Kolesaga Koneai Bidigo Pusali Po Elalubo Buku 1:9 - Godigo dwagi yai po buku

⁹ Te polobadu pedelali nai dabe da, te nosali ma pedalubo da. Te bidi dabe augwaligo te polobadu yali sę dabe, te sę dabe gasa bidi dabego ma yaibao. Te e tǫde gesi sę me elalube dao.

Kolesaga Koneai Bidigo Pusali Po Elalubo Buku 1:9 Referans Kwoze

Kolesaga Koneai Bidigo Pusali Po Elalubo Buku 3:15

Te megi pedalubo nai tigidali, augwali te polobadu pedelalio. Te nosali pedelabo nai tigidali, augwali me polobadu pedalali. Godigo te polobadu pedelali nai tigidali te me tama elalua pomainogo iligobeo. Menio. Agai te nai dabe ma holomainu ilibo sę ma ebo dao.

Kolesaga Koneai Bidigo Pusali Po Elalubo Buku 6:10

Tigidali nai pedalubo, te odolali me pedalubeo. Menio. Polobadu mu Godigo po weyu, te augwali pedelao wali gilama, te augwali pedalubo sę ebao. Te Godigo da bidigo kolesaga koneanio. Tibaso, dago aga dali konila po me wagobeo. Magi baso meni, te agai bomogo dago bomo aiyaba elaluai dao.

Kolesaga Koneai Bidigo Pusali Po Elalubo Buku 2:12

Eno te sę dabe ela silama da, teda te gasa bidigo ena hasegelama, te king pedalubo sogo da, teda agai mena tobage gasa sę yaibawe? Mu menio. Tama te nosali pedalubo sę page dago kuna konesiąbaso, eno te wiegi yai homu kolesaga ebo page me, te wabo pabo bidigo ebo kolesaga page me homu kone palobo sę eyu yai dao.

Kraisgo Geme Dualali Sę Pedelabo Po Jonbolo Ola Mani 21:1

Te po tų ela silama, tama nosali eno suali, gesi dagalu dali, gesi tǫ dali elaluai. Te hasia dagalu dali, te hasia tǫ dali, te tigidali pela silai. Tama te tamu ąį me te ma elalugobeo.

Kolesaga Koneai Bidigo Pusali Po Elalubo Buku 7:10

Nago te po wagio, “Magi baso polobadu sogogo te megi sogo aiyaba elalubawe?” Nago te tobage po obaso da, te nago wiegi yai homu kolesaga elalubeo.

Jeremaia 31:22

Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

2 Pita 2:1

Tiali goli polobadu te tibo po wabo profet bidi dabe meba te Israel dabe tomode pedalai. Tama tialima te tibo po wabo tisa bidi dabe meba augwali te dage tomode me pedalaibao. Te augwaligo geme te bidi dolabo tibo ola mabo po haniani ola mabo gagalaibao. Tama tiyu, te Genuai Bidigo augwali ma dobola siyu abelai goli, augwaligo te Genuai Bidi nogi tudiba muyu hogwa saibao. Te augwaligo tama tiyu, te augwa digi polo dolaibao.

Aisaia 43:19

Dagego te gesi sę eno eboba tonono yao. Te megi pedaludubo sę te dagego sube da, agawe? Te wa pai pesage badu te eno sunumi nigilama, tama eno te ąį dabe tebadu pomainu ilaibao.

Kraisgo Geme Dualali Sę Pedelabo Po Jonbolo Ola Mani 21:5

Tama te duabo wiegi yai naide dulalubo bidi, agai te po wai, “Megi eno te tigidali nai gesi noma pedalomainogo nigibao.” Tama agai po ma wali, “Nago e po asęąo. Magi baso meni, e po te mu po dao, tama tigidali bidigo e pode homu dąų olama, tama teba tiąlubo te usu yaibao,” te po wai.

Kolesaga Koneai Bidigo Pusali Po Elalubo Buku 1:10

Te me sogo te bidi dabego te tama po obao, “Te e da, te gesi noma nai me deli da,” po wali. Tiali goli, te menio. Polobadu mu digi te nai me elaluali, te da e tǫde ame nenama bidisąbadi te nai elaluai dao.