Kolesaga Koneai Bidigo Pusali Po Elalubo Buku 10:20 - Godigo dwagi yai po buku

²⁰ Te naga pibo be habu badu geme dualalu pila muani, te tagalao, nago te dwai posobo po te kingbolo ma te mone elalubo bidibolo me olamuo. Tama me, nago augwaliba dwai homu me igio. Tiyu, te ba me deligo nago te wabo po selama, te augwaliba wagi pidali weyu.

Kolesaga Koneai Bidigo Pusali Po Elalubo Buku 10:20 Referans Kwoze

Godigo Sęba Tagala Palai Bidigo Po 23:5

Tama Pol agai te po wali, “Ama dedeo, eno konebeo, te tuni bidi pris aga bidibadi digi yabuo. Te eno geda muai yabuo. Magi baso meni, Godigo po wabo asęani bukude te po me deli elalubo, ‘Duga tonalubo tobolu bidibolo posobo po wagimio,’” wali.

Ma Dobola Sali 22:28

“Tama dagego dwai po God enabolo me wasiąma, tama dagego te dwai po te we bidi augwaligo tobolu bidibolo dagego te Godigo aga dolomainogo, te dwai po me wagio.”

Te Israel me Juda Hani Sigo Tuni Bidigo Po Elalubo Buku Si 6:12

Tama aga sę ebo gavman ofisa bidi me deligo te po wei ponoyu, e tama wali, “King, da hani bidi me deligo te Israel king bidi tau me sai menio, mu menio. Tialima, Elisa deli digi dao, te Israel bage augwaligo profet bidi. Te profet bidi agai te tigidali nai dabe, dago homugo yaibao wabo sę dabe me, agai koneama, te aga Israel king bidibolo ola mabo dao. Elisago nago te tigidali po wabo te agai konea palio, naga te pibo be habude bidiyu wabo po me, me nage te geme wabo po me, te Elisago konea palio,” wali.

Dwagi Yai Gesi Po Lukgo Asęani 19:40

Jisasgo te po wei ponani, “Eno dagebolo obao, e we bidigo sagia sobaso, teda e masigi dabego te tobage po wabo gagalaibao, Godigo nogi ugwaba saibao,” wali.

Dwagi Yai Gesi Po Lukgo Asęani 10:40

Tama Marta agai te nai ulubo sę dabe sulama, homu tųą pali. Tama tibaso, aga Jisas pageba aselama, te po wali, “Genuai Bidi, eno amago e sę dabe enaduba emainu taga soali nago konebewe? Ena tau sigi pao po wao.”

Aisaia 8:21

Menio. Augwali dwai dene mu saibao. Te augwali genuai homu sęgę mu elama, nasi elama, tama augwali subigila te bulude bilaibao. Nasigo augwaligo haliga sębę mu elama, tama augwaligo augwa tuni bidibolo, me augwa Godibolo dwai po waibao. Te augwaligo dagaluba tonoyu,

Ma Dobola Sali 8:3

Tama te wę Nail te gedeligo mu pągąna selama, tama augwali te wę tagalama, tama tuni bidi nago genuai be tomoba aselama, tama nago pibo be tų bet saiba asaibao. Tama te gedeli dabe te nago sę ebo bidi dabego be tomoba, me te nago we bidigo beba asaibao. Tama te nai ulubo nai stov tomoba, me te bret nigibo pou tomoba bidagasaibao.

Ma Dobola Sali 22:27

Magi basowe, agai te ugwa deli naga elaluali, te aga hulide kedau idali weyu, tigi bea sabo ugwa dao. Te ugwa nago tolalubaso da, te aga tigi magi naigo halua selama pigowe? Te eno aga tau somainogo, agai gedu haluasa po enabolo obaso da, te eno agai gedu haluasa po wabo odaibao, magi basowe, eno tigidali we bidi olo tau sabo homu kolesaga mabo dao.”

Esta 2:22

Tama Mordekaigo augwali sigo po odama, tama agai te gavman tuni nigali we Estabolo te po wai. Nosali Estago te king bidibolo te po Mordekaigo te bidi sigo wabo odali po pusai.