Daniel 8:17 - Godigo dwagi yai po buku

¹⁷ Tialima, Gebriel te ena pąba dolagasali, tama ena agade wi dwai mu elama, tama ena degasa dulama, tama eno gesabidi te tǫba aiya pogulai. Tama Gebrielgo enabolo te tama tiwai po wali, “Nage olo bidi tama da,” wali, “tiali goli, eno homugo nago te na page konemainu ebao. Te nade yali sę te tigidali dagalu dali, tǫ dali si silabo sogo pąde te pedalubo sę po te elaluali dao,” po wai.

Daniel 8:17 Referans Kwoze

Daniel 8:19

Tama agai te po wai, “Eno nagebolo te Godigo haliga sębę yali silainu ebo sogo te pedelabo sę dabede po wainu ebao,” wali, “te Godigo dagalu de tǫde muani nai dabe silainu ebo bodolu muani sogo pąde te tama tiaibao. Te tiali sę dabe nago te nade suali sę tiwai mu pedelaibao,” wali.

Daniel 12:4

Tialima, megi da, Daniel, nago te po dabe elalubo buku te haluao. Tama nago dąį tede muao, te bidi dabego te buku habu seliyu, tama tiao. Te buku te halualudubadi, te tigidali dagalude me tǫde nai silibo si te pąba usu naibao. Tama we bidi hauwago te po page koneainu, iba soyu, eda soyu eyu, sę dene mu yaibao. Tiali goli, te augwali usu me egobeo,” te bidigo te po wali.

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Habakuk 2:3

Te sę dabe pedelabo sogo, te menu gana elalubao. Tama tibaso, nago te po asęnama, munalumainao. Tiali goli, te sesabi gana bidisiąbadi, te pąde sogo digi tama, te eno nagebolo ola mawainogo ebo sę da, te pedelaibao. Nago homugo te sę polo pedalugobe da homu yaibao, tiali goli nago dwasianu sogo tonaluama gana te sę pedelaibao, te mani bodolu te geda mugobeo.

Daniel 12:13

Tama Daniel, megi nage te bomo elama dolalu, te dagalu me tǫ silibo siba usu nao. Te nage isaibao, tiali goli nosali te nage ma hodaluama, tama te tigidali nai siligi pabo side, te Godigo nageba sa muani nai dabe saibao,” te wiegi yai name ugwa beali bidigo te po wali.

Daniel 11:40

“Te tigidali dagalude me tǫde nai sia sabo sogo da, teda te saut tǫ badu te Isip kingo te Siria bulu tǫ te not badu bidali king dali hwį yagasaibao. Te polo tama te Siria tǫ kingo te hwįbo nai karis dabe, me hos, me te hwįbo sip dabe selama, tama asesa polo pelama, te Isip king dali te bomo elama, hwįgi painu yaibao. Agai te bulu tǫ kantri hauwa te ąį genuai asobo tiwai elama, aiyaba elalueibao.

Kraisgo Geme Dualali Sę Pedelabo Po Jonbolo Ola Mani 22:8

Ena Jon, eno digi te po tigidali odai, tama te nai dabe tigidali eno suai dao. Eno odolama tama eno suai, tama enabolo te nai ola mani ensel mobo bidi sągą pąba eno kidu sugunama, tama agabolo eno lotu po wainogo yai.

Esekiel 1:28

Tama te ula te dagalude unigi bidi elalubo tigi poai tiwai hauwa elaluali. Te ula ebo eno suali, te ula te God agade digi genuai ula asobo tiwai yai dao.

Matyu 17:8

Tama augwaligo ugwaba tonono holali, te bidi si subeo. Te Jisas agaduba naga dolalubo suali.

Daniel 10:16

Tialima, te bidi te da tǫde bidi tiwai da, agai te aga nogo te eno pedauwaliba muai. Tama eno pedauwali dagayu, tama eno agaba te tiwai po wali, “Genuai bidi, eno te na sulama, tama ena wi dwai mu elama, tama eno bomo tigidali silalio.

