Daniel 2:2 - Godigo dwagi yai po buku

² Tama tibaso, agai po te gedugo tonama konebo bidi dabeba me, te pobi wabo bidi dabeba me, te dagalu hǫ dabe suyu nosali pedelabo sę konebo kolesaga koneai elalubo bidi dabe, te augwaliba po ola tolali. Augwali aselama, te agai na yali po page pusagasomainu yalio. Te augwali aselama, kingo geduba dolagasobo sogo,

Daniel 2:2 Referans Kwoze

Daniel 1:20

Kingo augwaliba te tobage hauwa naide po hanalu obadi, te agai te tiwai suali, te augwaligo koneani kolesagago te tigidali aga tonalubo tǫ pedaide bidali kolesaga koneani bidi dabe aiyaba mu elaluai suali. Te kolesaga koneani bidi dabego kolesaga dali, te Juda me si me si bidigo koneani kolesaga dali usu mu isiąbo ąǫ isąwai dao.

Daniel 4:6

Tama tibaso, eno te tigidali Babilonde te po page koneai bidi dabe asiąo olama, enabolo te na yali page pusagasiąo po wali.

Ma Dobola Sali 7:11

Tuni bidigo te tebo sulama, tama agai te tigidali po page koneai bidi dabe, me te haniani pobi wabo bidi dabe i olama, augwaligo me te pobi po olama, tama Arongo ebo kolesaga tiwai augwaligo me yai.

Tigidali Nai Gagalama Nigali Side 41:8

Tama kigamu aga moni homu elama, tama agai te Isip dabe te kolesaga konea pai bidi dabe, me te geme dualali nai dabe subo bidi dabe me, augwali i wali. Agai te na si yali po te augwalibolo wali, tiali goli te na yali page pusabo bidi me deli te usu meni yai.

Daniel 5:7

Agai te bidi dabe augwaliba te i bomo elama weyu, augwaligo te sę ebo page konea pelama, te osabo bidi dabe, me te po page kolesaga koneai bidi dabe te sę pedalubaso, te augwali i wali, te augwali asomainu yai. Augwali asobo si da, teda kingo augwaliba te tama po wali, “Te bidi me deligo te po nedelama, tama enaba te po page pusubaso da, teda eno agaba te kingo mubo mama yai name ugwa muaibao. Tama eno te sen gol aga mageba domonama, tama aga genuai nogi elaluaibao,” wali. “Tama aga te eno gavmande te sela wali ofisa bidi pedelaibao,” wai.

Daniel 2:10

Te bidi dabego te kingo po wabo odolama, tama augwaligo te tiwai po wei ponani, “King, te nago dabolo te yao po wabo sę hanalubo po wali, te tǫde bidi me deligo nagebolo te po nageba obaso, te usu egobeo. King, te bidi osola subo bidi, me te gasa kolesaga koneai bidi dabeba me, te genuai bomai king bidigo te tobage hanalubo po polobadu munu me hanalu wai menio.

Aisaia 19:3

Te eno te Isip we bidigo homu kolesaga paninama, tama augwaligo bomo sia sanama, tama augwaligo yainu yali sę dabe augwaligo egobeo. Te augwaligo augwa tibo god dabebolo augwali tau somainu hanaluyu yaibao. Tama augwaligo te isai bidi dabego noma dali po wabo bidi dabe dali po wagi paibao. Tama augwaligo homu kolesaga hanaluyu, mena sę augwaligo yagawe waibao.

Aisaia 8:19

Te we bidi dabego dagebolo te isai bidi dabego noma dali po wabo we bidiba pao po waibao, tama augwaligo homu kolesaga sigi pao po waibao. Te isai bidi dabego noma dali po wabo bagego augwaligo pedauwalidu pomu po weyu, keledude haniani dwasianu po waibao. Tiali goli, te isai we bidi dabego te bidibo we bidi dabe homu kolesaga mabo usu egobeo. Te tama tiali goli, magi baso mu augwali te isai we bidiba udalama, tama augwalide te kolesaga sabo dawe? Augwali augwa Godiba pomainao.

Esta 1:13

Tama agai te po page koneai bidi dabe i olama asobo si, te po augwaligo agabolo pusubode te agai magi sę te tuni we dali yagasomainu yali. Te tuni bidigo te tiwai kolesaga elalubo te po page koneai bidi dabe aselama, te agai te bomai po me te we bidi augwali bidibo homu kolesaga dodolobo sę elaluai.

Daniel 1:4

Agai te gesi ogwa bidi dabe te wiegi yai gesabidi, me tigi wiegi yai yai naga sao po wali. Tama te tigi me badu dolali te me sigio, tama te wiegi yai kolesaga hauwa koneama, tama te wiegi yai skul olama, te kolesaga polo konea pabo bidi dabe naga sao, wali. Tama tiyu, augwaligo te kingo bede sę ebaso, usu yaibao. Tama Aspenasgo digi te augwaliba te nedebo me asębo sę te Babilon pode ola mayu, tama te Babilon bagego polobadu asęani wiegi yai kolesaga tigidali me ola momainogo yai dao.

Daniel 2:27

Tialima, Danielgo kingba te tama po wai, “King o, te kolesaga page koneai bidi me deligo te geme dualali nai page po pusainu ebaso, usu me egobeo, te gedugo tonama konebo bidi dabe me, te pobi wabo bidi dabe me, augwali usu me egobeo.

Daniel 3:8

Kingo te tama po wai, tigidali bidigo te piksaba lotu waiyąo po wali, tialima te Babilon bidi meba te kingba aselama, tama te Juda bidi sela po tų ilagasai.

1 Samuel 6:2

tama te Filistia we bidi dabego augwa pris dabe, me te po page konebo Filistia bidi dabe i olama, asobode te augwalibolo te tiwai po hanalu wali, “Te Genuai Bidigo halobage te dago magi yaibawe? Tama dago aga buluba ma tolobode, te dago magi nai dali tolaibawe?”

Daniel 4:3

“Godigo te tobage genuai sę ebo mu dabolo ola mawaibao. Tama aga digi te boma pai mu elalubao. Aga te king sesemane bidada pidu, bidibo dao. Agai te tigidali nai tonalubo sę te sesemane sogo elalua pidu, mu elalua paibao.”