Daniel 2:37 - Godigo dwagi yai po buku

³⁷ King, nage te polasa mu polalubao, tama nago te tigidali gasa king aiyaba elaluai. Te dagalude bidibo Godigo agai nage sa munama, tama agai nageba te genuai bomo, me genuai nogi mawai dao.

Daniel 2:37 Referans Kwoze

Esekiel 26:7

“Magi baso meni. Ena God Genuai Bidi, eno te tama po obao. Eno te bomai king me deli odasa asaibao, te king Nebukatnesar te tǫ pedai Babilon king dao, tama agai te gasa tǫ pedai kantri dabego king dabe tonalubo dao. Tama agai dage Tair dabe dali boi hwįaibao. Te aga not badu pedaide bidali tagalama, te genuai ami hani dabe dali aselayu, tama te boi hwįbo nai kibu hos dabe, me karis dabe dali asiyu, te kibu hos dabede dugulama boi hwįbo ami hani bidi dabe dali asaibao.

Daniel 5:18

“Odao. Te Ugwadu Mu Bidibo Godigo te nago wąį Nebukatnesar te bomai genuai king pedalumainu ilali. Tama agai genuai nogi elalu, te ugwanu egulama, tama ugwadu daide mu elaluai dao.

Aisaia 47:5

Genuai Bidigo Babilonba te tiwai po wali, “Babilon, nago te naga pedauwali pania selama, te be hulia sai pesageba duagi pao, magi baso meni, te gasa hani we bidigo nageba te nogi munu ma wasiąyu, ‘Te tigidali bulu tǫ kantri kwin da,’ po me wagobe.

Godigo Nogi Ugwaba Sabo Tęąbi Po Wabo Buku Dabe 62:11

Godigo te tama po wabo te eno odali, “Ena God, eno te genuai bomo elalubo dao,” wali. Me ma, e tama po wabo eno hauwa sogo odali,

Esra 7:12

“Ena te king Artaserksis, ena te tigidali bulu tǫ pedai hauwago king dao. Esra, nage te dagalude bidibo Godigo tigidali bomai po page koneai bidi da, eno nageba siade da po olama, te pas nageba asęani dao.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Kraisgo Geme Dualali Sę Pedelabo Po Jonbolo Ola Mani 17:14

Tama menama, augwaligo te Kibu Sipsip Wai dali hwįaibao. Tiali goli, te Sipsip Waigo augwali aiyaba mu elaluaibao. Magi baso meni. Aga da te genuai bidi dabe tigidaligo Genuai Bidi dao, tama aga te tigidali tuni bidigo genuai tuni bidi aga dao. Tama aga dali bidibo we bidi te augwali agai i olama, tama augwali agai gasa we bidi tomodu dią selama, tama augwaligo homu agade mu kęą peyu bidibo we bidi hani dao.”

Kraisgo Geme Dualali Sę Pedelabo Po Jonbolo Ola Mani 5:12

Tama dolaluyu, tama augwaligo i bomonama weyu, e tama balia wai, “Te kibu sipsip wai polobadu augwaligo ela mubaso, agai te tigidali nai tonalubo bomo mu sabo usu eyu, tama te tigidali wiegi yai nai me, te wiegi yai homu kolesaga me, tama te tigidali genuai bomo agade usu elalubo dao. Tama aga nogi te tigidali bidigo ugwaba sabo te usu da, tama ula yai bomo agabolo mabo me, te usu dao, te agabolo genuai nogi mabo me te usu dao.”

Kraisgo Geme Dualali Sę Pedelabo Po Jonbolo Ola Mani 4:11

“Genuai Bidi, nage dago God dao. Tigidali bidigo nage dali wiegi yai homu ebo te usu mu nage dali emainogo, tama tiyu nago nogi ugwaba siyu, tama augwali nage dologoba bidagasomainogo tebo dao. Magi baso meni, nago tigidali nai nigai. Te naga homugo digi nago te nai nigilama pedalai, tama megi te nai tigidali e tǫde elalubao,” augwaligo te po agabolo wabo dao.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

Dwagi Yai Gesi Po Jongo Asęani 19:11

Te Jisasgo agai po wei ponoyu, te po wai, “Tialima, God dagalu ugwadu bidibo bidi agai bomo nagebolo magi menigi sogo da, te nago bomogo ena aiyaba elalugi menio. Tama tibaso, ena nago nogoba muani bidi, te bidi agai sęgę genuai mu eyu, tama nago sęgę aiyaba elaluaibao,” Jisasgo te po wai.

