Daniel 2:31 - Godigo dwagi yai po buku

³¹ “King, te nago nade te moni dobo dwai bidi me deli piksa noma suyu, bididuali. Tama te nai te bomo elama, te ula mu yai. Nago sulama, te nage wi dwai mu yai.

Daniel 2:31 Referans Kwoze

Habakuk 1:7

Augwaligo tigidali bidi hani augwalide wi dwai mu emainu ilibo dao. Tama te dwai bidi dabego bomai po deli me wali pabo menio. Augwaligo augwa homu kolesaga wali naga pabo dao, tama augwa nogi naga ugaba sabo dao,” wali.

Esekiel 28:7

Tama tibaso, eno te homu dene isąbo boi bidi dabe dwai mu teba tagala palama, tama nage dali boi hwįmainogo yaibao. Tama augwaligo nago naga homu kolesagago sali wiegi wiegi yai nai dabe tigidali dolagasaibao. Awe, nago gawebo nai dabe sese augwaligo dolaibao.

Aisaia 13:11

Genuai Bidigo te po wali, “E tǫ te we bidigo dwai sęgęgo pągąna pali. Tama tibaso, eno augwali dene mawaibao, te augwaligo dwai sę yali wei ponoyu yaibao. Te bidi dabe augwa digi augwa nogi ugwaba sabo bidi dabego nogieno aiyaba elaluaibao. Me, homu dene isiąyu, te augwaligo gasa bidi dabe aiyaba elalubo bidi dabe me.

Dwagi Yai Gesi Po Lukgo Asęani 4:5

Nosali Satango Jisas odasa holama, polo tama tigidali we bidi tǫde bidibo ola mani.

Matyu 4:8

Te Satango Jisas ma selama, tama te bulu du me ugwanu yai me deli teba sela holai. Tama Satango agabolo te tǫde genuai ula yai bomo me, te tǫde tigidali elalubo wiegi yai nai dabe dali tigidali agabolo ola mani.

Daniel 3:1

Nebukatnesargo te po obaso, tama augwaligo te bidi piksa noma me deli te golgo nigai, te aga bobobage usu sali, te 27 mita teba usu nani, tama aga genuai usu nama usu sali, te 3 mita. Tama augwaligo te piksa te dolo tǫ pesage augwaligo te nogi Dura nogi yai, te Babilon Provins tǫ pedaide dodolai dao.

Daniel 4:36

“Eno te po wali sogo da, teda polo tama te eno homu wiegi yai ma pedelama, tama eno te ena genuai nogi ma sali, tama te polobadu eno te tonaluali bulu tǫ kantri tonaluabo bomo ma sai. Te enaba wiegi yai homu kolesaga mabo bidi dabe, me te ena genuai bidi dabe, augwali te ena dali ma bidagasalio. Tama ena te king ma bidiyu, tama ena nogi genuai mu elaluali, te eno polobadu elaluali te genuai nogi aiyaba elaluai dao.

Daniel 2:36

“King, te tama na nago suali. Tialima, megi da, eno nageba te na yali po page pusaibao.

Daniel 2:37

King, nage te polasa mu polalubao, tama nago te tigidali gasa king aiyaba elaluai. Te dagalude bidibo Godigo agai nage sa munama, tama agai nageba te genuai bomo, me genuai nogi mawai dao.