Daniel 6:25 - Godigo dwagi yai po buku

²⁵ Tama nosali king Dariusgo te tigidali bulu tǫ pedai we bidi dabe, me te tigidali haniba, me tigidali haniani po wabo hani we bidi te pas asęna tolalio. Agai te tama po wai, “Dage tigidali te bugagia bidiąo,” wali.

Daniel 6:25 Referans Kwoze

Daniel 4:1

Te King Nebukatnesargo po te tigidali bulu tǫ pedai we bidi dabeba me, te tigidali haniba me, te tigidali haniani po wabo bidi haniba te po ola tolali. Agai po te tiwai, “Dage tigidali bugagia bidaluiąo,” walio.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.

Esta 8:9

Augwaligo te tiwai sę te polua Sivan te 23 dei, tede te kibu be te sela poluade te tiwai yali. Tama Mordekaigo te tuni bidigo sę ebo kuskus bidi dabe tigidali i olama, tama augwali asai. Agai po augwalibolo menama, tama te po augwaligo te pas dabede asęai. Agai te pas dabe te Juda dabebolo me, te polalubo kiap dabebolo badi, te polalubo gavman dabebolo badi, tama te tigidali 127 tǫ pedai provinsde bidibo ofisa dabebolo me, te tǫ pedai provins Indiade gagalasa, te Itiopia teba usu nagaselama, te tǫ pedai tigidaliba te asęani. Te asęani pas dabe augwaligo te augwali tigidali tǫ pedai pogo naga asęnama, tama Juda dabego pogo me asęai dao.

Esta 3:12

Te hasia nanobo polua deli te 13 deide, Hamango te tuni bidigo sę ebo kuskus bidi tigidali i wai. Tama agai po tigidali augwalibolo olama, tama augwaligo asęanio. Augwaligo te po te tǫ pedaide bidalubo we bidi tigidaligo po deli delide asęani. Tama agai te pas te tigidali tobolu bidi dabeba me, te tigidali gavmanba me, te tigidali kiap dabebolo badi, tama tolali, tama tigidali paside te king bidi Serksisgo ring masalu naga elaluali, tama te tuni bidi aga digi asęai pas tiwai gilama yalio.

Esra 4:17

Tialima, kingo augwaligo pas sulama, tama pas wei ponoyu, te tama po wali, “Siade dao, te provins polalubo gavman bidi Rehum, tama te kuskus bidi nogi Simsai, tama dage si dali deli sę eyu, te Samariade bidibo bage, me tama te gasa tǫ pedai badu te wę Yufretis u badu pedai badu bidibo bage, dageba te po obao. Eno dagego po wei ponainu ebao.”

Jutgo Asęani Pas 1:2

Te eno homugo Godigo agai homu dene eyu tau sabo kolesaga me, te dage homu nagamea ilabo kolesaga me, te agai dage dali dwagi yai homu eyu godolo ebo kolesaga me, te kolesaga sela dagebolo geninama mu pedalaibao, te eno te homu ebao.

2 Pita 1:2

Tama eno homugo dagego te God dali, te dago Genuai Bidi Jisas dali si bugagia kuna koneyu, tama tebogo te God agai olo tau sabo kolesaga dage dali genia peyu, tama dage nagamea homu eyu bugagia mu bidimai yaibao.

Daniel 3:4

Tama te gavmango po pusubo bidi me deligo te i bomo elama weyu, te tiwai wali, “Dage tigidali bulu tǫ pedai kantri we bidi me, te tigidali hani me, te po haniani wabo we bidi dabe dao.

Bomai Po 19:19

teda te dwai dene te augwaligo te po tų ela mani bidigo sabo magi ilali te bidi aga somainao. Te tama tiyu da, dagego te dwai kolesaga dage tomode elalubo sela sąwaibao.

Esta 7:10

Tama agai te Mordekai walainogo tulali posde augwaligo te Haman aga ma tede walali. Augwaligo te tiwai tama ela silama, tama king bidigo haliga sębę yali silai dao.

Godigo Nogi Ugwaba Sabo Tęąbi Po Wabo Buku Dabe 7:15

Agai tǫde genuai tǫ dedage nigilama, te gasa bidi aba tulalumainu yali, tiali goli aga digi aga te nigali tǫ dedageba tulalubo dao.

Godigo Nogi Ugwaba Sabo Tęąbi Po Wabo Buku Dabe 9:16

Awe, te tama tebogo te God agai kolesaga te bidi dabeba te po tų ebo sogo ola mawai dao. Te dwai sę ebo bidi dabego te gasa bidi dolabo sę yali, tiali goli te naigo begelama, te augwa digi ma dolai.

Bugagia Bidibo Kolesagade Po Asęai Buku 11:8

Te dwai sę ebo me te sęgę meba te doloba pai bidi dabeba pedalubaso da, teda te Genuai Bidigo augwali ma siyu, tama te dwai sę yali sę me te sęgę te dwai sę ebo bidi dabeba muaibao.