Daniel 2:49 - Godigo dwagi yai po buku

⁴⁹ Kingo te Danielgo po wali pelama, tama te Satrak, me Mesak, me Abetnego, te augwali sa munama, te Babilon Provins tǫ pedai tonalubo sę mawai. Tama Daniel aga digi te kingo bede bidalio.

Daniel 2:49 Referans Kwoze

Daniel 1:7

Tama Aspenasgo gesi noma nogi augwaliba mawai. Agai te Danielgo nogi te Beltesasar polali, te Hananiago nogi te Satrak poali, tama Misael agai te Mesak poali, tama Asaria nogi te Abetnego poai dao.

Esta 2:19

Te sogo naga, tuni bidigo Mordekai te aga be tonalubo bidi me deli nigilali.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Esta 2:21

Te Mordekaigo te king Serksisgo sę tuali sogo, te bidi sigo te tuni bidi dali wado yabo homu elaluali, tama augwali sigo aga ela muabo po miani. Te bidi si nogi Biktana de Teres si dao. Te bidi sigo te gavman tuni bidi kingo be dąį togwali sunumi tonalubo sę elaluai.

Daniel 2:17

Kingo te pode usu da po obaso, tama Daniel aga beba ma begasa pelama, tama aga abagi selabolo te po walali, te Hanania, me Misael, me Asaria, te tama sę pedelali po wali.

Daniel 1:17

Tama Godigo wiegi yai konebo homu kolesaga te Danielba me, te aga abagi sela daliba menama, tama augwaligo koneani kolesaga te genuai mu elalu, te bukude elalubo po dabe me te mu konea pelama elaluai, tama augwaligo gasa nai dabe konebo kolesaga hauwa mu elaluali. Tama me, te Godigo Danielba te na ebo page dabe pusa mabo konebo kolesaga wiegi yai mani.

Jeremaia 39:3

Tialima, nosali te Babilon kingo ofisa tigidali te taun tomoba pai. Tama augwali obo genuai sunumiba pali, augwa te nogi Tomo Sunumi dao, augwali teba duagi pelama, te taun tonaluai. Te ami dabe augwa polalubo ofisa bidi dabego nogi e tiwai dao, Nergal Sareser, me Sangar Nebo, me Sarsekim, me gasa sabi Nergal Sareser.

Bugagia Bidibo Kolesagade Po Asęai Buku 28:12

Te doloba pai bidi dabe te bulu tǫ pedai tonalubo bidi pedalubo sogo, te tigidali bulu tǫde bidibo bidi hani te bugai haliga elama, wiegi yai pemene mu yaibao. Tiali digi, te dwai bidi te tonalubo bidi pedalubaso da, teda te we bidi dabe augwalide geme wi duala sabo dao.

Esta 3:2

Tama king bidigo te tigidali kiap bidibolo po olama, te Hamanba kidu sugunama, tama genuai nogi agaba mao po wai. Tigidaligo te kingo wali po gilama yali, tiali goli Mordekai deligo te tiwai sę me isiąwai. Mordekaigo te Hamanba kidu sugunubo te hagela mu yalio.

Daniel 6:2

Tama agai Daniel me, gasa bidi si dali, te sela bidigo te ofisa dabe tonalumainu yali, me te kingo sę bidi dabego sę tonalumainu yai dao, te aga gavmango mone te olodali hagaidali weyu yali.

Daniel 3:1

Nebukatnesargo te po obaso, tama augwaligo te bidi piksa noma me deli te golgo nigai, te aga bobobage usu sali, te 27 mita teba usu nani, tama aga genuai usu nama usu sali, te 3 mita. Tama augwaligo te piksa te dolo tǫ pesage augwaligo te nogi Dura nogi yai, te Babilon Provins tǫ pedaide dodolai dao.