Daniel 2:21 - Godigo dwagi yai po buku

²¹ Nago te giliga side, me tulubage side te tonalubao, tama nago digi te bidi dabe king pedalumainu elama, tama nago te king dabe augwa sęde sela sąyu ebo dao. Tama nago te wiegi yai konebo homu kolesaga te we bidi dabeba mabo dao.

Daniel 2:21 Referans Kwoze

Daniel 4:17

“Te nai dabe tonalubo mobo bidi ensel dabe, augwaligo te nai dabe pedalumainao po obaso, te tigidali bidigo konemainu yali, te Ugwadu Bidibo God Mugo te tigidali we bidi tonalubo dao. Te agai homugo digi te bidi dabe king pedalumainu sa mubo da, te genuai nogi elalubo bidi me, te olo bidi tama me, te tagalao, te agai digi sa mubo dao.” Te ensel mobo bidigo te po wai,’ eno te po Danielba wali.

Daniel 7:25

Tama agai te Ugwadu Mu Bidibo Godiba po dwai mu olama, tama aga we bidi dabe aiyaba elalueibao. Tama agai te lotu pode bomai po hasegeliyu, te genuai side wabo te hasegelaibao. Tama agai te Godigo we bidi tonaludubadi, te kibu be sela olama, te kibu be me badu pedaiba usu nigi paibao,” wai.

Daniel 4:32

Tama te augwaligo nage sela sąnama, tama nage te we bidi dabe dali munu ma bidigobeo. Te nage bulu uni hasa dabe dali naga bidaibao. Nago te kibu bulmakau dabego nai tubo tiwai ela bilidubadi, te kibu be a naga olama, me nogo badu si yaibao. Te nage te tiwai bididubadi, ‘Te Ugwadu Mu Bidibo Godigo te tigidali we bidi tonalubo da,’ te tiwai homu konebo sogo usu naibao. ‘Te God aga homugo digi, agai te bidi dabe te king pedalumainu ebo dao,’ nago te homu yaibao.” King bidigo te po wabo odali.

Jopgo Po Asęani Elalubo Buku 12:18

Tama agai te tuni bidi king dabe augwa sęde sela sąbo dao, tama tuni bidigo ugwa ma gudubo menio. Augwali olo name ugwa gudubo dao, te olo sę bidi dabego gudubo gilama.

Te Israel me Juda Hani Sigo Tuni Bidigo Po Elalubo Buku Deli 4:29

Godigo te wiegi yai homu me konebo homu kolesaga te Solomonba mawai. Agai koneani kolesaga te umabo mu, te nabis wę sanede te masigi kemi tiwai elalu, tama te bidigo nedainu ebo te usu me egobeo.

Jems 1:5

Tialima, dage tomode te bidi me deli aga te sę yabo kolesaga habuge ebaso da, te agai God hanalu wao, dwagi yai kolesaga momainogo hanalu wao. Tama Godigo agabolo mawaibao. Wado po wagobeo, God agai tigidali bidibolo augwaligo hanalu wali nai mabo dao. Agai dwagi yai homu eyu augwalibolo nai olo mabo dao.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Te Israel me Juda Hani Sigo Tuni Bidigo Po Elalubo Buku Deli 3:28

Nosali te king Solomongo te we sigo po dodolali kolesagade po te tigidali Israel we bidigo te po odolama, tama agai te koneani wiegi yai kolesagade te augwali dwai noma mu sai. Tama augwaligo agaba te genuai nogi mawai, magi baso meni, augwa koneani, te Godigo digi te wiegi yai koneani homu kolesaga te kingba menama, tama te kingo te we bidi dabego po tų bugagia dodolumainogo te homu kolesaga mani da, te homu yai.

Ma Dobola Sali 31:3

tama agabolo eno homu kolesaga te bomo mawai. Tama eno agabolo te wiegi wiegi yai nai gol, me silva, me bras nigabo wiegi yai homu kolesaga mawai dao.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Daniel 2:9

Te dagego enabolo te eno nade suali naide po wasiąbaso da, dage tigidali te deli dolobo sę tobagego naga te dage dolaibao. Dage tigidaligo deli homu elama, te eno homu hasegelibo usu egowe weyu, te dagego ena tibo po ola mobao. Tialima, te eno nade suali nai po te enabolo waiąo. Dagego tama tibaso da, teda eno koneaibao, te dagego te na yali po page dali pusubo usu yaibao,” te po wai.

Tuni Bidi Dabego Po Elalubo Buku Deli 22:12

Te eno homugo Genuai Bidigo te wiegi yai homu konebo homu kolesaga nagebolo menama, tama nago te dago Genuai Bidi te Godigo bomai po tigidali wali paibao, te agai nage te Israel king pedalumainu ilibo sogo te tama tiaibao.

