Daniel 4:13 - Godigo dwagi yai po buku

¹³ Eno te na yali homu kone paludubadi, tama eno suali, te mobo bidi ensel me deli te dagaludu dulubo suai, te mobo bidi ensel dabede te nai dabe tonalubo ensel me deli dao.

Daniel 4:13 Referans Kwoze

Bomai Po 33:2

Agai te po wali, “Genuai Bidi Sainai bulu dude bidama asali. Aga te Idom bulu ugwadu te giliga tiwai asali, tama agai ula te Paran bulu dude elaluali, tama te ula aga we bidiba ula yali. Te ensel sibi tausen hauwa aga dali bidali, tama agai dolo nogo badu isi bogoli genuai mu iduali.

Daniel 8:13

Tama eno odali, te ensel mobo bidi me deligo po wabo odali, tama gasa ensel bidigo te tiwai po agaba hanalu wali, “Megi dago te subo dwai nai dabe, nisu sogo augwali siligowe? Nisu sogo mu te we bidi dabego te Godiba ofa ebo ma gagalama eyu, tama nisu sogo te tigidali nai mu dolobo dwai kolesaga silaibawe? Nisu sogo te komgo bomo silama, tama agai munu ma te lotu wabo be me, te dagalude ami bidi dabe te agai sągągo agalu, te ma dologobewe?”

Daniel 7:1

Te hasia mu wabo kibu bede te Belsasar te king Babilonde bidali, ena Daniel eno te na ebo tiwai nai te hulide suali. Tama eno te na yali po te buku me delide asęani. Na te tiwai dao.

Jutgo Asęani Pas 1:14

Te polobadu bidi Adam aga ogwago ogwa tama nedada peyu, te nogo a olama me badu nogo deli wali, te bidi mego ogwa te Inok da, aga polobadu mu bidai bidi dao. Tiali goli, agai te sogo polobadu te megi bidibo tibo po ola mabo bagede te po wai, “Suao, Genuai Bidi aga ensel mobo bidi umabo mu dali asaibao.

Sekaraia 14:5

Te dage Jerusalem bage te bulu odogo kilasa pali te bulu Asalba dąį usu nigi peyu wi paibao. Te dage asesa polo tama wi peyu, te dage bulali wąį nǫų hani dabe te Juda king Usia bidali sogo te genuai tǫ mali yainu ebaso wi pelawali tiwai gilama yaibao. Tama te bodolu side God, eno Genuai Bidigo, te aga mobo bidi ensel tigidali selama, te nageba asaibao po wai dao.

Daniel 4:23

“Tama nago suali, te nai dabe tonalubo ensel mobo bidi me deli te dagaludu dulama, te po wali, ‘Te ni gelama, dolao,’ wali, ‘tiali goli, te tǫde page te nosai dabe elalubo page tomode elalumainu sula tagalao. Tama te genuai ring ain me bras deli selama, tama te aga pageba muao,’ wali. ‘Te hulide tulubage segeni ebo te aga daiba ugwadu tuluyu, tama kibu hasa dabe dali te kibu be 7 tama bidimainu ilao,’ te ensel mobo bidigo nagebolo te po wali.”

Daniel 4:5

Tiali goli, me sogo deli sogo hulide eno na elama, tama ena wi dwai mu yalio. Ena te eno bet saide pila mubadi, tama te eno homude suali nai dabe augwaligo ena wi dwai mu ilalio.

Godigo Nogi Ugwaba Sabo Tęąbi Po Wabo Buku Dabe 89:7

Te ensel dabe augwa polalubo dabe te po miting ebo sogo augwali te nagede wi ebo dao. Tama te nage bagualubo gasa ensel tigidali, augwali te nagede wi mu ebo dao.

