Daniel 9:15 - Godigo dwagi yai po buku

¹⁵ “God, te dago Genuai Bidi, te nago bomo te dabolo ola mayu, te da te bulu Isip kantride kalabus sę yali sogo, te nago da sela asali. Tama megi me, te gasa bulu tǫ kantri we bidi dabego nago te yali bomai sęde homu kone palama, tama augwaligo nageba genuai nogi mawai. Mu tama, dago dwai sę elama, tama dago dwai kolesaga hauwa yai dao.

Daniel 9:15 Referans Kwoze

Nehemia 9:10

Nago te Isip king me, ofisa dabe me, te Isip we bidi dali, te augwali aiyaba elaluainu te nago gasagi yai tedali bomai sę me yai. Nago tama tiali, magi baso meni, te Isip dabego naga we bidi dabeba te dwai sę mu ebo nago suai. Te sogo nago naga bomo te tigidali we bidiba ola mawai. Tama augwaligo nageba genuai nogi mena mena asali, te megi e sogoba usu nagasobao.

Daniel 9:5

“Da te dwai we bidi mu dao. Dago te sęgę sabo sę eyu, dwai sę nageba yai. Dago nago po sela sąyu, tama dago te nago dabolo yao wali te wiegi yai doloba pai kolesaga me isiąwai.

Nehemia 1:10

“Genuai Bidi, da Israel te nago sę bidi, me sę we tiwai dao. Tama da te nago we bidi dabe mu da. Te nago genuai bomogo nago da te boi bidi dabego nogode polobadu ma salio, tama da mu hagabeo.

Ma Dobola Sali 32:11

Tiali goli, Mosesgo te Genuai Bidigo homu bea sainu, agai bomonama gedu haluasa po aga Genuai Bidi Godibolo e tiwai po wai, “Genuai Bidio, tiyu nago sębęgo naga we bidi augwali dolomainogo sula tagalamuo. Nago te we bidi augwali te Isipde te nago naga genuai bomogo digi te augwali selama, odasa asai dao.

Ma Dobola Sali 14:18

Tama eno te Isip dabe aiyaba elalubaso, tama augwaligo homugo ena digi te ena Genuai Bidi Yawe dao,” agai te po wai.

Ma Dobola Sali 6:1

Tama Genuai Bidi Yawego Moses dali te po wai, “Megi nago eno te tuni bidi dali ebo sę suaibao. Te eno bomogo yaibao, tama tibaso agai te dage Israel hani gasaba tagala palaibao. Mu tama, te eno aga selebo sę eyu, aga mu doloyu, tama agai dage agai tǫde bidibo sela sąnama, tama dage paibao,” wali.

2 Korin 1:10

Te Esia tǫde dwai nai mugo da ela muainogo yali, tiali goli Godigo tede da ma dobola sai. Tama megi me te agai da ma sidu gebo dao. Tama tibaso, dago dena homu te tobage sę ebo God agaba dąų weyu, tama dago homu e tiwai ebo dao, sesemane sogo te dwai naigo da dolainogo ebadi, te agai da ma selama, tama da bugagia bidaibao.

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Dwagi Yai Gesi Po Lukgo Asęani 15:21

Tama te gesi bidigo aga ayabolo te po wali, ‘Aya, eno Godigo gedude dwai sę yali, nago gabidide me eno dwai sę yalio. Ena gesuai bidi menio, dwai bidi dao. Tama tibaso, nago enabolo te ogwa da po olamu dao,’ te po wali.

Aisaia 55:13

Te ni wuli dabe te megi dwai ni dabe elalubo madi pedelaibao. Te gasa sawi yai dwasianu ni dabe te megi sesane bono elalubo pesagede pedelaibao. Tama sesemane sogo te tobage ni dabe te pesagede pedelama, te sesemane sogo te dąį ilali tiwai te we bidi dabego sulama, te Genuai Bidi, eno yali bomai sę homu kone palomainu yaibao,” wali.

Godigo Nogi Ugwaba Sabo Tęąbi Po Wabo Buku Dabe 106:8

Tiali goli, Genuai Bidigo te aga genuai bomo augwaliba ola mawainu yali. Tama tiyu, agai augwali ma selama, tama augwali me dolobeo, te agai augwaliba dąų walali po tiwai gilama yali.

Te Israel me Juda Hani Sigo Tuni Bidigo Po Elalubo Buku Deli 8:51

magi baso meni, da Israel hani te nago digi tedali sa muani we bidi dabe mu da. Tama nago da te Isipde sali, te bulu te sesena pabo sia tiwai ebaso, tama nago da te sa muani tǫde bidimainu odasa asai dao,” wali.

Ma Dobola Sali 9:16

Tiali goli, eno nage hodolama, te tuni bidi nigiliyu, te eno genuai bomo dagebolo ola mayu, tama te we bidigo eno genuai nogi te tigidali tǫba te po pusugi pomainogo tebao.

Ma Dobola Sali 6:6

“Tama tibaso, nago te po Israel hani dali wao, ‘God agai te po wai, “Ena digi ena Genuai Bidi Yawe dao. Eno dage te Isip hanigo nogode selama, tama te augwaligo sęgę dagebolo mabo tede me eno selama, tama dage olo mu bidimainogo yaibao. Tama eno bomogo augwali dene mu somainogo menama, tama dage eno genuai bomogo dobola ma saibao.

