Daniel 8:21 - Godigo dwagi yai po buku

²¹ Tama nago te meme suali, te bulu tǫ kantri Grikde dąį iliyu wali, tama te aga gedu page si badu tomode elaluali te moni bage kom dolaluali, te Grik dabego hasia polalubo king bidi te da, wali.

Daniel 8:21 Referans Kwoze

Daniel 11:3

Nosali te gasa bomai king me deli pedelama, te agai te bulu tǫ kantri hauwa, me te we bidi hauwa tonalueibao. Tama mena sę agai homugo yainu homu yali sę, te sę agai eyu naga yaibao,” wai.

Daniel 10:20

Tama agai te po wali, “Nago koneani, magi baso ena nageba asaliwe? Ena asali, eno te Mu Po Wabo Bukude Asęani Po meba pusagasu ula tegelagasalio. Tiali goli, eno sesabi elama me bidigobeo. Te ena polo ma pelama, tama te bulu tǫ kantri Persia tonalubo dwai ensel dali hwįgi paibao. Tama te hwįbo silibo si da, te bulu tǫ kantri Grik tonalubo dwai ensel sabolaibao. Te de me deligo ena tau me sabe, Maikel, te dage Israel dabe tonalubo ensel, te agai deligo naga ena tau sabo dao,” te po wai.

Daniel 8:20

“Nago te omai sipsip me deligo te gąų kom si elalubo suali. Te bulu tǫ kantri si, Midia me Persia sigo king bidi side po wai dao.

Daniel 8:22

Nago te moni bage kom togwa pabo suali, tama aga te pesagede gasa gesi kom me si me si pedelali. Te page e tiwai dao. Te kantri Grik te peda pelama, te gesi kantri me si me si pedelaibao. Tiali goli, te kantri bulu peda pisąbadi, te bomo elaluali, te tiwai gilama nosali me elalugobeo,” wali.

Daniel 11:2

Tialima, te bidigo po ma weyu, agai enaba te tiwai po wali, “Daniel, odao. Eno te nageba po wainu ebo sę dabe, te mu tama pedelaibao. Te king sela me ma pedelama, tama te bulu tǫ kantri Persia tonalueibao. Tama nosali te king me deli ma pedelaibao. Te me si me si wabo kingo te mone me doado bage hauwa elalueibao, te Persiade bidibo gasa king dabe aiyaba elalueibao. Tama agai bomo te genuai pedalubo sogo, agai doado bage hauwa elalueibao, agai te tigidali Grikba haliga dwai yabo sę ilama, tama te augwaligo agaba hwįabo homu ilaibao.

Daniel 2:39

Te nage tudi badu gasa king bidi hani pedelaibao, tiali goli te augwaligo bomo te nago bomo tiwai me egobeo. Tama nosali te sela wabo king bidi hani pedalubo sogo, te tigidali tǫ pedai tonalueibao. Te king hani te bras tiwai dao.

Daniel 7:6

Eno me tonono ebadi, tama eno gasa genuai hasa te uni pusi te nogi lepat tiwai suali. Te naigo bogo te me si me si aga tudide elaluali, tama aga tobolu te me si me si elaluali. Tama augwaligo agabolo te tigidali nai tonaluabo bomo mawai, te eno suali.

Sekaraia 9:13

Te Juda dabe augwali eno te enesigi tolalubo tiwai eyu, tama te Israel dabe augwali te eno enesigide ene daganalubo tiwai elalueibao, tama te Jerusalem bidi dabe augwali da te hwą ge bainat gelalubo tiwai elalu, tama eno te Grik dabe dali boi hwįaibao,” te po wali.