Kolesaga Koneai Bidigo Pusali Po Elalubo Buku 11:2 - Godigo dwagi yai po buku

² Nago konebe, mena sogo dwai sę e tǫba pedelabo elalubao, tialima nago mone sabo bisnis sunumi te nogo a naga olama, me badu si, ma a naga olama, me badu sela, te badu munama elalumainao.

Kolesaga Koneai Bidigo Pusali Po Elalubo Buku 11:2 Referans Kwoze

Bugagia Bidibo Kolesagade Po Asęai Buku 6:16

Genuai Bidigo te bidi dabego te e 7 kolesaga dabe ebo da te godolo homu mu meni isąwanio, agai tede sębę ebo dao. Augwali e dao.

Godigo Nogi Ugwaba Sabo Tęąbi Po Wabo Buku Dabe 112:9

Agai nai hauwa nai meni yai bidi dabe augwali mabo dao. Agai dwagi yai kolesaga sesemane sogo ebo dao. Tama agai genuai nogi agai bulude elaluaibao, tama augwaligo aga nogi ugwaba saibao.

Jopgo Po Asęani Elalubo Buku 5:19

Tigidali sogo mu, agai nage dwai sogo ebaso me, agai nage tau saibao, tama te dwai naigo nage me dologobeo.

Daniel 4:27

Tama eno homugo te megi eno nagebolo wabo po tiwai yao. Nago te sęgę munu ma sigio,” wai. “Nago te doloba pai kolesaga naga yao, tama nago te olo tau sabo wiegi yai homu te magi nai sǫą pabo we bidi dabeba yao. Dago konebeo, te nago te tama tibaso da, teda nage te bugagia bidiyu, tama nago ebo sę tigidali te wiegi yai naga pedalaibao, te nago nade suali sę nageba asogobeo,” Danielgo king bidibolo te po wai.

Hibru 13:3

Dagego te ama dede augwaligo Krais wali pobaso te boi bidi dabe augwaligo augwali meba kalabus beba muani. Tama te kalabuside bidibo ama dabe dagego homugo konealuao, augwali tau sao, te duga digi te kalabuside augwali dali bidibo tiwai ebao. Tama te bidi dabe augwali tigide sęgę sabo te dagego homugo koneao. Dagego koneani, te duga me tigi elalubo dao.

Efesus 5:16

Tama megi da, te we bidi hauwa augwaligo dwai sę ebo sogo dao. Tialima, megi da, te dage Godigo kolesagade bilibo sogo dao. Tama tibaso, te dwagi yai sę yabo sogo dagego olo gesegeliyu tagaligimio.

Galesia 6:1

Eno abagi dede, dagego bidi me deli aga dwai sę ebadi subaso da, teda te Godigo Mobo Bidi agai ebo wiegi yai kolesaga wali pabo bidi dagego te bidibolo dua dua digi agai homu begelabo dodolobo po wao. Dagego aga dali homu sębę eyu wado po wagio. Dage tigidali deli deli dua dao, tama te dwai bidi Satango dage me te dwai kolesaga tomoba kegidali weyu yao.

Dwagi Yai Gesi Po Lukgo Asęani 17:4

Tama agai nagede dwai sę elama, tama nosali ‘Te ena nagede dwai sę yalide, te ena hobede ebao’ nageba wagasu da, teda nago aga yali dwai sę sela sąyao. Te bidi deli sogode te tiwai sę me badu nogo a naga olama, me badu nogo si ebaso da, teda nago aga yali dwai sę tigidali sela sąyao, wei ponogio,” Jisasgo te po wali.

Matyu 18:22

Tama Jisasgo Pita dali te po wai, “Eno nagebolo te a naga me badu nogo si tama sogo te po wabeo. Menio. Eno te po obao, nago naga amago dwai sę yali te nago sesemane sogo agai te dwai sęgę sela sąyao, eno te po nage dali obao.

Matyu 5:42

Tama bidi me deligo nage dali te nai me deli po hanalu obaso da, teda nago te nai aga mao. Tama bidi mego nage dali negeli sainogo homu ebaso da, teda nago te bidi aga tudiba munama tama nage gesabi gasaba gegi pigio. Agabolo te nai osogo mao,” Jisasgo te po wai.