Kraisgo Geme Dualali Sę Pedelabo Po Jonbolo Ola Mani 14:10

te augwali sibolo lotu po weyu tigide dąį sali bidi agabolo Godigo te bomai ąį wain tiwai mabo te agabolo dene mawaibao. Te wain te Godigo genuai sębę ebo te dao. Godigo te wain ąį te ąį mu dali hasia te si talubeo. Menio. Te sębę te bidibolo dolo mawaibao, aga dali homu dene dwasianu egobeo. Agai sębę ebo te dene sabo kapuba gelama mabo ąįgo wei ponoyu, tama te bidigo tumainogo yaibao. Tama te bidi dwai dene siyu, te posolo mu yai sia dali, te masigi salfade dabo sia bogoli dali, augwali side te dwagila dwai dene mu siyu, te magi dwai sę me isiąbo ensel mobo bidi dabego gedude me, te Kibu Sipsip Waigo gedude te dene saibao. Te bidibolo te dwai posolo yai siago dene mayu, te masigi salfade dabo posolo yai siago me te dene madueibao.

Dwagi Yai Gesi Po Lukgo Asęani 4:34

Nage dabolo magi sę yainu asaliwe? Nage da dolainu asaliwe namao. Eno nage koneani. Nage Godigo gasagi yai tedali wiegi yai bidi da,” wali.

Dwagi Yai Gesi Po Makgo Asęani 1:24

“Te Nasaret hanu bidi Jisas, nago da dwai mobo dabebolo mena sę yainogo asaliwe? Te nago da dolainogo homu eyu, asai dawe? Eno nage koneani, nage te Godigo gasagi yai tedali wiegi yai bidi dao,” te po wai.

Matyu 25:31

Te po ma weyu, Jisasgo te po wai, “Nosali te Godigo Bidi Mu te tuni bidi ma asobode, tama tigidali ensel mobo bidi aga dali, te sogo aga te tuni bidigo wiegi yai sia saide dualagasaibao.

Daniel 7:23

Eno te bidiba eno te koneainu yali nai dabede po hanaluama, tama agai enabolo te tama tiwai po wali, “Te na yali po page te e tiwai dao. Te me si me si wali hasa, te e tiwai, te me si me si wali tǫ kantri pedai tama elalueibao, tama aga te gasa tigidali bulu tǫ kantride te gasagi yai tedali me elalueibao. Agai te tigidali gasa bulu tǫ kantri aiyaba elaluama, tama augwali agalama, tama augwali silimainu yaibao.

Daniel 7:17

“Te genuai hasa me si me si tego dąį ilali, te bomai bulu tǫ kantri pedai me si me si pedelaibao,” po wali.

Daniel 4:10

“Eno agabolo te po wali, ‘Ena piali sogo, eno na te tiwai yali. Eno suali, te tigidali bulu tǫ tomode te bobobage ni me deli dolalubo suali.

Godigo Nogi Ugwaba Sabo Tęąbi Po Wabo Buku Dabe 103:20

Dage tigidali Genuai Bidigo ensel mobo bidi, dagego genuai bomo elalubao. Dagego agai po wali pabo bage, dagego olo agai po wabo digi bugagia mubo dao. Tialima, dagego Genuai Bidi nogi ugwaba sao.

Daniel 4:17

“Te nai dabe tonalubo mobo bidi ensel dabe, augwaligo te nai dabe pedalumainao po obaso, te tigidali bidigo konemainu yali, te Ugwadu Bidibo God Mugo te tigidali we bidi tonalubo dao. Te agai homugo digi te bidi dabe king pedalumainu sa mubo da, te genuai nogi elalubo bidi me, te olo bidi tama me, te tagalao, te agai digi sa mubo dao.” Te ensel mobo bidigo te po wai,’ eno te po Danielba wali.

Jopgo Po Asęani Elalubo Buku 12:24

Tama agai bulu tonalubo tuni bidi dabego tobolu dolama, tagalobo dao. Augwali te olo wau bilibo wabo pabo bage tiwai bilibo dao.