Daniel 2:48 - Godigo dwagi yai po buku

⁴⁸ Tama kingo Daniel dąį ilama, te Babilon Provinsde polalubo tuni bidi nigali, tama aga te kingba wiegi yai homu mabo bidi tigidali tonalubo bos bidi nigilali. Tama me te kingo te wiegi yai homu pemene ilibo nai hauwa te Danielba menama, tama Daniel genuai nogi elaluai dao.

Daniel 2:48 Referans Kwoze

Daniel 2:6

“Tiali goli, te dagego enabolo te eno nade suali nai dabe dali, te na yali page dali si pusa mobaso da, teda eno dageba te doado bage hauwa mayu, tama eno dagego nogi genuai pedalubo sę ilaibao. Tialima, megi da, dagego enabolo te eno na yali po page pusa maiyąo,” te po wali.

Daniel 5:11

Odao. Te nago bulu tǫde te bidi me deli bidibao, tama te bomai god dabego agaba te wiegi yai homu kolesaga mawai. Te naga wąį king bidali sogo, agai te bidigo te wiegi yai homu kolesaga koneai elalubo suali, tama agai koneani kolesaga te genuai mu, te god dabego koneani kolesagaba usu nani. Tama nago wąį, king Nebukatnesargo, aga te bidi osabo tama aga te gasa kolesaga koneani bidi dabego tobolu bidi nigilama bidali. Te naga wąįgo te tama tiali,

Daniel 4:9

‘Beltesasar, te kolesaga koneai bidi dabego tobolu bidio, eno koneani, te bomai god dabego nageba te homu kolesaga menama, tama te magi nai me deli nagede geme dualalubeo. Tialima, eno na yali po megi odama, tama nago te nade yali po page pusao,’ wali.”

Daniel 5:29

King Belsasargo te po odolama, tialima agai te bidi dabeba walama, te mama yai ugwa name te Danielba munama, tama te sen gol aga mageba muao, wali. Tama kingo Daniel te gavman ofisa bidi te sela wabo bidi nigilali.

Daniel 5:16

Tiali goli, eno odali, te nago da te tobage po page koneama, tama te geme dualali po tiwai me te nago konebo dao, wali. Tialima, nago te po page nedabo usu elama, tama enabolo nago te po page pusubaso da, teda eno nageba te kingo mubo mama yai ugwa name munama, tama eno nago mageba te sen gol munama, te nago nogi genuai elalueibao. Tama nage te eno gavmande te sela wabo ofisa bidi pedalumainu nigilaibao,” te po king Belsasargo wali.

Daniel 3:30

Kingo po ola silama da, teda agai te Satrak, me Mesak, me Abetnego, te augwali sela bageba te gesi sę te Babilon bulu tǫ pedaide mawai, te augwaligo polobadu yali sę mu edelama mu yali.

Daniel 3:12

Tiali goli, te Juda bidi sela, Satrak, me Mesak, me Abetnego, nago augwali sa munama, te Babilon tonalumainu yali bage, augwaligo te nago po sela sąwai. Augwaligo te nago god dabeba lotu me wasiąwai, tama me nago te dodolali piksaba kidu sugunama, lotu me wabeo,” wali.

Daniel 3:1

Nebukatnesargo te po obaso, tama augwaligo te bidi piksa noma me deli te golgo nigai, te aga bobobage usu sali, te 27 mita teba usu nani, tama aga genuai usu nama usu sali, te 3 mita. Tama augwaligo te piksa te dolo tǫ pesage augwaligo te nogi Dura nogi yai, te Babilon Provins tǫ pedaide dodolai dao.