Maika 5:5

Tama aga digi te nagame yai haliga ebo homu te tigidali we bidiba mayu, tama te boi bidi homu ebo kolesaga te munu ma me pedalugobeo. Te Asiria dabe dago tǫba asobo sogo, te dago taun bagulali masigi obo dabe aluama, dago te ami dabe tonaluabo bomai polalubo bidi dabe hauwa tagala palama, augwaligo te boi bidi dabe dali hwįmainu yaibao.

Esta 9:22

Te side si sogo te Juda dabe augwaligo te augwa boi bidi dabe sela sąwani side dao. Tama te poluade naga te augwali homu sęgę me homu dene yali hasegelama, tama dwagi yai homu pedelai. Tama Mordekaigo augwalibolo weyu, te side si sogo te genuai nai daa tuyu, tama abagi dedebolo, me te magi nai meni yai bidi dabebolo, te nai dobayu yao po wai.

Esta 9:19

Te tama tialide, te obo menisiąwai dwasianu hanude bidali te Juda dabe, augwaligo te polua Adar dei 14 tede te olo bidiyu, te dwagi yai homu pemene ebo genuai side tiwai bodolu muai. Augwaligo te side bodolu muyu, te genuai nai daa tuyu, tama augwa hasi deli delibolo te wiegi yai homu ilibo kolesaga yabo bodolu muai dao.

Nehemia 8:10

“Tagaliąo, dage te duga beba pelama, te genuai nai daa tugi piąo. Tama dagego te meba nai me, wain me, te nai sǫą pali we bidi dabe maiąo. Megi te Genuai Bidigo side digi da, tama tiyu dagego haliga sęgę me igimio. Menio. Dagego wiegi yai homu pemene te Genuai Bidiba elama, tama agai dage bomo mawaibao,” wali.

Bugagia Bidibo Kolesagade Po Asęai Buku 19:17

Te magi nai doado bage meni yai bidiba nago te olo tau sabo wiegi yai kolesaga eyu, tama te doado bage mobaso da, te Genuai Bidigo negeli nageba ilibo tiwai ebao, tama nosali Genuai Bidigo nageba wei ponaibao.

Kolesaga Koneai Bidigo Pusali Po Elalubo Buku 11:3

Te haowade ąį pągąna pobaso da, teda tulubage te tǫba tulaibao. Te ni degali saut badu elalubaso, me not badu elalubaso, te tagalao, teda aga te ni degali pesagede munalubo dao.

Kolesaga Koneai Bidigo Pusali Po Elalubo Buku 11:8

Da tǫde bidalubo tigidali kibu bede dago wiegi yai pemene yao. Te dago kibu be hauwa bidali digi, tagalao, dago te sęde homu kone gegeda paligio. Te da kibu be hauwa mu te da isali bidi dabego hulia sai bulude bidaibao. Tigidali sę nosali pedelabo elalubao, te augwali olo nai dabe tiwai naga dao.

Kolesaga Koneai Bidigo Pusali Po Elalubo Buku 12:1

Godigo da tigidali nigali. Tibaso, dage gesi ogwa bidi bidibadi digi dagego aga homu kone palao. Tiyu, dagego aga homu kone gegeda paligio, tama nosali dage monu dabe pedalubo side te dwai sęgęgo dage gegebaso, te dage deli deligo te tiwai po waibao, “Eno ena bidabo ulade wiegi yai homu pemene ebeo,” po waidali weyu.

1 Samuel 25:8

Te nago augwaliba hanalu da, teda augwaligo te tobage deli po tiwai nageba waibao. Megi nago te genuai nai daa tubo po obaso, te Devitgo da nageba tagala palali. Tama tiyu, agai homugo te nago daba olo tau mabo wiegi yai kolesaga emainu homu yai. Da te nago sę bidi tiwai, tama nage te Devitgo aya tiwai dao. Tama tiyu, nago nai meba elalubaso da, te nago dabolo maiabo homu yao,’ te po wao,” Devitgo te po wali.