Kolesaga Koneai Bidigo Pusali Po Elalubo Buku 10:19 - Godigo dwagi yai po buku

¹⁹ Naigo te bidi pemene ilibo sę ebao, te wain ąįgo te bidi bugai haliga ilibo dao. Tiali goli, mone da, te wiegi yai nai te tobage sę tigidali ebo dao.

Kolesaga Koneai Bidigo Pusali Po Elalubo Buku 10:19 Referans Kwoze

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

1 Pita 4:3

Tama polobadu te dagego te tǫde bidibo we bidigo ebo dwai dwai sę hauwa sogo yai dao. Tama tiyu, dagego te penani ebo sę te we bidi gabidide hania idu geai dao. Tama dagego te dwai meda yai penani yabo homu eyu, tama te bomai ąį tulama te polobo bidi tiwai idu geai dao. Tama tiyu, te moni nai hauwa mu nogelama, te nai daa mu te ma tuyu, ma tuyu ela pedubadi, tama dagego te bomai ąį subigila tuyu, te polobo bidi tiwai pedaluyu, tama dwai sę eyu bidai dao. Tama dagego te tibo god augwalibolo lotu po weyu tama augwaligo dage tau somainogo te dagego te dwai dwai penani ebo sę te polobadu idu geai dao.

Dwagi Yai Gesi Po Lukgo Asęani 12:19

‘Ena digi enabolo ma te po waibao, “Kisu bidi dao, ena homugo mu tuali, te nai dabe kibu be hauwade sę ela pali nai munalubao. Te tiali ena sę ebo tagalama, nai tuyu, ąį tuyu, elama, bugai homu eyu bidao.” Eno te po enabolo ma waibao,’ agai te homu yai.

Aisaia 24:11

Tama te we bidi dabego te tuabo wain wę menia salio. Tama augwali te hanu sunumi dabede dolalua peyu, augwaligo te wain gogono bilibao. Te we bidi dabego wiegi yai homu elama, gana pali dabe mu sia sali. Tama homu sese elama, hobede ela pabo sę naga te tigidali tǫde ebao.

Godigo Nogi Ugwaba Sabo Tęąbi Po Wabo Buku Dabe 112:9

Agai nai hauwa nai meni yai bidi dabe augwali mabo dao. Agai dwagi yai kolesaga sesemane sogo ebo dao. Tama agai genuai nogi agai bulude elaluaibao, tama augwaligo aga nogi ugwaba saibao.

Godigo Sęba Tagala Palai Bidigo Po 11:29

Tama te Jisasgo po wali pabo we bidi augwaligo te po wai, “Bidi deli deli naga masigi munalubaso da, muagasu yao,” wai, “te dago te masigi sisinama, te Judia tǫde bidibo Jisasgo po wali pabo hani dabe augwali nasi ebo, dago augwali tau sinao,” te po wai.

Godigo Sęba Tagala Palai Bidigo Po 2:45

E tiwai yai. Te augwaligo me sogo be dabe me, te tǫde me, te munalubo me badu nai dabe me bidi dabeba menama, tama mone ge selama, me me nai habuge yai bidi dabe tau siyu yali. Tama tilama, augwali tigidali usu yali.

Dwagi Yai Gesi Po Lukgo Asęani 16:9

Te po olama, Jisasgo po me maneyu, te po wali, “Te eno dagebolo e po obao, te sibage me doado bage me, me sogo te naigo we bidi te dwai kolesaga tomoba kekebo dao. Tiali goli, duga doado bagego we bidi bugagia tau siyu, abagi hauwa nigiliyu, bidao. Tama te tiwai elama, tama nosali te doado bage sia sobaso da, Godigo dage pageyu, ‘Eno bidibo madi tomoba asia,’ waibao.

Dwagi Yai Gesi Po Lukgo Asęani 8:3

We me nogi Joana, Herotgo bede sę ebo genuai bidi Kusago we dao. We me nogi Susana. Me badu we dabe hauwago augwa monego Jisas me, Jisas aga dali bilibo bidi dabe me tau sali.

Matyu 19:21

Tama Jisasgo agabolo te po wali, “Te nage doloba pai mu pedalabo homu ebaso da, teda nage pelama, nago doado bage tigidali te bidi dabego abelemainogo munama, tama nago te sali mone te magi nai meni yai we bidi augwalibolo te mone mao. Teda nago nosali sabo wiegi yai nai hauwa mu te Godigo bidibo madide sisi ilai elaluaibao. Tama tilama, nage ena wali asao,” Jisasgo te po wai.

Matyu 17:27

Aga homu agai te takis mone masiąbaso da, te usu da, te homu eyu tama agai Pitabolo po me wai, “Tiali goli, e takis sabo bage augwaligo da si dali dwai homu idali weyu, tama nage te sigi ąįba pelama, te sųgų sabo huk te ąįba sągi pao. Tama nago hasia sabo sųgų, te nago selama penane pedegao, tama nago te sųgų tomode te mone ge me deli sueibao. Te mone ge nago selama, augwalibolo mao, te dadi si talua sigo takis mone usu nama muaibao,” Jisasgo te po wai.

