Kolesaga Koneai Bidigo Pusali Po Elalubo Buku 5:15 - Godigo dwagi yai po buku

¹⁵ Te idago da ame nani sogo, dago nai me deli meni yai elaluali. Dago tigi habu olo naga elaluali. Te tiwai naga, da isibo sogo, da olo naga mu paibao. Mu tama, dago te nai hauwa sabo sę dene yali, tiali goli dago te nai deli me sela pogobeo.

Kolesaga Koneai Bidigo Pusali Po Elalubo Buku 5:15 Referans Kwoze

Godigo Nogi Ugwaba Sabo Tęąbi Po Wabo Buku Dabe 49:17

Nago koneai, nosali te bidi aga isibode, tama agai te tigidali nai me sela pogobeo. Be me, te au ebo nai me, masigi me, te nai tigidali aga dali te isibo bidigo buluba selasa pogobeo.

Jopgo Po Asęani Elalubo Buku 1:21

Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.

2 Timoti 6:7

Dago koneani, te idago da ame nenama tama da tǫde pedalali, te sogo dago magi nai me deli sela asobeo. Menio. Te da olo naga asai. Tama nosali sogo da isibo sogo tama te tǫ tagalobode te dago magi nai me deli te dago isibo noma bidigo me sela pogobeo. Menio!

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Kolesaga Koneai Bidigo Pusali Po Elalubo Buku 5:14

Tiali goli nosali, aga mone sabo sę yali bisnis tulaluama, tama aga mone tigidali te hagawaibao. Tialima, agade te nai me deli elalusiąma, te aga isibo si, teda aga ogwago sabo nai meni yaibao.

Jopgo Po Asęani Elalubo Buku 15:2

“Jop, nage koneai bidi, tama nage dwagi yai kolesaga elalubo bidi dao. Tiali goli, nago magi baso po hauwa olama, wali asobo tiwai elama, pedauwalidu po hauwa dogia pobawe?

Hosea 12:2

Genuai Bidigo te Juda dabe dali po elalubao. Tama agai te Israel dabeba dwai dene mayu, te augwa yali sęde usu nama tiaibao wai.