Daniel 3:24 - Godigo dwagi yai po buku

²⁴ Nebukatnesargo te augwali tama tebo sulama, tama polo tama agai dwai midigi selama, dolugulali. Tama agai bolo te wiegi yai homu kolesaga ola mabo bidi dabeba hanalu wali, “Dago te bidi sela nogo sągą dųnama, te siaba sąwani, ma meniwe?” Tama augwaligo agabolo te po wai, “Awe, genuai bidi, dago te tama tiwai dao.”

Daniel 3:24 Referans Kwoze

Daniel 6:22

Godigo te aga mobo bidi ensel tagala palama, tama te laion dabe pedauwali paniama, tama augwaligo ena me dolobeo. Agai koneani, eno magi dwai sę me isiąwai, tama eno dwai kolesaga nageba me ebeo. Tama tibaso, agai ena tonalubo dao,” Danielgo te po wali.

Daniel 6:7

“Da tigidali ofisa te bulu tǫ kantride nago sę ebao, da te polalubo gavman ofisa dabe, me tigidali gasa ofisa, dago te po mia selama, te bomo yai po me deli muagameo wai. Dago homugo nago te we bidi dabeba te tiwai po omainu homu yai, te bidi sese deli olama, nogo si, te 30 dei wabo side usu nama, bidi me deligo te god me deliba, ma te bidi me deliba, gedu haluasa po me olamuo. Menio. Augwaligo te nageba naga gedu haluasa po omainao. Te mena bidi me deligo te po bolobaso da, teda nago aga te moni hasa laion dabe bidibo tǫ dedageba sąyu, tula palagameo wai dao.

Godigo Sęba Tagala Palai Bidigo Po 26:27

Moni gavman bidi Agripa, nage Godigo pedauwalide po selama pusali bidigo asęani po nago homugo mu konebawe, te poba naga homu maniwe? Eno homugo naga homu te poba mu muani,” Pol agai te po wali.

Godigo Sęba Tagala Palai Bidigo Po 26:13

Dago genuai gavman tobolu bidi, bugagia odao. Nai po wabo pąde, da te Damaskus pabo tųdu pobadi, te moni sole gagawai ula dagalude asali, te ula da mu udula pali, te giliga tiwai ulago da bologobea sali, te ena dali pali bidi dabe me, te ulago mu usu yali.

Godigo Sęba Tagala Palai Bidigo Po 12:13

Tama Pitago te be tųba bebego wali. Tama te bede sę ebo gesi we tųba suagasali, te gesi we nogi Roda.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

Daniel 5:18

“Odao. Te Ugwadu Mu Bidibo Godigo te nago wąį Nebukatnesar te bomai genuai king pedalumainu ilali. Tama agai genuai nogi elalu, te ugwanu egulama, tama ugwadu daide mu elaluai dao.

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.

Daniel 4:27

Tama eno homugo te megi eno nagebolo wabo po tiwai yao. Nago te sęgę munu ma sigio,” wai. “Nago te doloba pai kolesaga naga yao, tama nago te olo tau sabo wiegi yai homu te magi nai sǫą pabo we bidi dabeba yao. Dago konebeo, te nago te tama tibaso da, teda nage te bugagia bidiyu, tama nago ebo sę tigidali te wiegi yai naga pedalaibao, te nago nade suali sę nageba asogobeo,” Danielgo king bidibolo te po wai.

Daniel 4:22

King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.

Daniel 3:17

Dago lotu po te God muba wabo dao. Dago te God agai da tau sabo usu elalu, te nago bomo, me te siago bomo geda mubaso da, teda te Godigo sę dao,” wali.

1 Samuel 17:55

Devit pelama, te Goliatba hwįgi pabo Solgo sulama, tama agai te ami dabe augwa polalubo ofisa bidi, Apnerbolo te tiwai po hanalu wai, “Te ogwa te dego wai dawe?” Tama Apnergo agabolo wali, “King o, eno mu po nagebolo obao, eno konebeo,” wali.

Tuni Bidi Dabego Po Elalubo Buku Si 22:4

Tama agai Genuai Bidigo gedude dwai kolesaga yali, te Ahapgo hanigo ebo kolesaga tiwai mu tama yali. Magi baso meni, aga isai tudi badu agai te Ahapgo hani bidi aga kolesaga ola momainu sali. Tama agai augwaligo dwai kolesaga wali peyu, te dwai kolesaga tama yali.

Daniel 3:23

Tama tialima, te Satrak, me Mesak, me Abetnego te sia tomoba tulaluai, tama augwaligo te augwali kęnani bono baklain, te kęnani tiwai tama elaluai.

Daniel 3:25

Tialima, agai te po wali, “Magi elama tama eno suali, te bidi me si me si te sia tomode bilibowe? Tama te dago augwali kęnani baklain bono, te augwali tigide elalubo ma me subeo. Tama siago me augwali me dabeo. Tama te me si me si wali bidi te god me deli tonobo ąǫ ebao,” te po wai.