Daniel 3:4 - Godigo dwagi yai po buku

⁴ Tama te gavmango po pusubo bidi me deligo te i bomo elama weyu, te tiwai wali, “Dage tigidali bulu tǫ pedai kantri we bidi me, te tigidali hani me, te po haniani wabo we bidi dabe dao.

Daniel 3:4 Referans Kwoze

Daniel 6:25

Tama nosali king Dariusgo te tigidali bulu tǫ pedai we bidi dabe, me te tigidali haniba, me tigidali haniani po wabo hani we bidi te pas asęna tolalio. Agai te tama po wai, “Dage tigidali te bugagia bidiąo,” wali.

Daniel 4:1

Te King Nebukatnesargo po te tigidali bulu tǫ pedai we bidi dabeba me, te tigidali haniba me, te tigidali haniani po wabo bidi haniba te po ola tolali. Agai po te tiwai, “Dage tigidali bugagia bidaluiąo,” walio.

Maika 6:16

Dagego te king Omrigo dwai kolesaga wali pali, me aga ogwa king Ahapgo kolesaga me wali pai. Dagego augwali sigo polobadu te yali tobage kolesaga tiwai yali, tialima te eno dage dolaibao, te gasa bidi hani bagego dage tudiba muaibao. Te tigidali bulu pedaide bidibo hani bidigo te dageba gesabidi tuluga selama, tama dwai posobo po waibao,” wai dao.

Hosea 5:11

“Te Juda dabego genuai sęgę te Israelba mawai. Te Israel dabe te gasa king meba bidiboba pali, tama augwaligo te augwali tau saibao homu yali. Tiali goli, te king dabe te olo bidi tiwai, tama augwali tau sabo usu meni yai.

Daniel 4:14

Agai i bomonama weyu, te tiwai po wali, “Te ni degemainu, te gelao,” wali. “Tama te aga nologo dabe togwao, tama te yabe dabe selama, subigila tedela palao,” wai. “Te ni dologode bidibo kibu hasa sibi dabe sela sąyu, te ni nologode dugulalubo ba sibi dabe te sela sąyao.

Aisaia 58:1

Genuai Bidigo enabolo te tiwai po wali, “Nago genuai po dągą mu olama, i wao, dua digi i me wagio. Nago bomonama i wabo, te bu wabo nai biugel bu wabo tiwai yao. Te eno we bidi dabeba weyu, te Jekopgo hani dabe, te augwa dwai sęgę me dwai kolesaga po wao,” po wali.

Aisaia 40:9

Jerusalem, nage te genuai bulu duba holama, te bulude po pusao. Saion, nago bomonama, i hai weyu, te bulude po pusao. Nago po hanilama pusao, nage wi me igio. Nago te tiwai po te Juda dabego taunba walao, “Suao, te duga God asobao,” po wao.

Esta 8:9

Augwaligo te tiwai sę te polua Sivan te 23 dei, tede te kibu be te sela poluade te tiwai yali. Tama Mordekaigo te tuni bidigo sę ebo kuskus bidi dabe tigidali i olama, tama augwali asai. Agai po augwalibolo menama, tama te po augwaligo te pas dabede asęai. Agai te pas dabe te Juda dabebolo me, te polalubo kiap dabebolo badi, te polalubo gavman dabebolo badi, tama te tigidali 127 tǫ pedai provinsde bidibo ofisa dabebolo me, te tǫ pedai provins Indiade gagalasa, te Itiopia teba usu nagaselama, te tǫ pedai tigidaliba te asęani. Te asęani pas dabe augwaligo te augwali tigidali tǫ pedai pogo naga asęnama, tama Juda dabego pogo me asęai dao.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Daniel 3:3

Tama te po obaso, te tigidali gavman genuai bidi te piksa elalubo pesageba sisinama, te lotu wainogo yalio, augwali tede dodolali.

Daniel 3:7

Tama augwaligo te musik wabo odobo sogo, te tigidali bulu tǫ pedai kantri bidi dabe, me te tigidali hani, me te tigidali haniani po wabo we bidi dabe, augwa te kidu sugunama, tama te piksaba lotu wali, king Nebukatnesargo dodolali piksaba lotu po wai dao.

Daniel 3:10

King o, nago bomo yai po te tiwai ilali, te augwaligo musik wabo sogo, tigidali we bidigo te kidu sugunama, tama nago te dodolali piksaba lotu po waiyąo po wai.