Daniel 2:28 - Godigo dwagi yai po buku

²⁸ Tiali goli, te dagalude bidibo God deli elalubao, tama agai te geme dualalubo nai page hania hanilaibao. King, Godigo nageba te nosali pedelabo nai dabede te na nagebolo ola manio. Megi da, te eno nageba te nago na yali po waibao.

Daniel 2:28 Referans Kwoze

Tigidali Nai Gagalama Nigali Side 40:8

Augwali sigo te po wai, “Da sigo te na yai. Tama ede te bidibo bidi mego te na yali po page da sibolo pusabo te meni yani,” wali. Tama Josepgo augwalibolo te po wai, “Godigo naga te na yali page dabolo ola mabo usu dao. Tialima, dage sigo te na yali po enabolo waiąo,” wali.

Amos 4:13

Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Daniel 10:14

Ena nageba te po wagasiyu asali, te nago we bidiba te tigidali nai sibi sia sabo sogo te pąde te sę pedelaiba po wagasalio. Nago suali, meba nai te sogo pedelali, tiali goli megi eno nageba te gasa sę nosali pedelabo po ola magasali,” agai te po wai.

Daniel 2:22

Te nai hauwa geme dualalubo te bidi dabego konesiąwai. Tiali goli, God, nago te nai dabe te bidi mebabolo ola mabo dao. Te nanobo ula te nagede elalubao, tama nago te be hulia side elalubo nai te konea pai dao.

Tigidali Nai Gagalama Nigali Side 49:1

Te Jekopgo aga ogomani tigidali i olama, tama aga pibo sai bet sesegede duagulama, tama agai augwalibolo te po wali, “Dage hodobo sisinagaselama, tama eno dagebolo nosali pedelabo nai po waibao.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Tigidali Nai Gagalama Nigali Side 41:16

Tiali goli, Josepgo te po wai, “Ena digi eno usugobe, tiali goli Godigo da nage dali dwagi yai sę eyu, agai nagebolo te na yali po page ola mabo usu yaibao,” wai.

2 Pita 3:3

Hasia dagego tebolo koneiąo: tama te tǫ de dagalu si me te tigidali nai silibo sogo, te posobo po wabo bidi dabe augwali pedalama, tama augwa bomonama naga te homugo ebo dwai kolesaga naga wali paibao. Tama augwaligo posobo po e tiwai po weyu, “Aga ma asabo po wali dawe?

Matyu 6:9

Tama dagego gedu haluasa po e tama wao, ‘Dago Aya, nage dagalude bidibo bidi, dago homugo nago nogi wiegi yai tedali mu bideibao.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Daniel 4:5

Tiali goli, me sogo deli sogo hulide eno na elama, tama ena wi dwai mu yalio. Ena te eno bet saide pila mubadi, tama te eno homude suali nai dabe augwaligo ena wi dwai mu ilalio.

Daniel 2:18

Tama agai augwaliba te tiwai po wai, “Dago te dagalude bidibo Godiba gedu haluasa po wainao, te Godigo olo tau mabo wiegi yai kolesagago te dabolo te geme dualali nai page ola momainu elama, tama da te gasa po page koneani bidi te Babilon bulu bidi dabe dali isidali weyu, te dago tama tinao,” wai.

Godigo Nogi Ugwaba Sabo Tęąbi Po Wabo Buku Dabe 115:3

Dago God te dagalude bidibao. Te agai magi sę me deli yabo homu ebaso da, teda agai te sę eyu naga ebo dao.

Hibru 1:1

Te polobadu mu hauwa sogo me, te haniani kolesaga hauwago me, te Godigo agai po pusali bidi profet dabego pedauwalidu agai po meba te dago wąį dabebolo mena mena pai dao.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Esekiel 38:16

Te eno dage ena we bidi te Israel we bidi dabe dali hwįgi pomainu tagala palaibao. Tama augwaligo dagego te tǫ te pǫgo mesega sabo tiwai ebo augwaligo sueibao. King Gok, nosali sogode nago te sę dabe emainogo eno nage hodolaibao, te gasa hani dabego sulama, konemainogo, te ena tedali gasagi yai bidiyu, tama eno kolesaga te wiegi yai mu elama, tama doloba pai mu dao olama konemainu. Tama augwaligo ena bugagia mu koneaibao.

Jeremaia 30:24

Genuai Bidigo haliga sębę me elaludu, te agai yaiba homu yali sę tigidali ela siligi paboba usu naibao. Te nosali dagego te sę page koneaibao wai dao.

