Kolesaga Koneai Bidigo Pusali Po Elalubo Buku 1:8 - Godigo dwagi yai po buku

⁸ Dago e tǫde tigidali naide homu kone paludu, te dago augwalide hagela mu ebo da. Dago te hagela ebo po hanilama pusubaso, usu me egobeo. Dago te tobage nai dabe sulama, te tobage po dabe odobadi yali, tiali goli te tebo sęgo da haliga pemene ilama, mu usu nabo me ebo menio.

Kolesaga Koneai Bidigo Pusali Po Elalubo Buku 1:8 Referans Kwoze

Bugagia Bidibo Kolesagade Po Asęai Buku 27:20

Te bidi hauwa isibadi goli te tagala, augwaligo te isali bidi dabego bidibo pesage pągąna sobaso usu egobeo. Te tiwai gilama naga, te bidigo aga homugo wei ebo te usu nainu ebaso, te usu meni yaibao.

Matyu 11:28

“Dage we bidi dabe sę dene genuai eyu sęgę yai nai tolobo tiwai we bidi dabe, dage tigidali enaba asao, te eno dage tau siyu, tama dagego toma tueibao.

Kolesaga Koneai Bidigo Pusali Po Elalubo Buku 4:8

Te yǫya pai bidi deli bidali. Aga wai me, aga ama me meni yai, tiali goli, sesemane sogo agai sę naga ela pidubadi geani, te aga dwasianu toma me nabeo. Agai doado bage hauwa elaluali, tialima te nai dabe aga usu meni homu yali. Agai te tiwai homu ebeo, “Magi baso ena odolali sę dene eyu, te eno pemene meni ebawe?” te homu ebeo. Te tobage bidigo kolesaga te hobedagia mu elalu, te aga page meni yai elalubao.

Matyu 5:6

Tama te doloba pai kolesaga sainogo bomo eyu godolo ebo we bidi dabe augwali wiegi yai homu pemene emainao. Te homu tiwai ebo we bidi dabe augwaligo homu kolesaga te Godigo augwali mu usu nama te tiwai pedelaibao.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Kolesaga Koneai Bidigo Pusali Po Elalubo Buku 2:11

Tialima, nosali ena te sę dene elama sali nai dabeba homu kone palama, eno te tiwai koneanio, te tigidali nai te olo nai tiwai da, te homu eyu, te nai dabego ena dwasianu tau sogobe da homu yalio. Te bidi udulama, te soabo wali nogogo tola sainu ebo olo sę tiwai ebo dao.

Godigo Nogi Ugwaba Sabo Tęąbi Po Wabo Buku Dabe 63:5

Te eno homu ogwa wai mobo te wiegi yai mu elalubao, te bidigo wiegi yai nai dabe tulama, tama te usu yai tiwai gilama yai. Tama ena wiegi yai pemene elama, tama nage nogi ugwaba sabo dao.

Kolesaga Koneai Bidigo Pusali Po Elalubo Buku 1:7

Te tigidali asobo ąį te tamu ąįba udula pobao, tiali goli te tamu ąį me pągąbeo. Nosali, te ąį dabe te asaliba ma begasa holaibao, tama ma dulubo dao.

Hagai 1:9

“Dagego homugo duga gide bulali nai umabo sainu homu te yali, tiali goli nai umabo mu me pedalobeo. Tama dagego te nai dabe beba sesebaso da, te nai polo sia sabo bage e tiwai dao, te nai dabe te eno mobogo sela sąbaso peyu te yali,” wali. “Odao. Eno tama yali da, magi baso meni, dage tigidaligo te duga digi bidabo be sę ebo sęde dene mu yalio, tiali goli dagego te eno be tologa pai dwai mu elalubo da, tede dagego homugo kone palobeo.

Kolesaga Koneai Bidigo Pusali Po Elalubo Buku 6:7

Dago nai tuabo homu elama, te dago sesemane sogo sę ebo dao. Tialima, dago te sela tubo naigo, te dago godolo yali homuba me usu nugu pogobeo.