Kolesaga Koneai Bidigo Pusali Po Elalubo Buku 5:3 - Godigo dwagi yai po buku

³ Te nai hauwade nago moni homu hauwa dogia peyu da, te nago na hauwa yabuo. Te nago po me hauwa obaso da, teda nago po gani bole odolali weyu, te wabo pabo bidigo po wabo tiwai igio wali.

Kolesaga Koneai Bidigo Pusali Po Elalubo Buku 5:3 Referans Kwoze

Bugagia Bidibo Kolesagade Po Asęai Buku 15:2

Te wiegi yai homu kolesaga elalubo bidi agai po pusainu yali, agai te bidi dabego te wiegi yai homu wei ebo kolesaga konemainu homu ebo dao. Tiali goli, te wiegi yai homu elalusiąbo bidigo po pusubo sogo, agai pedauwalide te odolali po naga te ąį bole tulalubo tiwai ebo dao.

Bugagia Bidibo Kolesagade Po Asęai Buku 10:19

Te po hauwa wabo bidigo, agai te aga pode te sęgę sabo po weyu tebao. Tiali digi, te po hauwa me wasiąbo bidi da, agai homu kolesaga te wiegi yai elalubao.

Jopgo Po Asęani Elalubo Buku 11:2

“Jop, nago po hauwa mu te wabosei. Tama nago homugo nago te pogo nage dolo yai dao, dago te po omainu ebawe? Tega. Tama nago te dwai dwai po wabogo dago penane paliasa bidimai walama, nago te po obawe? Nago tigidali dwagi yai kolesaga homu dabe dolali. Tama nago homu te naga tede naga hale ilabo bidi meni yali, nago te homu eba, agawe? Ena pedauwali pania sogobema. Eno homugo nago po dabe wei ponaibao.

Pris Sę Ebo Bomai Po 27:2

te Israel dabebolo te tiwai po walao wali, “Te bidi me deli aga po dąų waliyu, te aga enaba mawaibao, ma gasa bidi me we te enabolo mawaibao wai baso da, teda agai te dąų wali po usu nainogo te monego te bidi ma we hasegelainogo eyu, te mone meba pris bidiba mao,” te po wai.