo pusu aiyaba elaluali. Te nago au yali sanda denamigo te tobage wiegi yai pauda dabego denami aiyaba mu elaluali.

Kolesaga Koneai Bidigo Pusali Po Elalubo Buku 7:8

Te bidi mego sę me deli hodolobaso da, teda te wiegi yai kolesaga ebao. Tialima, agai te yali sę siminibaso da, teda te sę uganu ela holali dao. Te magi nai pedalubo bugagia tonalubo bidigo ebo kolesagago te hagoma homu ebo kolesaga aiyaba elalubo dao.

Jona 4:3

Tialima, Genuai Bidi, megi da, nago ena bidibo ula silao. Te ena isiyu da, te dwagi yai da. Tama ena isisąyu da, te dwagi yai me egobeo,” wali.

Rutgo Po Elalubo Buku 3:14

Tama Boasgo po ma weyu, te po wai, “Tiyu, te we bidi augwaligo nage te penani sę ebo we dabego ebo kolesaga tiwai wali painu nage ede sę ebo bidi dabe dali eba piagasali, te homu yabuo.” Tama Rut te Boas sągą pagede ma piai. Tiali goli, be posisiąbadi, tama Rut hodaluama, tama bidi dabego aga me subeo. Tama aga buluba painu yai.

Bugagia Bidibo Kolesagade Po Asęai Buku 25:10

Tiyu, te bidi dabego nosali odoyu, nago te geme dualubo po wabo meni da po obaso, te augwaligo nage hale ebo sę ilabuo. Tama augwaligo homu dwai nage dali sesemane yabuo.