Kolesaga Koneai Bidigo Pusali Po Elalubo Buku 5:13 - Godigo dwagi yai po buku

¹³ Eno suali, e tǫde dwai kolesaga mu me deli elalubao. Te kolesaga e tiwai dao. Bidi me deligo aga mena nai godolo homu mu aiyaba elaluama, te nai dabe me abeligobeo. Menio. Agai aga mone bugagia mu sabodu tonalubo dao.

Kolesaga Koneai Bidigo Pusali Po Elalubo Buku 5:13 Referans Kwoze

Tigidali Nai Gagalama Nigali Side 19:14

Tialima, Lot te aga wegi si noma sali bidi aga wąį si bidibo madi pai. Tama agai te po augwali sibolo wagi pali, “Dage si hogodama, te hanu polo taga soao,” wali. “Yawego te bulu dolainogo ebao.” Tiali goli, augwali sigo homugo agai te gagali po wabo homu naga yai.

Dwagi Yai Gesi Po Lukgo Asęani 16:19

Te Jisasgo augwalibolo te po wali, “Polodi te aga masigi daide bidali bidi bidali. Aga ugwa dabede wiegi yai daide bidai. Aga be dwagi yai bede bidu, te pusu nai me dwagi yai tuyu bidali, tigidali sogo.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Kolesaga Koneai Bidigo Pusali Po Elalubo Buku 8:9

Te we bidi augwaligo te tobage sę tigidali te tǫde ebo sogo eno sulama, te sogo eno homu kone palobo sę yai. Te sogo eno suali, te genuai bidi dabego te gasa we bidi dabe aiyaba elalubo sę ebo suali. Tama te dwai sę ebogo augwa digi aiyaba elaluali, te me eno suai dao.

Kolesaga Koneai Bidigo Pusali Po Elalubo Buku 4:8

Te yǫya pai bidi deli bidali. Aga wai me, aga ama me meni yai, tiali goli, sesemane sogo agai sę naga ela pidubadi geani, te aga dwasianu toma me nabeo. Agai doado bage hauwa elaluali, tialima te nai dabe aga usu meni homu yali. Agai te tiwai homu ebeo, “Magi baso ena odolali sę dene eyu, te eno pemene meni ebawe?” te homu ebeo. Te tobage bidigo kolesaga te hobedagia mu elalu, te aga page meni yai elalubao.

Bugagia Bidibo Kolesagade Po Asęai Buku 11:4

Te nago masigi hauwa elalubadi digi te tagalao, tego te Genuai Bidigo nageba te dwai sę yali wei ponainu ebo sogo te nage tau me sogobeo. Tiali goli, nago te doloba pai kolesaga wali pali da, tego te nage tau selama, tama nage polo me isigobeo.

Bugagia Bidibo Kolesagade Po Asęai Buku 1:32

Magi baso meni. Te wiegi yai homu kolesaga meni yani we bidi dabe augwaligo te ena tudiba munama, tama augwa te kolesagago digi te augwa ela munama, augwa isaibao. Te bidi dabego homugo augwaligo te tigidali nai koneani homu yali, augwali te wabo pabo bidi dabe tiwai ebao. Augwa te homu kolesagade te augwa digi augwa dolobo dao.

Bugagia Bidibo Kolesagade Po Asęai Buku 1:19

Te hwįbo bidi dabego, ma te nai wi sabo bidi dabego te kolesaga wali pabo dao, tama tiyu, augwa digi dolaibao. Te augwa wi sali nai dabego te augwali dolobo ąǫ ebo dao.

Tigidali Nai Gagalama Nigali Side 14:16

tama augwaligo wi sali doado bage tigidali ma dobola sai. Abramgo te aga ogwa Lot ma sobadi, te aga tigidali doado bage me, te we dabe me, tama te Lotgo bidi hani dabe me, tigidali ma sai dao.

Dwagi Yai Gesi Po Lukgo Asęani 19:8

Tama Sakius doligulama, agai te Genuai Bidi Jisasbolo te po wai, “Genuai Bidi, suao. Eno masigi dabe, doado bage tigidali si bugwaibao. Si bugulama, nai meni yai we bidi dobawaibao. Tama bidi mebolo eno ili po olama, agai nai wi sali da, tama megi te nai eno me si me si elama, wei ponaibao,” wali.

Aisaia 2:20

Tama te sogo te we bidi dabego te tibo god dabe augwa lotu wabo god dabe saibao, te augwaligo silva de gol sigo nigali nai dabe. Tama augwaligo te bologo buluba me bogwą bidibo buluba dabe tama sąwaibao.

Tigidali Nai Gagalama Nigali Side 19:26

Tiali goli, Lotgo we te Lot tudibadu wali asudu, tama agai tudiba ma begelama tonani, tama aga tede isalima, tama aga tigi te gelali ni page tiwai elalualio, tama te tamugo aga mu mesegelali.

Jopgo Po Asęani Elalubo Buku 20:20

Tigidali sogo augwaligo gasa bidigo nai sulama, pesą eyu yali. Tama augwaligo te nai dabe sabo hodo me dolabo homu me ebeo. Tama tibaso, God augwaligo te godolo ebo nai me tolalumainu sula tagalabo homu ebe.

Kolesaga Koneai Bidigo Pusali Po Elalubo Buku 5:14

Tiali goli nosali, aga mone sabo sę yali bisnis tulaluama, tama aga mone tigidali te hagawaibao. Tialima, agade te nai me deli elalusiąma, te aga isibo si, teda aga ogwago sabo nai meni yaibao.

Bugagia Bidibo Kolesagade Po Asęai Buku 23:4

Nage te mone hauwa elalubo bidi pedelabo sę dene mu igio. Te nage wiegi yai homu elalubaso da, teda nago te tiwai me igio.

Bugagia Bidibo Kolesagade Po Asęai Buku 27:24

magi baso meni, te nago mone te sesemane me elalugobeo, tama te kingo hani me te sesemane sesabi elama, me bidigobeo.