Daniel 5:10 - Godigo dwagi yai po buku

¹⁰ Te king dali, aga genuai bidi dabe daligo posolu wali. Te kingo idago te posolu wabo odama, tama aga te nai tubo be habu tomoba pali. Tama agai te po wali, “King, nage te sesemane sogo bugagia bidagameo. Te sę ebogo te nage homu poma peyu, tama nago gesabidi tedela eyu, nago haliga te dwai me emainu iligio.

Daniel 5:10 Referans Kwoze

Daniel 3:9

Augwaligo kingba te tiwai po walio, “Genuai bidi, nage sesemane sogo bugagia bidagameo.

Daniel 6:6

Tama augwaligo te king sugi pelama, agabolo te po wali, “King Darius, nage bugagia sesemane sogo bidagameo,” wali.

Daniel 2:4

Tama augwaligo te kingba po wei ponoyu, te Aram pogo begelama, te tiwai po wai, “King o, eno homugo nage te sesemane sogo sesabi elama, bugagia bidagameo. Te nago dabolo te nago nade suali nai po bolo pusao,” wali, “tama dago te na page nageba pusa mawaibao,” te po wai dao.

Daniel 6:21

Tama Daniel te tǫ dedage tomode bidiyu, tama te tiwai po wei ponani, “King, eno homugo nage sesemane sogo sesabi elama bidao.

Jopgo Po Asęani Elalubo Buku 21:34

Eno te tobage kolesaga te dwai sę yali bidi dabede pedalobo subaso, eno te homu ebao, dage ili po olama, gani bole ebo bidi dabe dao. Dagego homugo te dagego enabolo pogo eno haliga dili ilimainu ebawe? Te bage? Hobede ebo. Te po dabego ena deli me tau sabeo,” Jopgo te aga abagi selabolo te po wai.

Jopgo Po Asęani Elalubo Buku 13:4

Tiali goli, dagego ena aiyaba elalumainu, ili po hauwa mu obao. Dage te dokta bidi te gasi sai bidi mego gasi dodolabo konesiąwai dokta bidi tiwai dao.

Te Israel me Juda Hani Sigo Tuni Bidigo Po Elalubo Buku Deli 1:31

Batsebago te po odobo si da, teda te aga kidu sugunama, tama tobolu basi gulama, tama Devitba te tama po wai, “King, nage eno genuai bidi, tama eno homugo nage sesemane sogo nage bugagia bidimainu homu ebao,” te po wai.

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.