Matyu 6:13

Te da te dwai sę yanama sinawainogo ebo sogo daba asidali weyu, nago te habu selao. Tama te dwai sę page bidi agai da dolidali weyu te nago da tau sao. [Tama nago te genuai bomo me ula, te genuai nogi me te nagede sesemane sogo bidada paibao. Mu dao, te tama tiwai pedalomainao, te dago homugo dao.]’ Te tiwai eyu, gedu haluasa po wao,” wali.

Hosea 8:10

Tialima, megi da, augwali te gasa kantri dabe tiwai pedalali goli, te augwali dali eno deliba sisinama, te dwai dene mawaibao,” wai. “Tamadi tama te Asiria kingo augwali aiyaba mu elaluama, te dwai genuai sęgę augwaliba muaibao,” wai dao.

Daniel 4:34

“Te kibu be a naga me si wali silibo sogo da, ena Nebukatnesar, eno te dagaluba ugwa tonaluama, tama eno homu kolesaga te wiegi yai ma pedelai. Tama eno wiegi yai homu pemene te Ugwadu Bidibo Godiba mu yalio. Te sesemane bidada pidu bidibo God, tama eno aga nogi ugwaba mu siyu, kekene nanio. Tama eno te tama po wai, ‘God te king sesemane sogo bidada peyu, bidibo dao.

Daniel 4:32

Tama te augwaligo nage sela sąnama, tama nage te we bidi dabe dali munu ma bidigobeo. Te nage bulu uni hasa dabe dali naga bidaibao. Nago te kibu bulmakau dabego nai tubo tiwai ela bilidubadi, te kibu be a naga olama, me nogo badu si yaibao. Te nage te tiwai bididubadi, ‘Te Ugwadu Mu Bidibo Godigo te tigidali we bidi tonalubo da,’ te tiwai homu konebo sogo usu naibao. ‘Te God aga homugo digi, agai te bidi dabe te king pedalumainu ebo dao,’ nago te homu yaibao.” King bidigo te po wabo odali.

Daniel 4:25

Nago te we bidi dabe bidibo pesage tagalama, tama nage pelama, te uni hasa dabe dali bidigi paibao. Nage te kibu bulmakau dabego nosai dabe tubo tiwai eyu, tama nage bulude piaibao, tama te hulide tulubage segeni tulubo te nageba idubadi, te kibu be 7, teba usu nigi paibao. Nage te tiwai bididubadi, te nago te tiwai te Ugwadu Mu Bidibo Godigo te tigidali we bidi tonalubo homu konebo teba usu nigi pabo teba usu naibao. Te aga homugo digi, agai te bidi dabe te king pedalumainu ebo dao.

Daniel 4:3

“Godigo te tobage genuai sę ebo mu dabolo ola mawaibao. Tama aga digi te boma pai mu elalubao. Aga te king sesemane bidada pidu, bidibo dao. Agai te tigidali nai tonalubo sę te sesemane sogo elalua pidu, mu elalua paibao.”

Jeremaia 28:14

Ena te Israel God, ena Tigidali Bomo Elalubo Genuai Bidi, eno te tiwai po obao. Ena digi eno augwaligo aingo nigai domabo nai selama, eno te we bidi dabeba, me te tǫ kantri dabeba, muna muna paibao, te augwali Babilon king Nebukatnesargo olo sę ebo bidi bidalueibao. Tama eno te bulu uni hasa sibi tigidali me agaba mani, te augwali me aga dologode bidaibao,” Genuai Bidigo te po wai.’ Nago te po Hananiabolo pusigi pao,” Genuai Bidigo Jeremaiabolo wali.

Aisaia 10:8

Agai dwai homu tali eyu, te po wali, ‘Eno bulu hauwa me elaluama, tama augwaligo genuai hanu dabe eno polo sai dao,’ po wali. ‘Tama me, te tuni bidi dabe eno augwali aiyaba elaluali, te bidi dabe augwali eno ami bidi tomode ofisa bidi bidimainu, eno augwali te sę mani. Te eno te hanu dabe aiyaba elaluali hanu dabe te Karkemis, me hanu Kalno, me Arpat, me Hamat, me Damaskus, me Samaria, tama dao.

