Daniel 5:20 - Godigo dwagi yai po buku

²⁰ Tiali goli, nago wąįgo homugo te aga umabo ugwanu mu da homu elama, tama aga hagoma eyu, haniani dobo kolesaga subigila ebaso, tama Godigo aga sela sąnama, tama aga te king me bidibeo, tama aga genuai nogi elaluali te tulaluai dao.

Daniel 5:20 Referans Kwoze

Hibru 3:13

Tama tiwai pedalidali weyu, megi e sogo Godigo nogi yali “te megi” te me elalubadi, tigidali sogo deli deli dagego wiegi yai po te ama dedebolo mayu, tama augwali homu hodoloyu tau sao. Duga hasi tama tiluao. Tiyu te sęgę sabo kolesagago dage tomode bidi me deli ili po ola mayu, tama te sęgo aga olo palia selamuo.

Jeremaia 13:18

Genuai Bidigo enabolo te tiwai po wali, “Nage pelama, te king dali, aga idaba me, waligi pao, ‘Dage sigo te duga si dugulalubo sia king tagalao, magi baso meni, te dage sigo kingo gudali madi te olo nai tiwai pedelali, te dage sigo tonalubo tǫ kantri dabe me tonalugio,’ wali.

Tuni Bidi Dabego Po Elalubo Buku Si 36:13

Sedekaia aga sębę mu elama, tama aga homu begelebo hagela elama, tama aga Genuai Bidi te Israel dabego Godiba ma asobo hagela mu yali. Nebukatnesargo Sedekaiabolo te Godigo gedude te ugwa dagalu bidigo gedude tigidali sogo Nebukatnesar agai po naga wali paibao po dąų omainu ilali. Tiali goli Sedekaia aga tobolu gagea pelama, tama aga Nebukatnesar dologode munu me bidibeo.

Te Israel me Juda Hani Sigo Tuni Bidigo Po Elalubo Buku Si 17:14

Tiali goli, te Israel hani dabe augwaligo te Godigo po sela sąnama, tama augwaligo God dali hagoma genuai mu yali, tama augwaligo augwa wąį nǫųgo yali kolesagadu wali pai. Te wąį nǫų dabe augwaligo te Godigo po dąų wasiąma, tama augwaligo konealubo homu te God dali kęnama, dąų wai meni, augwa Genuai Bidi dali.

Ma Dobola Sali 9:17

Tiali goli, nago eno we bidi dali te boi bidi homu eyu, tama nago augwali tagala palobeo.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Jeremaia 19:15

“Da Israelgo God, aga te Tigidali Bomo Elalubo Genuai Bidi, agai te tama po walio, ‘Bugagia odiąo. Dage Jerusalem we bidi, me te Jerusalem pąde bidibo we bidi, dage tigidaligo te hagoma eyu, te dagego eno po odobo hagela homu yali. Tama tialima, eno te dwai sę tigidali dageba pedalumainogo yaibao, eno te tiwai sę yaibao,’ po wai dao,” eno te po wali.

Bugagia Bidibo Kolesagade Po Asęai Buku 16:5

Genuai Bidigo te hagoma ebo bidi dabe, me te augwa digi augwa nogi ugwaba sabo bidi dabe, te agai wei mu me isiąyu, augwali dali dwai homu ebo dao. Dago e tama koneao, Genuai Bidigo augwali te odolali me tagala palogobeo. Menio. Te agai augwaliba te tigi dene mawaibao.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Esekiel 30:6

“Tama ena Genuai Bidi eno po genina ma weyu, te po obao, ‘Te u not badu taun Mikdoldu gagalama, tama taun Aswan te saut badu elalubo buluba usu nigi paibao, te boi bidi dabego te Isip dabe tau siyu, hwįbo bidi dabe sese tama ela silaibao. Te Isip dabe augwaligo augwa bomode wiegi yai homu pemene mu ebo dao. Tiali goli, te bomo te mu tama sia saibao. Te da God Genuai Bidi eno po dao.

Jeremaia 48:18

“Dage te taun Dibon we bidi, dagego te duga genuai nogide homu kone elalubo tagalama, te wa pai tǫde olo bidi bidibo tiwai yao. Magi baso meni, te Moap dolobo sę yabo bidi, te dageba pedelama, te duga bomai obo elalubo hanu dabe dolaibao.