Bomai Po 31:19

Tama eno nagebolo balia me deli mawaibao, tama dagego asęao. Tama nago te Israel dabebolo te balia ola mao. Tama tialima, te balia pogo augwali nosali po tų ela mawaibao.

Bomai Po 4:30

Tiali goli, dage genuai sęgę tomode bidibo sogo da, me te dwai nai dabe dageba pedalobo sogo me, teda dage homu begelama, ma geasa asama, Genuai Bidigo po wali paibao.

Polgo Si Wali Pas Timotiba Asęani - 2TI 3:1

Timoti, nago te tiwai tama koneao: te tǫ de dagalu si silibo sogo te pąba yagasobo si te dwai sę ebo bidi dabe augwaligo dwai sę hauwa ebaso, te Godigo po odobo we bidiba te dwai sęgo kekainu sinabo sogo pedelaibao.

Esekiel 38:8

Nago kibu be hauwa tonaluyu bolo yao. Te Israel hani eno augwali polobadu te haniani gasa tǫ kantri dabeba sela sąwai dao. Tama augwali tede kalabus te kibu be hauwa bididubadi, te augwa page bulu tǫ te dwai dolai elaluai dao. Tiali toli, eno augwali ma odasa aselama, tama augwali Israel bulude elalubo bulu du dabede bugagia te bidibao. Te we bidi augwaligo te augwa kantride nai dabe tigidali bugagia dodolama, tama augwali bugagia dulalubao. Tama te nosali kibu be hauwa silama, tama eno nage te kantriba hwįgi pomainu tagala palaibao.

Jeremaia 48:47

“Tialima, te nosali sogode eno te Moap wiegi yai ma pedalumainu yaibao. Ena Genuai Bidi, eno te po walio.” Genuai Bidigo te Moap bage dagalabo po tigidali wali, te silali dao.

Israel Hanigo Namba 24:14

Tama Balamgo Balak dali po genina ma weyu, te po wali, “Megi ena ena we bidiba ma paibao. Tiali goli, eno nagebolo te Israel dabego nago we bidi dali nosali yabo sę po nagebolo pusaibao.”

Kraisgo Geme Dualali Sę Pedelabo Po Jonbolo Ola Mani 1:1

Te eno megi asęna tolobo po, polobadu te po geme dulaluai, tama Godigo te po Jisas Kraisbolo waselama ola mani. Te Kraisgo aga sę ebo bidi dabebolo te nosali gana pedalobo sę hania hanilainogo tama Godigo agabolo te sę ola mani. Tama agai aga ensel mobo bidi me deli te Jon enabolo tagala palama, tama ena agai sę bidi, tama te tagala palali ensel mobo bidigo te waselali po enabolo ola magasai.

Tigidali Nai Gagalama Nigali Side 41:25

Tialima, Josepgo Ferobolo te po wali, “Te na si page te deli tiwai tobage naga yali. Godigo nagebolo te agai tamadi yabo sę ola mani.

Jeremaia 10:7

Nage te tigidali hani we bidigo king bidibao, tiyu tigidaligo nagede wi elama, te nage dologode bidibaso usu yaibao. Te nago koneani wiegi yai homu kolesagago te king dabego koneani homu kolesaga, me te po page konea pai bidi dabego homu kolesaga, me te tigidali hani we bidigo kolesaga me, te aiyaba mu elaluai dao.

Esekiel 28:3

Awe, nago homugo nago wiegi yai homugo Danelgo wiegi yai homu kolesaga edelai da homu te ebao. Tama nago homugo tigidali geme dualali po dabe nago koneaiba homu te ebao.

Daniel 1:20

Kingo augwaliba te tobage hauwa naide po hanalu obadi, te agai te tiwai suali, te augwaligo koneani kolesagago te tigidali aga tonalubo tǫ pedaide bidali kolesaga koneani bidi dabe aiyaba mu elaluai suali. Te kolesaga koneani bidi dabego kolesaga dali, te Juda me si me si bidigo koneani kolesaga dali usu mu isiąbo ąǫ isąwai dao.

Daniel 2:44

“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.

Daniel 2:45

Nago suali, te masigi olodali aluasa dulu te tulaluama, tama te piksa augwaligo te ain, me bras, me tǫ, silva, gol, te tama naigo nigali piksa elibo suai. Te masigi te Godigo bomo tiwai nigali. Te Godigo genuai nogi elalubao, agai nageba te nosali pedelabo nai dabede sę ola mawai. Te nade nago te suali nai dabede te sę te eno nagebolo wali po gilama te tiwai sę dolo mu pedelaibao,” Danielgo te po wai.