Daniel 11:37 - Godigo dwagi yai po buku

³⁷ Te kingo te aga wąį nǫų dabego tibo god te wei elama, godolo me eyu egobeo, tama te tibo god te we dabego wei elama godolo ebo god dabe me, te godolo meni yaibao. Tama agai te tigidali god tudiba muaibao, magi baso meni, aga homugo te aga polalu, te augwali aiyaba elaluali homu yaibao.

Daniel 11:37 Referans Kwoze

2 Tesalonaika 2:4

Tama te bidi mu dwai bidi mu dao. Tǫde we bidi augwaligo haniani naibolo lotu po wabo dao. Tama te bidi agai te nai tigidali dali boi bidi elama, tama te bidi aga God tiwai mu yaibao. Tama te bidi aga digi aga nogi ugwaba mu siyu, te tigidali lotu po wabo nai aiyaba elalu dolama, tama te bidi aga Godigo Moni Lotu Be tempel tomode bidiyu, tama agai po weyu te po waibao, “Ena digi ena God dao,” te bomo yai po sela sąbo bidi agai te po waibao.

Aisaia 14:13

Nago te tama homu elaluai dao, ‘Eno te hǫ dabe ela pelama, tama ena dagaluba mu paibao,’ homu yai dao. ‘Tama eno tuni bidi sia te Godigo hǫ daide muaibao. Tama me ma, ena te god dabe sisinagasabo not badu bulu dude dualaluaibao.

2 Timoti 4:3

Tama tiyu, augwaligo e tiwai po ola mabo dao, “Dagego te we sabo sę elamuo, te sę habu selai sę dao,” te po augwaligo ola mabo dao. Tama me augwaligo haniani tubo nai me badu habu selebo dao. Tiali goli Godigo te nai dabe nigali te da bidigo konealubo po dąų weyu tama agai mu po koneani we bidi, dago te nai dabe selama tuyu, tama Godibolo gedu haluasa po weyu ‘Nage usu da’ omainogo yai.

Esekiel 24:16

“Tǫde bidio, eno koneani, nago naga we godolo homu mu yai, tiali goli te polo tama eno te we dagala selama, te nage olo bidaibao. Tiali goli, nago agade gela weyu, te hobede ebo balia me olamu dao,” wali.

Solomon 7:10

Ena te ena abagi wali bidigo we da, te agai ena godolo mu ebo dao.

Bomai Po 21:11

te bidi me deli dage hani tomode agai te sawi yai we me deli te kalabus yali bidi hani tomode bidibo suaibao, tama agai te we sabo homu yaibao.

Bomai Po 5:21

“‘Dagego gasa bidigo we pesą igio. Tama dagego agai be pesą daliyu, me tǫ pesą daliyu, me agai sę ebo we bidi me pesą iyu, me kau kibu pesą iyu, me donki kibu me pesą me iyu elamuo, me te agai meba gasa nai dabe me pesą me iyu elamuo.’”

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

Tigidali Nai Gagalama Nigali Side 3:5

Dage sigo te nedu du tubaso da, teda dage sigo te mena dwagi yai kolesaga me, te mena dwai kolesaga me, te koneama, tama dage si te God tiwai pedelaibao. Godigo te koneama, tama tibaso agai dage si habu selali,” wali.

Daniel 8:11

Tama te komgo te dagalu ami king me aiyaba elalueinu usu sali. Agai te kingba ofa ebo kolesaga te silimainu elama, tama agai te we bidigo te kingba lotu wabo be dolalio.

Daniel 11:36

“Te kingo te mena sę dabe te aga homugo digi yaibao. Aga te hagoma eyu, te aga digi aga nogi ugwaba siyu, e tama po waibao, ‘Eno te tigidali god elalualio,’ te po waibao. Tama agai te tobage posobo po dabe te Ugwadu Bidibo Godigo nogi aiyaba elalu, tama waibao. Agai te tama tobage kolesaga ela pidubadi, te Godigo haliga sębę yaliba usu naibao, magi baso meni, Godigo agai te yaibao homu yali sę tigidali ebo dao.

Daniel 11:38

Te agai te genuai nogi te tibo god me deliba naga mayu, te bomai obo banis elalubo hanu tonalubo god da homu yaibao. Te kingo wąį nǫų dabego polobadu te godiba lotu me wasiąwai. Tiali goli, te kingo te silva, me gol, me te sawi yai masigi, tama te gasa wiegi yai nai dabe te godiba te ofa tiwai elama, mawaibao.

Aisaia 14:14

Te ena te pǫ dabeba ugwaba mu holama, tama ena God tiwai ogwade mu bidaibao,’ nago te homu yai dao.”

Esekiel 28:2

“Tǫde bidi, eno homugo nago Tair kingbolo ena God Genuai Bidigo eno po aga dali pusainogo ebo po pusigi pao. Eno po e dao. Tair king bidi, nago naga nogi ugwaba siyu, te po wali, nage god me deli dao, wali. Tama nago bulu te god dabego bulu yali gilama tamu ąį tomode elalubao. Mu tama, nago te po wali, tiali goli, nage god menio, nage olo bidi dao.