Jeremaia 5:5

Tialima, eno te genuai bidi dabe sugi pelama, te augwali dali po miaibao. Augwa te tobage kolesaga me bomo yai po, God, Genuai Bidigo homugo augwa wali peyu, konemainu ebao.’ Eno te homu yali. Tiali goli, te genuai bidi dabe tigidaligo me te Genuai Bidigo po sela sąnama, te agai homu kolesaga wali me pabeo.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Te Israel me Juda Hani Sigo Tuni Bidigo Po Elalubo Buku Si 5:1

Te Naman aga te Siria bulude ami polalubo ofisa tobolu bidi da. Siria bulude bidibo kingo te bidi agade godolo mu elama, tama agai moni homu pemene mu yai, magi baso meni, te bidi Naman aga nogo tų yaide te God Genuai Bidi aga digi te Siria ami bidi dabe augwali tau siyu, tama augwaligo te boi bidi dabe aiyaba elaluali. Naman aga te dwagi yai ami bidi mu, tiali goli aga tigide oiyabe gasi yali.

2 Samuel 19:32

Barsilaigo kibu be te bidi sese me si me si, te 80 kibu be bidai elaluai, tama aga monu dabe mu yai. Agai te mone doado bage hauwa elaluai, tama agai te king Devit tonalu, tama te Devit dali, aga hani dabe dali, augwali te hanu Mahanaimde bidali sogo nai geseyu bidai dao.

1 Samuel 25:2

Te Maon taun bidi me deli, te aga nogi Nabal bidali. Aga te Kalep hani bidi. Tama agai tǫ pedai me deli te Karmel taun elaluali. Aga te mone hauwa elalubo bidi mu, tama agai sipsip te 3,000 elaluai, me 1,000 meme dali elaluali. Aga we, te Abigel, aga te wiegi yai sawi yai we mu, tama aga wiegi yai homu kolesaga hauwa koneai elaluali. Tiali goli, Nabal te wado po wabo bidi, tama aga kolesaga te wiegi yai elalusiąwai. Te sogo Nabal te Karmel taunde bidiyu, tama augwaligo te agai sipsip nisi dabe togobo sę iduai.

1 Samuel 17:25

Tama te Israel dabe augwa hasi digi po miyu, te tiwai po wai, “Te bidi suao, te agai i wabo po odao. Agai te wąbi hwįainu da dianobao. Tiali goli, kingo te po wali, te Filistia elibo bidibolo te agai mone umabo hauwa mawaibao wali, tama te bidibolo te agai wegi somainu yaibao wai. Tama kingo te bidi aga hanide te takis mone me sisąma, tama augwali haniba te kingo sę tobage yagasomainu i me wagobeo,” wali.

Israel Hanigo Namba 24:11

Teda tagalao, ena hagela ebo. Nage naga buluba megi ma pao. Hasia eno mone dabe hauwa nagebolo mawaibao po wai dao. Tiali goli, Genuai Bidigo nago sunumi palialigo da, nago sogobeo,” wali.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

Daniel 5:7

Agai te bidi dabe augwaliba te i bomo elama weyu, augwaligo te sę ebo page konea pelama, te osabo bidi dabe, me te po page kolesaga koneai bidi dabe te sę pedalubaso, te augwali i wali, te augwali asomainu yai. Augwali asobo si da, teda kingo augwaliba te tama po wali, “Te bidi me deligo te po nedelama, tama enaba te po page pusubaso da, teda eno agaba te kingo mubo mama yai name ugwa muaibao. Tama eno te sen gol aga mageba domonama, tama aga genuai nogi elaluaibao,” wali. “Tama aga te eno gavmande te sela wali ofisa bidi pedelaibao,” wai.

Daniel 8:27

Eno te po oda selama, tama ena haliga sęgę mu yali, tama meba sogode ena gasi tiwai yali. Gasi silama da, te ena hogodama, tama ena te king Belsasargo mani sęba ma palio. Tama te nade eno homu hauwa ebo sę yali, tiali goli eno te na page kuna koneabo usu meni yanio.

Daniel 4:6

Tama tibaso, eno te tigidali Babilonde te po page koneai bidi dabe asiąo olama, enabolo te na yali page pusagasiąo po wali.