Daniel 10:11

Tialima, te bidigo enabolo te tama po wali, “Daniel, Godigo nage godolo mu ebao,” wali. “Nage hodaluama, te eno nageba wainu ebo poba te nago olo bugagia muao. Godigo digi ena tagala palobaso, tama ena nageba asali,” te po wai. Agai po ola simanobo si, tama ena dolugulali, tiali goli ena didibili me idualio.

Daniel 9:27

Te kingo te dąų wabo bomai po te hauwa we bidi dali eyu, te agai po augwaligo wali pomainu yaibao. Tama te dąų wali po kontrak te elalua pidubadi, te kibu be a naga olama, me si teba usu naibao. Tama nosali te sela kibu be, me te kibu be pedai me badu siminigi pabo si da, teda agai te we bidi dabego te Godiba ebo tobage ofa tigidali te paliaibao. Tama te king bidi agai te dwai nai mu me deli te Godigo be pedu daide ugwadu munama, tama te doado bage me nai dabe dolabo dwai nai tede munaluyu, te Godigo te king dolabo sogo bodoluba usu nagasaibao,” ensel Gebrielgo te po wai dao.

Daniel 9:23

Daniel, Godigo nage godolo mu ebao. Tama nago gedu haluasa po wabo gagalubo sogo, agai te po me deli pusali, te eno nageba magasu asali. Megi te nago olo bugagia munaluao, tama eno nago te nedali po page pusaibao,” ensel bidi Gebrielgo te po wai.

Daniel 8:15

Ena te Daniel, eno te yali naba tonaluabo homu idubadi, tama eno te na page gegabo homu bomo yali. Tama polo tama te eno bidi me deli te ena pąde dolalubo suali.

Daniel 2:46

King Nebukatnesargo te Danielgo po odolama, tialima agai Daniel pąba kidu sugunama, tama te po weyu, te augwa tibo godiba ofa ebo tiwai me te denami ebo nai me te Danielba ofa yao po wali.

Esekiel 6:2

“Tǫde bidio, nago te Israel dabe augwaligo bulu du dabeba tonono eyu, te eno po augwaliba pusao.

Tigidali Nai Gagalama Nigali Side 17:3

Tialima, Abram aga basi giluama, tama aga gesabidi tǫba pubaligiluali. Tama Godigo agabolo tama tiwai po wai,

Esekiel 44:4

Tialima, te bidigo ena odasa, te not badu te obo badu sunumidu odasa pelama, tama te Godigo be gesabidi badu doligi pali. Tama eno Genuai Bidi Godigo ulago te aga be pągąna sai suali. Tama tibaso, eno bogoli sugunama, tama eno gesabidi tǫba elama basi giluali.

Daniel 7:16

Tialima, ena te sia king pąde dolalubo bidi dabe me deliba pelama, tama eno agaba hanalu, te na yali po page pusao wali. Tama agai enabolo te tama po wai,

Daniel 8:27

Eno te po oda selama, tama ena haliga sęgę mu yali, tama meba sogode ena gasi tiwai yali. Gasi silama da, te ena hogodama, tama ena te king Belsasargo mani sęba ma palio. Tama te nade eno homu hauwa ebo sę yali, tiali goli eno te na page kuna koneabo usu meni yanio.

Esekiel 2:1

Eno te tama tebo sulama, ena kidu sugunama, te gesabidi tǫba pǫgulali. Tama eno odali, Godigo enabolo te tiwai po wali, “Tǫde bidio, nage hogodao. Eno po nage dali wainogo ebao,” wali.

Daniel 11:27

Tama nosali te king augwa si te deliba dugulama, nai tueibao. Tiali goli, te augwa si homu te dwai elalu, te augwa si po dogia pabo po te pedauwalidu weyu, te augwali siba digi tibo po waibao. Tama augwali sigo te yainu homu yali sę te me egobeo. Magi baso meni, te Godigo te sę emainu sa muani sogo bodolu te pedalisąbadi digi ebao.