Daniel 5:16 - Godigo dwagi yai po buku

¹⁶ Tiali goli, eno odali, te nago da te tobage po page koneama, tama te geme dualali po tiwai me te nago konebo dao, wali. Tialima, nago te po page nedabo usu elama, tama enabolo nago te po page pusubaso da, teda eno nageba te kingo mubo mama yai ugwa name munama, tama eno nago mageba te sen gol munama, te nago nogi genuai elalueibao. Tama nage te eno gavmande te sela wabo ofisa bidi pedalumainu nigilaibao,” te po king Belsasargo wali.

Daniel 5:16 Referans Kwoze

Daniel 5:7

Agai te bidi dabe augwaliba te i bomo elama weyu, augwaligo te sę ebo page konea pelama, te osabo bidi dabe, me te po page kolesaga koneai bidi dabe te sę pedalubaso, te augwali i wali, te augwali asomainu yai. Augwali asobo si da, teda kingo augwaliba te tama po wali, “Te bidi me deligo te po nedelama, tama enaba te po page pusubaso da, teda eno agaba te kingo mubo mama yai name ugwa muaibao. Tama eno te sen gol aga mageba domonama, tama aga genuai nogi elaluaibao,” wali. “Tama aga te eno gavmande te sela wali ofisa bidi pedelaibao,” wai.

Daniel 5:29

King Belsasargo te po odolama, tialima agai te bidi dabeba walama, te mama yai ugwa name te Danielba munama, tama te sen gol aga mageba muao, wali. Tama kingo Daniel te gavman ofisa bidi te sela wabo bidi nigilali.

Tigidali Nai Gagalama Nigali Side 40:8

Augwali sigo te po wai, “Da sigo te na yai. Tama ede te bidibo bidi mego te na yali po page da sibolo pusabo te meni yani,” wali. Tama Josepgo augwalibolo te po wai, “Godigo naga te na yali page dabolo ola mabo usu dao. Tialima, dage sigo te na yali po enabolo waiąo,” wali.

Godigo Sęba Tagala Palai Bidigo Po 8:18

Te tama tibo sogo, te bidi Saimon agai Jisasgo tagala palai bidi sigo tigidali we bidi toboluba nogo mubo suali, tama Godigo Dwagi Yai Mobo Bidi augwaliba asali. Agai masigi selasa asama, tega side te bomo abelai hagede yali,

Tigidali Nai Gagalama Nigali Side 41:15

Tialima, Ferogo Josepbolo te po wali, “Eno na yai, tama te na yali po page pusabo bidi meni yai. Te bidi dabe augwaligo te po wai, te nago na yali po odobaso da, nago te na yali po page pusubo usu ebo da po wai.”

Tigidali Nai Gagalama Nigali Side 41:42

Ferogo te tuni bidigo mubo ring me deli elaluali. Tama agai te ring aga nogode munaluali pedelama, tama agai te Josepgo nogoba muani. Ferogo te gasagi yai sawi yai mu ugwa dabe te Josep tigiba gudulama, tama aga magede te golgo nigai sen me deli domonai.

Daniel 2:6

“Tiali goli, te dagego enabolo te eno nade suali nai dabe dali, te na yali page dali si pusa mobaso da, teda eno dageba te doado bage hauwa mayu, tama eno dagego nogi genuai pedalubo sę ilaibao. Tialima, megi da, dagego enabolo te eno na yali po page pusa maiyąo,” te po wali.

Daniel 2:48

Tama kingo Daniel dąį ilama, te Babilon Provinsde polalubo tuni bidi nigali, tama aga te kingba wiegi yai homu mabo bidi tigidali tonalubo bos bidi nigilali. Tama me te kingo te wiegi yai homu pemene ilibo nai hauwa te Danielba menama, tama Daniel genuai nogi elaluai dao.

Daniel 6:2

Tama agai Daniel me, gasa bidi si dali, te sela bidigo te ofisa dabe tonalumainu yali, me te kingo sę bidi dabego sę tonalumainu yai dao, te aga gavmango mone te olodali hagaidali weyu yali.