Te Israel me Juda Hani Sigo Tuni Bidigo Po Elalubo Buku Deli 10:24

Te tigidali bulu bidi dabe aselama, Solomon suagasu yali, te Godigo agabolo mani te koneani wiegi yai homu kolesaga te po odainu yai.

Kraisgo Geme Dualali Sę Pedelabo Po Jonbolo Ola Mani 19:16

Te aga nogi asęani aga ugwade me te sągą telede me elaluai. Te nogi asęani e tama tiwai, tigidali tuni bidigo Tuni Bidi, te tigidali genuai bidi kingo Genuai Bidi King dao.

Daniel 11:6

Te kibu be mebade nosali te Isip kingo te agai wegi te bulu tǫ kantri not badu bidibo kingo somainu mawaibao, te kantri te Siria dao. Te tama tiali, te bulu tǫ kantri si te bugagia bidainu yaibao. Tiali goli, te wego bomo te sesabi sogo elama bidibeo, tama aga bidigo bomo me te silaibao. Te augwaligo te we ela muyu, te aga dali pali hani me eleyu, tama aga aya me, aga bidi me elaibao.

Tuni Bidi Dabego Po Elalubo Buku Deli 29:30

Te buku dabede te Devitgo bomai sę yali po asęani elaluali, te aga king bidali sogo te tǫ kantri tonalubo kolesaga yali po asęani buku elaluali. Te agaba gasa sę dabe pedelali po me augwaligo pusali, te Israel we bidi augwaliba me te Israel bagualuali tǫ kantri dabeba me te sę pedelali po elaluai dao.

Ma Dobola Sali 31:6

Tama me te Oholiap te eno sa muani, te Ahisamakgo ogwa, tama te Dango hani, tama aga te Besalel dali te sę emainogo yaibao. Tama eno genuai wiegi yai homu kolesaga te gasa bidi dabe mebabolo menama, tama augwaligo eno te po weyu nigao wali nai nigimainogo te usu yaibao.

Esta 1:13

Tama agai te po page koneai bidi dabe i olama asobo si, te po augwaligo agabolo pusubode te agai magi sę te tuni we dali yagasomainu yali. Te tuni bidigo te tiwai kolesaga elalubo te po page koneai bidi dabe aselama, te agai te bomai po me te we bidi augwali bidibo homu kolesaga dodolobo sę elaluai.

Polgo Po Pas Rom Dabeba Asęani 13:1

Da Godigo po wali bilibo we bidi da tigidali te gavman bidi dabe augwali dologode bidao. Magi baso meni. Te tǫde elalubo gavman sę yabo bomo, te bomo tigidali te God aga digi agai dodolai dao. Te gavman me deli te olo me pedalubeo. Menio. Tigidali gavman bidibo, te Godigo digi augwali munama tama augwali bidibao.

Daniel 1:17

Tama Godigo wiegi yai konebo homu kolesaga te Danielba me, te aga abagi sela daliba menama, tama augwaligo koneani kolesaga te genuai mu elalu, te bukude elalubo po dabe me te mu konea pelama elaluai, tama augwaligo gasa nai dabe konebo kolesaga hauwa mu elaluali. Tama me, te Godigo Danielba te na ebo page dabe pusa mabo konebo kolesaga wiegi yai mani.

Daniel 2:20

tama te tiwai po wai, “God, eno nago nogi sesemane sogo ugwaba saibao. Tigidali bomo me koneani kolesaga te nagede naga elalubao.

Daniel 2:23

Te eno wąį nǫų dabego God, eno nageba gedu haluasa po weyu, usu da olama, te nage nogi ugwaba sobao. Magi baso meni, nago enabolo te konebo kolesaga me te bomo enaba mawai, tama nago eno gedu haluasa po wabo odolama, tama enabolo te dago nageba hanalu wali nai ola mawai. Tama nago dabolo te dago te kingba aga nade pusabo po meba mawai dao,” Danielgo te gedu haluasa po wai.

Daniel 10:1

Te sela wabo kibu bede te Sairus te Persia king bidali side, Godigo po me deli te Danielba mawai, agai gasa nogi te Beltesasar dao. Tama te genuai dwai sogo mu pedelaibao wali, te mu po dao. Te po te na ebo tiwai agaba pedelali, tama agai te na suali sogo, agai te po page koneai.

Daniel 4:14

Agai i bomonama weyu, te tiwai po wali, “Te ni degemainu, te gelao,” wali. “Tama te aga nologo dabe togwao, tama te yabe dabe selama, subigila tedela palao,” wai. “Te ni dologode bidibo kibu hasa sibi dabe sela sąyu, te ni nologode dugulalubo ba sibi dabe te sela sąyao.

Daniel 4:22

King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.