Daniel 2:17 - Godigo dwagi yai po buku

¹⁷ Kingo te pode usu da po obaso, tama Daniel aga beba ma begasa pelama, tama aga abagi selabolo te po walali, te Hanania, me Misael, me Asaria, te tama sę pedelali po wali.

Daniel 2:17 Referans Kwoze

Daniel 3:12

Tiali goli, te Juda bidi sela, Satrak, me Mesak, me Abetnego, nago augwali sa munama, te Babilon tonalumainu yali bage, augwaligo te nago po sela sąwai. Augwaligo te nago god dabeba lotu me wasiąwai, tama me nago te dodolali piksaba kidu sugunama, lotu me wabeo,” wali.

Daniel 1:11

Aspenasgo te Daniel, me Hanania, me Misael, me Asaria, te me si me si bage tonaluabo bidi me deli nigilali. Tama Danielgo te tonalubo bidiba te tiwai po wagi pali,

Daniel 2:16

Tama Daniel te kingba polo pelama, tama agabolo hanalugi pelama, agai te po page koneani bidi dabe te polo asesa ela mugio olama, tama agai te na yali po page pusaibao po wai dao.

Daniel 3:29

Te niwai god me deligo te aga we bidi tau siyu, te Satrak, me Mesak, me Abetnego, te augwa Godigo yali tiwai me egobeo. Tama megi eno te po wainu ebao. Te bidi dabego te Godiba posobo po wabo te habu mu dao. Te mena bulu kantri tǫ bidi dabego, me te mena hani bidi, ma te mena tobage po wabo bidi hani, augwaligo te tama tiwai po obaso da, teda eno te augwali tigi tologolama, miminama, te augwali isaibao. Tama eno te augwaligo be me te pobele bage tiwai pedalumainu ilaibao,” wali.