Kolesaga Koneai Bidigo Pusali Po Elalubo Buku 11:9 - Godigo dwagi yai po buku

⁹ Dage gesi ogwa bidi dabe, dagego te dage gesi tigi elalubadi, wiegi yai pemene yao. Dagego te duga homugo godolo homu wali pobao. Tiali goli, dua da, Godigo dagego yali kolesaga te agai po tųde dagalaibao.

Kolesaga Koneai Bidigo Pusali Po Elalubo Buku 11:9 Referans Kwoze

Kolesaga Koneai Bidigo Pusali Po Elalubo Buku 12:14

Godigo dago ebo kolesaga tigidalide da po tų ilaibao, te wiegi yai kolesaga dabe me, dwai kolesaga dabe me, te geme dualama ebo kolesaga dabede me, da po tų ilaibao.

Kolesaga Koneai Bidigo Pusali Po Elalubo Buku 12:1

Godigo da tigidali nigali. Tibaso, dage gesi ogwa bidi bidibadi digi dagego aga homu kone palao. Tiyu, dagego aga homu kone gegeda paligio, tama nosali dage monu dabe pedalubo side te dwai sęgęgo dage gegebaso, te dage deli deligo te tiwai po waibao, “Eno ena bidabo ulade wiegi yai homu pemene ebeo,” po waidali weyu.

Te We Bidi Dabego Jerusalem Hagede Gela Wali 3:27

Tama me ma, te bidi dabe augwali gesi bidide gagalama, te kolesaga ebo eyu da, te usu dao.

Kolesaga Koneai Bidigo Pusali Po Elalubo Buku 3:17

Eno tede te tama homu yalio, te Godigo we bidi dabe augwali po tų ilibo sogo, agai te doloba pai kolesaga tigidali yali bidi dabe, me dwai kolesaga yali bidi dabe dagalobo sogo dąį ilali elalubao. Magi baso meni, te tigidali sę yabo si te elalubao, te tigidali yali kolesaga ma dodolobo sogo me elalubao.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Jopgo Po Asęani Elalubo Buku 31:7

Tiali goli, ma eno gedu olo tagala palama, ena gedugo dwai kolesaga emainu sula tagalama igi sogo da, teda eno dwai kolesaga elama, agai gedude meda mu igi sogo da,

Polgo Po Pas Rom Dabeba Asęani 14:10

Tama aga tama tialigo da, tama nago, magi baso nago te naga ama bilibo kolesaga dagalama tama aga dali dwai homu ebo dawe? Tama nago me, te magi baso nago te sęgę sali homu naga ama u bidide ebo dawe? Dago koneani, te da tigidali te Godigo po tų ebode dolaluaibao.

Matyu 5:28

Tiali goli megi eno po dagebolo obao: Te bidi me deligo agai te we me deli olo naga agai homude godolo ebo homu eyu, tama te we dali penani sę yabo homu eyu tonono eyu da, te bidi agai homude te bomo yai po bolama, tama agai homude te penani sę ebo tiwai yali dao.

Kolesaga Koneai Bidigo Pusali Po Elalubo Buku 2:10

Te eno homugo godolo yali naide homu dwasianu me geą sabeo. Mu menio. Te eno homude nai me deli godolo ebo sogo da, teda te nai eno siyu naga yali. Te eno ena ebo sę tigidalide wiegi yai homu pemene mu eyu, te pemene yali te sęgo mone sabo tiwai yali dao.

Tigidali Nai Gagalama Nigali Side 6:2

Tama te Godigo ogwa dabego te wegi mani dabe sulama, te gasa sawi yai mu yai. Tama augwali deli deligo augwa homugo digi te we dabe anoma eyu, tama augwali selama, bidali.

