Daniel 5:1 - Godigo dwagi yai po buku

¹ Te Belsasar Babilonde king bidali sogo, agai genuai nai da me deli tuali. Agai te aga gegunai bidi dabe te nai tuboba asomainu i olama, tama augwali aga dali te wain ąį tuali, te kingo wiegi yai genuai be tomode. Te sisinani gegunai bidi dabe nedali namba, te tiwai, te 1,000 bidi dabe dao.

Daniel 5:1 Referans Kwoze

Esta 1:3

Te kibu be selade te aga tuni bidi king bidiyu, agai te tigidali tǫde bidibo kiap dabe badi, tigidali provins polalubo gavman bidi dabe sisinao po olama, te genuai nai daa tuaibao wai. Tama te Persia ami dabe badi, te Midia ami dabe badi, te genuai nai daa tuboba aselama, bidai. Tama tonalubo bidi dabe badi, te tigidali provinsdu asali genuai bidi dabe, augwali me bidalio.

Aisaia 22:14

Tigidali Bomo Elalubo Genuai Bidi aga digi ena pageba mu aselama, eno olode te po mu tama walio, “Eno dagego te dwai sęgę gegeda sągobeo, te dage isiboba usu nigi paibao,” wali. Te da, te Godigo po dao, Tigidali Bomo Elalubo Genuai Bidigo po.

Aisaia 22:12

Tama te sogo God, Tigidali Bomo Elalubo Bidigo homugo dage homu dene elama, gela omaina homu ebao. Tama dage duga tobolu nisi gudama, tama hobede ebo ugwa gudumainu homu ebao.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Jeremaia 51:57

Te king, agai nogi da Tigidali Bomo Elalubo Genuai Bidi dao, agai te tama po wali, “Eno te Babilon genuai bidi dabe gęǫ page ilaibao, te ofisa bidi dabe, me kolesaga koneai bidi dabe, me gavman bidi dabe, me tobolu bidi dabe, me ami bidi dabe, te kolesaga umuna palobo sę ilaibao. Te augwali mu godege pilama, te munu ma hodalogobeo.

Jeremaia 51:39

Tialima, ena Genuai Bidi, eno po dolo obao, te augwaligo dwai kolesaga yabo haliga hogodobo sogo da, te eno genuai nai tuabo daa me deli pedelama, te augwa ąį hauwa tulama, gęǫ eyu, pemene eyu, i hae weyu yaibao. Te nosali augwali mu godege pilama, te augwali munu ma hodalugobeo.

Tigidali Nai Gagalama Nigali Side 40:20

Te sela sogo wali pedelama, tama Ferogo te tigidali sę ebo bidi dali te aga idago aga ame nani bodolu side te genuai nai da ulama, tuainu yali. Tama agai te wain tonaluali tobolu bidi, me te bret ulubo be tonalubo bidi me, te augwali si oda selama, tama augwali si te aga sę ebo bidi dabego geduba dolaluagasali.

Jeremaia 50:35

Genuai Bidigo e tiwai wali, “Te bulu tǫ kantri Babilon dolomainao. Te Babilon we bidi augwali te augwa tobolu bidi dabe me, kolesaga koneai bidi dabe dali, bobobage hwągo dolomainogo yao.

Daniel 5:30

Tialima, te sogo hulide naga tama, te Midia dabe aselama, te Belsasar ela muagasali, te Babilon king dao.