Bugagia Bidibo Kolesagade Po Asęai Buku 8:15

Eno te king dabe me, te tobolu bidigo me te bulu tǫ pedai kantri bugagia tonalumainu tau siyu, tama te wiegi yai bomai po me munama, te bulu tǫ pedai kantrigo te doloba pai kolesaga wali pomainu tau sabo dao.

Tuni Bidi Dabego Po Elalubo Buku Si 36:23

King Sairusgo te po e dao, “Genuai Bidi God da, te tigidali dagalude elalubo nai tonalubo God dao. Tama agai ena Sairus te tigidali tǫ tonalubo bos bidi nigilai dao. Megi agai enabolo agai be me deli Jerusalemde sę yao po wali, te Juda bulu distrikde. Genuai Bidi dage Israel dabego God aga tigidali aga we bidi dage dali tigidali sogo bidaibao. Tama megi da, dage duga buluba ma piagameo, te Jerusalemba,” te Persia dabego king Sairusgo te po asęna tolali.

Te Israel me Juda Hani Sigo Tuni Bidigo Po Elalubo Buku Deli 4:24

Solomongo te tigidali tǫ pedai te Israel tǫ pąde elalubo bulu me, te pali te wę Yufretis te giliga pedalubo pedai, te badu te usu nigi pai. Te dąį te hanu Tipsade gagalasa peyu, te wę Yufretisba dąį igi pelama, tama pali, te Gasa hanu te giliga dega sigilubo teba usu nigi pali. Te badu te tigidali tǫ pedaide bidali te tigidali king te aga dologode bidali, tama te agai bulu tǫ pedai pąde elaluali, te gasa bulu tǫ pedai bidi dabe, augwaligo te agaba boi bidi me ebeo.

Kraisgo Geme Dualali Sę Pedelabo Po Jonbolo Ola Mani 19:16

Te aga nogi asęani aga ugwade me te sągą telede me elaluai. Te nogi asęani e tama tiwai, tigidali tuni bidigo Tuni Bidi, te tigidali genuai bidi kingo Genuai Bidi King dao.

Te Israel me Juda Hani Sigo Tuni Bidigo Po Elalubo Buku Si 25:28

Tama te bidi Evil Merodak agai te king Jehoiakin dali te dwagi yai kolesaga eyu, tama agai agabolo te genuai nogi mayu, tama aga namba mayu yali, tama te tialigo te gasa king bidi dabe te king Jehoiakin aga dali te Babilon bulude kalabus bidali augwaligo namba me aiyaba elaluali.

Jeremaia 34:1

Genuai Bidigo po Jeremaiabolo mani, te Babilon king Nebukatnesar aga ami dabe daligo te Jerusalemba me Judago taun dabe hwįagasali. Nebukatnesargo amigo te tigidali tǫ kantri bidi dabe dali, te tigidali we bidi dabe dali, te king Nebukatnesargo tonaluai. Tialima, Genuai Bidigo Jeremaiabolo te tiwai po wali,

Daniel 1:2

Godigo te Nebukatnesargo te Jehoiakim me te Juda we bidi hauwa somainu elama, tama te Godigo bede muani wiegi yai nai, te kap, me plet pou dabe meba salio. Tama agai te aga tibo godigo beba digibulu sela pali, te be te tǫ pedai Sinarde elaluali, te Babilon hanude digi dao.

Daniel 2:44

“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.

Daniel 4:22

King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.

Daniel 7:14

Te Polobadu Polobadu Mu Bidali Bidigo digi aga te king pedalumainu elama, tama agaba te bomo me genuai nogi mawai. Tama aga te sesemane sogo bidada pabo te bomo elalua pabo king bidiyu, tama aga king sę ebo te munu me sia sogobeo. Tama te tigidali bulu tǫ kantri we bidi me, tigidali hani bidi me, tigidali haniani po wabo hani bulu bidi, te aga dologode naga bidaibao.

Daniel 2:31

“King, te nago nade te moni dobo dwai bidi me deli piksa noma suyu, bididuali. Tama te nai te bomo elama, te ula mu yai. Nago sulama, te nage wi dwai mu yai.

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.