Aisaia 23:18

Tiali goli, te mone dabe agai sabo da, aga sabo sabogobeo. Menio. Te nai dabe te God Genuai Bidigo nai dabe tiwai pedalaibao. Tama te Genuai Bidigo we bidigo te hanu Tairgo sisinani nai dabe saibao. Tama augwaligo tuabo nai hauwa mu elaluaibao. Tama wiegi, wiegi yai gudubo ugwa me elaluaibao.

Nehemia 5:8

Augwali sisinagasai madi, te eno augwaliba te tiwai po wali, “Dago te dena abagi dabe te Israel hani isąwai bidi dabego abelama, te olo sę ebo bidi bidibaso, te dena ma sainu te mone sisinibo sę dene mu ebo da. Tiali goli, megi dagego te duga abagi dabeba dwai sę iliyu, tama augwaligo te dugago digi te olo sę ebo bidi bidibo tiwai emainu ilali.” Eno te tama po obaso, te polalubo bidi dabe te pedauwali pania selama, te augwaligo po wei ponabo usu meni yai dao.

Esra 1:6

Tama gasa hani dabe te Israel pąde bidali bagego augwali tau siyu, tama augwaligo te silvago nigai dis genuai pou mayu, te gol me mayu, te nai me augwaliba mawai. Tama augwaligo gasa wiegi yai nai me mani, tama te Godigo bede ofa yabo hasa dabe me manio. Tama augwaligo te Israel dabeba te nai dabe sela pabo kibu donki dabe me manio.

Tuni Bidi Dabego Po Elalubo Buku Deli 21:24

Tialima king Devitgo Araunabolo e tiwai po wali, “Eno nago nai dabe te olo mu selama te Genuai Bidiba me magobeo. Eno ena digi sę dene elama pedalisąwai nai me delide te ofa ebo sę tiwai egobeo. Menio. Eno te nai dabe nagede abelibaso usu da, te aga mone dologo tama abelaibao,” wali.

2 Samuel 13:28

Te Apsalomgo Devit taga soyu, te Balhasor buluba ma soabo sogo, agai te aga sę bidi dabeba te tama po walali, “Te nai daa tubo sogo, dagego te Amnon bugagia tonaluao. Te aga gęǫ page ebo sogo, teda eno dagebolo olama, tama dagego aga ela muiyagameo. Dage wi me elamuo, magi baso meni, ena digi eno te aga ela mua po obao. Tama dagego aga ela muyu naga yao, tama dage munu me wia selamuo.”

1 Samuel 25:36

Tialima, Abigel te Nabalba ma geasa pali. Tama aga te beba sabolama suali, Nabalgo te nai daa tuali, te kingo genuai wiegi yai nai daa tiwai tobage tualio. Tama Nabal te gęǫ page mu eyu, tama wiegi yai homu pemene eyu bidali, tama tibaso, te Abigelgo po me deli te agabolo me wasiąma te kigamuba usu nani.

Te Israel Tobolu Bidi Dabe 9:13

Tiali goli, te wain nigo te po wali, ‘Magi basowe? Eno ąįgo te tibo god me te bidi dabe dali augwali te wiegi yai homu pemene ilibo dao. Te eno tagalama, tama ena dagego king bidi pedalumainu homu ebawe?’ wali.

Tigidali Nai Gagalama Nigali Side 43:34

Tama te Josepgo sę ebo bidi dabego te Josepgo tebol saide nai selama, te ama dedebolo dobalama, tuali. Tama te ama dedego nai togolama, dobayali, te tuabo usu naga mani. Tiali goli, te Benjamingo nai te augwaligo genuai mu togwali, te a naga bidigo tuabo nai usu. Tialima, augwali te nai me, wę me te Josep dali hodobo tuyu, tama augwali homu pemene wiegi yai mu yali.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Kolesaga Koneai Bidigo Pusali Po Elalubo Buku 2:3

Eno te wiegi yai homu kolesaga page gegelama, suainu ebo sę yali, eno te wain ąį tubo kolesaga usu siyu, te tobage pemene homu ebo kolesaga dabe yali. Eno te gegelama koneainu yali, te mena sę mu te we bidi augwali te dwasianu pęwadage sogo e tǫde wiegi yai bidabo te koneainogo yai dao.

Te Israel Tobolu Bidi Dabe 14:10

Tama aga aya pelama, te we dali po migi pelama, tama nosali Samsongo te genuai nai daa me deli te bulude ulama tuali, magi baso meni, te augwa gesi bidi dabego ebo kolesaga dao.

Esta 1:10

Te Sadede deli da wabode te genuai nai daa tubode, te tuni bidi te wain ąį tuali madi te aiyoge gana dwasianu yalio. Tama aga te nai ulubo bidi dabe a naga olama, me badu nogo si te augwali asomainu i wali. Te augwali nogi e dao, Mehuman, me Bista, me Harbona badi, Bikta badi, Abakta badi, Setar me, Karkas badi, tama dao.