Bomai Po 5:15

Dagego koneawe, dage te Isip bulude te olo sę ebo bidi bidali, te koneao, tama eno genuai bomogo, ena dagego God Genuai Bidi, eno dage tedu odasa asai dao. Tama te tiali pagede da, dagego eno te bomai po wali piąo, tama te toma tubo sogo bugagia wali pelama, toma tuyu yao,’ wali.”

Ma Dobola Sali 13:3

Mosesgo te we bidi augwalibolo te po wai, “Dage te Isipde bidali, te kalabus sę ebo bulu dao. Tama aga bomogo digi, Genuai Bidigo dage Isip bulude selama, odasa asai. Tama tibaso, tigidali kibu be dagego agai te tama tiali side homugo koneama, tama dagego te bo dai nai bret dali tugio.

Ma Dobola Sali 13:9

Tama dagego kegeda pidali weyu, te tiwai lotu po wabo kolesaga da, te dąį me deli dao, te dagego duga nogode me gesabidide elaluabo dąį ąǫ yaibao. Tama te Genuai Bidigo bomai po te dagego homu kolesaga iliyu, tama po wabo nigilaibao. Magi basowe, Genuai Bidigo bomogo sę elama, tama da Isip tǫde selama, odasa asai dao.

Ma Dobola Sali 13:14

“Tama nosali dagego ogwa dabego dagebolo te tiwai hanaluyu, te po tiwai waibao, ‘Te kolesaga page mena tama dawe?’ Tama dagego augwalibolo te po wao, ‘Da Isip bulude kalabus sę ebadi, tama Genuai Bidigo bomai sę mu elama, tama da Isip bulude selama, da odasa asai dao.

Ma Dobola Sali 13:16

Dago te sę ebo te dago homugo ma koneama, te Genuai Bidigo bomogo aga digi da te Isipde selama, odasa asai. Tama te dago nogode me gesabidide muai nai tiwai, tama dago homu hodolobo sę ebo dao,” Mosesgo te Israel hani we bidibolo te po wai.

Te Israel me Juda Hani Sigo Tuni Bidigo Po Elalubo Buku Si 21:15

“Eno tama tiwaibao, magi baso meni, te eno hani we bidi dabe augwaligo eno gedude te dwai sęgę sabo kolesaga te augwa wąį nǫųgo te Isip bulu tagalobo side te sęgę sabo gagalalio, tama augwaligo te deli kolesaga naga me edu bidali. Tama augwaligo te dwai sęgę sabo kolesaga me edu bidibaso, te eno te haliga sębę mu yalio,” God Genuai Bidigo te po wai.

Tuni Bidi Dabego Po Elalubo Buku Si 6:37

tama da te kantri dabede kalabuside bidiyu, dago dena yali dwai sę dabede homu sęgę hauwa kua pelama, tama dago homu begelebaso da, teda, Genuai Bidi, nago dago gedu haluasa po wabo odao. Mu tama, te da te boi bidi dabego kantride bidiyu, tama dago nageba homu bomo elama dąų olama tama nage deliba naga homu kone elama tama homu mu begelama, tama dago nago dago wąį nǫų dabebolo mani te tǫba tonama, me nago sa muani te hanude te nago sa muani madi te sę yani nago te beba, te we bidi nage pageba pąba asomainu yali teba tonama, tama tialima dago gedu haluasa po weyu te e tiwai po obaso da, ‘Hobede mu dao, da dwai sę eyu bilai dao, tama dago haniani dwai kolesaga hauwa mu yalio,’ obaso da, teda nage naga bulu dagalude bidiyu, tama dago gedu haluasa po wabo odama, tama nago da hobede elama tama nago da tau sao. Tama nago da naga we bidigo sęgę sela sąyao.”

Nehemia 1:6

Genuai Bidi, te giligade me hulide eno nageba hanalu, te Israel dabe tau sao obao, te augwali nago sę bidi me sę ebo we dabe dao. Tama tialima, eno homugo nago eno te gedu haluasa po wabo te bugagia odao. Eno te tiwai hania hanilama mu obao, ena dali, te eno wąį dabe dali, dago te dwai sęgę salio. Tama dago naga te sęgę me ebeo. Menio. Te Israel we bidi tigidaligo te sęgę sela silai dao.

Aisaia 64:4

Polobadu te bidi mego te god me deli tobage bomai sę yali po odobeo, te we bidi tau siyu, te konealu tonaluabo sę. Ma, bidigo aga gedugo te god me deligo te tobage bomai sę ebo subeo. Menio. Genuai Bidi, nago naga te tiwai bomai sę ebo dao.

Jeremaia 14:20

Genuai Bidio, mu tamao, dago dali, te dena wąį nǫų dabego me, te nago gedude dwai sę hauwa yali dao.

Te We Bidi Dabego Jerusalem Hagede Gela Wali 3:42

“Dago nage dali hagoma elama, tama dago sęgę sai dao. Tama nago dago sęgę sela sąsiąyu, tama da te nago gedude dwagi yai ma pedalubeo.

Esekiel 5:6

Tialima, te Jerusalem dabego eno po sela sąnama, te augwali dwai we bidi mu pedelalio. Te Jerusalem dabe augwaligo yali dwai kolesagago te gasa tǫ kantri we bidi augwaligo ebo dwai kolesaga te aiyaba mu elaluali. Te Jerusalem augwaligo eno po me eno bomai po dabe te tudiba mu muanio.