Aisaia 47:1

Genuai Bidigo te tiwai po Babilonba wali, “Babilon, nago genuai nogi mu elalubo, te kwin we aga sia kingde dugulalubo tiwai ebao. Tama nage te gesi wegi bidigo sisąwai bugagia mu bidibo tiwai ebao. Tiali goli, megi da, te nage sia kingde bidali tagalama, te nage olo tǫ bulude dugulalueibao. Te nago tigi te polobadu elaluali tiwai gilama sawi yai me elalugobeo. Tama te bidi dabego nage te au bugagia elama, bilibo ma sugobeo. Mu meni yaibao.

1 Samuel 6:6

Teyu, dagego te God dali hagoma eyu, te polobadu Isip king bidigo me te we bidi dabego yali tiwai yabuo. Tama Godigo te dwai nai dabe augwaliba tagala palu, tama augwaliba te sę dabego mu poma palama, te augwaligo te Israel dabe te Isip tǫ taga pomainu ilalio. Dagego te homu kone palama, tama dagego aga dali hagoma me elamu da,” wali.

Ma Dobola Sali 18:11

Tama megi eno koneani, Genuai Bidigo te gasa god dabe tigidali aiyaba elaluali, magi basowe, te Isip dabe augwaligo hagoma homu eyu, tama augwaligo dwai sę dagebolo yai baso, tama Genuai Bidi agai dage augwaligo nogode ma dobola sali.” Te po wai.

Esekiel 31:10

“‘Te bobobage ni sida bǫ, te Asiria tǫ kantri da, agai hagoma dogia pelama, tama aga tobolu gagea pabo sę ebo genuai mu yai dao. Magi baso meni, aga ugwanu bobobage mu holama, meba ni dabe aiyaba elaluai baso. Tialima, megi God Genuai Bidi, eno agade pedelali nai dabe po pusaibao.

Daniel 8:8

Tialima, nosali te memego hagoma umabo mu eyu, tama aga bomo ola mawai. Tiali goli, te aga bomo genuai mu pedalubo sogo, agai gąų kom te togwa palio. Tama te togwa pali kom elaluali pesagede te gasa kom me si me si pedelali. Te me si me si kom te moni dobo dwai mu yali. Te kom me deligo te not badu tonalubo tiwai yali, tama gasa mego te saut badu tonalubo tiwai yali, tama gasa mego te giliga pedalubo madiba tonalu, tama gasa mego te giliga dega sabo badu tonalu yalio.

Daniel 11:36

“Te kingo te mena sę dabe te aga homugo digi yaibao. Aga te hagoma eyu, te aga digi aga nogi ugwaba siyu, e tama po waibao, ‘Eno te tigidali god elalualio,’ te po waibao. Tama agai te tobage posobo po dabe te Ugwadu Bidibo Godigo nogi aiyaba elalu, tama waibao. Agai te tama tobage kolesaga ela pidubadi, te Godigo haliga sębę yaliba usu naibao, magi baso meni, Godigo agai te yaibao homu yali sę tigidali ebo dao.

Ma Dobola Sali 9:7

Tama tuni bidigo aga hani dali hanalu wali, “Te Israel bagego kibu dabe te bugagia bidibowe?” Tama te bidi mebago agabolo te po wai, “Awe. Tigidali bugagia bidibao. Me deli munu me isibeo.” Tiali goli, te tuni bidi homu kolesaga dwai me elaluyu, tama te we bidi augwali me tagala palobeo.

Tuni Bidi Dabego Po Elalubo Buku Si 32:25

Tama nosali Hesekiago gasi silali, tama agai Genuai Bidigo aga tau siyu yali te sę kone ebeo. Menio. Aga tobolu gagea pelama, tama Genuai Bidibolo buba hwi po wabeo. Tama tibaso, Genuai Bidigo aga dali sębę elama, tama aga dali Juda dabe me Jerusalem we bidi me dolabo homu yali.

Daniel 4:26

Nago odali, te enselgo te ni page te tǫde elalumainao wali. Te wali po page te tiwai. Te God deligo naga te tigidali tǫde nai tonalubo da, te tama tiwai bugagia konebo sogo da, teda nage te king ma pedalaibao.

Daniel 4:28

Tama nosali, te tigidali wali sę te king Nebukatnesarba te Danielgo wali tiwai gilama pedelai dao.