Tigidali Nai Gagalama Nigali Side 3:6

Te hasamanigo te po olama, tama wego te nedu du sulama, tama te nedu du gasa wiegi yai au mu sulama, tama aga du te wiegi yai mu elaluali. Tialima, wego te tiwai homu yai, ‘Te eno te tiwai dwagi yai koneabo kolesaga siyu da, teda te dwagi yai mu yaibao,’ te homu yalio. Tama tiyu, wego te nedu du meba selama, tama tuali. Nosali agai te nedu du meba bidibolo mani, tama agai me tualio.

Israel Hanigo Namba 15:30

Tiali goli, bidigo me, ma wego me ena dali tobolu gagea pelama, dwai sę ebaso da, teda agai ena Genuai Bidi posobo po tiwai te wabao. Tama tialima, dagego aga elama isilao. Te aga te dage Israel dabe, ma gasa bulu bidi yaibaso me, tagalao, te dagego bulude bidibo me tagalao.

2 Pita 3:7

Tiali goli, megi Godigo pogo naga te dagalu me tǫ me sa munama, tama te dolobo sia dabo pedalobo tonaluyu bidibao. Tama te dagalu de tǫ sigo te Godigo po tų te agai po tudiba muani we bidi augwali te po tųba pedalobo tonalubao, tama te we bidi augwali dolaibao.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Jeremaia 7:24

Eno te tama po wali, tiali goli, augwaligo te po odama, te augwaligo wali me pabeo. Augwa te dwai kolesaga naga yabo homu elalu, te augwa hagoma eyu, te augwa homugo digi ebo sę wali piduali. Tama te ebogo augwali tau me sabeo. Menio. Augwa digi augwa aiyaba elalubo sę yali.

Godigo Nogi Ugwaba Sabo Tęąbi Po Wabo Buku Dabe 81:12

Tama tibaso, eno te augwa hagoma ebo kolesagade wali bilimainu sula tagalali, tama augwa te mena augwa homugo ela palio.

Bomai Po 29:19

Dage tigidaligo bugagia mu tonaluiąo, te bidi me eno megi ede pusali te bomai po odali bidigo, te bidi me deligo te po sela sąnama, tama aga bugagia bidaibao homu yaibao. Tiali te bidi mego te po sela sąyani da, teda te tialigo dage sese tama dolomainu yaibao. Te wiegi yai bidi dabe me, te dwai bidi dabe dali si tama dolaibao.

Israel Hanigo Namba 15:39

Tama dagego te bono dage subo sogo, dagego eno dagebolo mani bomai po tigidali ma koneagameo. Tama dagego te bomai po wali piagame. Tama tiyu, dagego ena gegeda pelama, duga homugo bilama, dwai sę dabe me egobeo.

Godigo Sęba Tagala Palai Bidigo Po 24:25

Tiali goli, Pol agai te po ola mayu, te po wai, “Tigidali we bidi dwagi yai doloba pai kolesaga mu elama, bugagia tonaluao, dagego dwai kolesaga egio.” Tama agai te po wali, “Godigo we bidi tigidali po tų yaibao,” wali. Tama te sogo Feliks agai te po odama, agai wi mu elama, agai Polbolo te po wali, “Nage megi te kalabus beba ma pao. Tama nosali me sogo eno sę meni baso, nage eno i obaso da, te nage ena pageba asagameo.”

Godigo Sęba Tagala Palai Bidigo Po 14:16

Tama polobadu Godigo tigidali we bidi hani augwa kolesagadu pabo sula tagalai.

Te Israel me Juda Hani Sigo Tuni Bidigo Po Elalubo Buku Deli 22:15

Te Mikaia pelama, te king Ahapba sabalubo si da, teda Ahapgo agaba te tama po hanalu wali, “Mikaia, te dago Ramot taun ma sainu hwįgi pobaso usu yaibawe, ma meniwe?” Tama Mikaiago te kingba posobo po wabo homu ebo po te tiwai wai, “Magia! Te usu da, nago hwįgi pelama da, te taun nago saibao. Genuai Bidigo nage tau sobaso, te nago augwali aiyaba elalueibao,” wali.

Te Israel me Juda Hani Sigo Tuni Bidigo Po Elalubo Buku Deli 18:27

Tama te giliga tomo yagasobode, te belo wabo side, Elaijago augwaliba te tiwai posobo po wali, “Dage bomo kimi me igimio. Aga te god dao. Tama te bomo elama, gedu haluasa po wabo sę mu yao. Te agai gasa naiba me homu kone palidu, te agai dageba olo musąyu, ma aga toma nigi pali homu ebao. Ma, te meni baso da, te aga digibulu buluba pali homu yaibao. Ma, te aga godege pila mubowe homu me ebao, tama tibaso dagego aga hodoliąo,” wali.

Te Israel me Juda Hani Sigo Tuni Bidigo Po Elalubo Buku Deli 18:12

Te eno nage taga pabo sogo, teyu te Genuai Bidigo Mobo Bidigo nage selasa, te eno konesiąwai bulu me deliba sela pidalio. Te king Ahapgo nage gegagasali nage susąbaso, te agai wado homu elama, te ena ela mueibao. Nago ena me tagala palogobeo. Menio. Nago ena homu dene yao, magi baso meni, sesemane sogo ena Genuai Bidi dologode bidiyu, te agaba lotu udali, te ena ogomanide gagalali, te megi e sogoba usu nagasalio.

Israel Hanigo Namba 22:32

Tama enselgo agabolo te po walali, “Magi baso nago naga donki sela sogo tama elaliwe? Odao. Eno nago sunumi paliainu asai dao. Magi baso meni, nage pabo eno wiegi yai homu ebeo.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Josua 7:21

Te dago hwįyu, te Jeriko dabego nai dabe sali sogo, eno te nai dabe tomode te Babilon dabego sawi yai bobobage gudubo ugwa me deli suali, tama te silva sęgę me badu te 2 kilo usu badi, te gol me badu te sęgę deli usu elalubo eno suai. Eno te nai dabe pesa mu ebaso, tama augwali eno sai. Nago te eno ugwa be tomode munalubo gegelama, suagameo. Eno tigidali te tǫba pubulama, tama silva te dologode mu munalubao,” te bidi Akango te po wai.

Dwagi Yai Gesi Po Lukgo Asęani 12:19

‘Ena digi enabolo ma te po waibao, “Kisu bidi dao, ena homugo mu tuali, te nai dabe kibu be hauwade sę ela pali nai munalubao. Te tiali ena sę ebo tagalama, nai tuyu, ąį tuyu, elama, bugai homu eyu bidao.” Eno te po enabolo ma waibao,’ agai te homu yai.

Kolesaga Koneai Bidigo Pusali Po Elalubo Buku 6:9

Te dago dena elalubo naide dwagi yai homu pemene eyu bidao. Te kolesaga ebogo te haniani naide pesą ebo kolesaga aiyaba elalubo dao. Te naide pesą ebo kolesaga aga page me elalubeo, te bidi udayu, te wali nogogo tola sainu ebo tiwai naga ebao. Te dago sali nai dabede wiegi yai homu pemene ebaso, usu yaibao.

Kolesaga Koneai Bidigo Pusali Po Elalubo Buku 7:14

Te nago bidibo ulade sę dabe te bugagia dolalubaso da, teda nage wiegi yai homu pemene yao. Te dwai sogo nageba pedalubaso da, teda nago te tama homu yao, Godigo te wiegi yai sogo dabolo tagala palu, te dwai sogo me dabolo asomainu tagala palaibao. Tibaso, magi sę nosali daba pedelabo, te dago konebe dao.

Kolesaga Koneai Bidigo Pusali Po Elalubo Buku 3:12

Eno te naide homu kone palama, tama eno koneani, te uganu ela holobo kolesaga me deli elalubao. Te kolesaga e tiwai dao. Dago wiegi yai pemene eyu, te wiegi yai kolesaga da e tǫde bidadubadi ebaso, te usu yaibao.