Daniel 11:36 - Godigo dwagi yai po buku

³⁶ “Te kingo te mena sę dabe te aga homugo digi yaibao. Aga te hagoma eyu, te aga digi aga nogi ugwaba siyu, e tama po waibao, ‘Eno te tigidali god elalualio,’ te po waibao. Tama agai te tobage posobo po dabe te Ugwadu Bidibo Godigo nogi aiyaba elalu, tama waibao. Agai te tama tobage kolesaga ela pidubadi, te Godigo haliga sębę yaliba usu naibao, magi baso meni, Godigo agai te yaibao homu yali sę tigidali ebo dao.

Daniel 11:36 Referans Kwoze

2 Tesalonaika 2:4

Tama te bidi mu dwai bidi mu dao. Tǫde we bidi augwaligo haniani naibolo lotu po wabo dao. Tama te bidi agai te nai tigidali dali boi bidi elama, tama te bidi aga God tiwai mu yaibao. Tama te bidi aga digi aga nogi ugwaba mu siyu, te tigidali lotu po wabo nai aiyaba elalu dolama, tama te bidi aga Godigo Moni Lotu Be tempel tomode bidiyu, tama agai po weyu te po waibao, “Ena digi ena God dao,” te bomo yai po sela sąbo bidi agai te po waibao.

Daniel 8:19

Tama agai te po wai, “Eno nagebolo te Godigo haliga sębę yali silainu ebo sogo te pedelabo sę dabede po wainu ebao,” wali, “te Godigo dagalu de tǫde muani nai dabe silainu ebo bodolu muani sogo pąde te tama tiaibao. Te tiali sę dabe nago te nade suali sę tiwai mu pedelaibao,” wali.

Bomai Po 10:17

Magi baso meni, God dago Genuai Bidigo te tigidali te tibo god dabe me te tigidali bomo elalubo te tigidali nai dabego bomo edelai mu elalubo. Aga te genuai bomai mu dao, tama tiyu tigidali nai dabe aga dologode naga elaluao. Agai te po tų ebode te abagi si ebo kolesaga wali peyu, me te we bidigo agaba magi nai mayu, aga homu bea sabo homu ebo kolesaga emainogo sula tagalobo menio, te haniani sę ebo kolesagade.

Daniel 11:16

Tama te Siria tǫ kingo te magi sę yainu, te aga homugo digi ebaso, te mena bidigo aga me paligobeo. Agai te Godigo aga we bidi dabeba te wiegi yai mani tǫ saibao, tama agai te nai dabe dolobo sę yaibao,” wali.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Aisaia 14:13

Nago te tama homu elaluai dao, ‘Eno te hǫ dabe ela pelama, tama ena dagaluba mu paibao,’ homu yai dao. ‘Tama eno tuni bidi sia te Godigo hǫ daide muaibao. Tama me ma, ena te god dabe sisinagasabo not badu bulu dude dualaluaibao.

Kraisgo Geme Dualali Sę Pedelabo Po Jonbolo Ola Mani 10:7

Menio. Tama nosali te nogo a naga olama me badu nogo si wali te ensel mobo bidi me deligo agai te ona tiwai nai elebadi, te sogo te Godigo homude polobadu dualali nosali yabo sę te hania pedalama, tama agai te sę yaibao. Polobadu agai aga sę ebo bidi augwalibolo te aga nosali yabo sę po pusali, tama augwaligo koneani, te sę hania pedalaibao,” te ensel mobo bidigo te po wai.

Aisaia 10:25

Megi da, eno dage Asiria dabego dage dolomainu sula tagalobao. Magi baso meni. Eno sębę dage dali me ebaso. Tama tamadi tama ena ma begelama, Asiria dabe dolaibao.

Godigo Nogi Ugwaba Sabo Tęąbi Po Wabo Buku Dabe 136:2

Dago Genuai Bidiba usu da waiyąo. Agai te tigidali tibo god aiyaba elaluai. Sesemane sesemane sogo agai da wei mu ebo dao.

Kraisgo Geme Dualali Sę Pedelabo Po Jonbolo Ola Mani 17:17

Magi baso meni. Godigo augwali homu kolesaga mawai, tama augwaligo te sę emainogo eyu te polobadu agai te po wai. Te augwaligo homu deli naga eyu, tama augwali tuni bidi bidainogo te bomo sai, augwaligo te bomo tigidali te dwai hudigi ebo hasabolo mawainogo yai. Te augwaligo tama tede pidubadi, te Godigo te penani wede wali poba te usu nainogo tiaibao.”

Kraisgo Geme Dualali Sę Pedelabo Po Jonbolo Ola Mani 17:3

Tama agai enabolo te po olama, tama agai eno noma bidi te bidi meni yai tǫba selasa pai. Te tǫde eno te we me deli aga te mama yai genuai dwai hudigi ebo hasa daide ugwadu dulalubo suai. Te mama yai dwai hudigi ebo hasa tigide te Godigo nogi posobo po hauwa asęna pągąnaluai. Tama aga tobolu a naga olama me badu nogo si elaluai, tama te gąų nogo si me te hasago elalubo eno suali.

Kraisgo Geme Dualali Sę Pedelabo Po Jonbolo Ola Mani 12:14

Tiali goli augwaligo te webolo te genuai ba kemodage bogo si mawai, tama te we aga te bidi meni yai buluba bola pabo usu yali, tama aga te genuai dwai hasamani wi ebaso, aga digibulu bidigi pabo usu dao. Tama augwaligo aga bugagia tonaluyu nai mayu yai, tama tede bidibadi kibu be sela olama, polua nogo a naga olama me badu nogo deli bidaibao.

Godigo Sęba Tagala Palai Bidigo Po 4:28

Polobadu nago bomogo me, nago homugo me, te po wai, ‘Augwaligo nosali te tigidali sę yaibao,’ wai. Tama tibaso, tamadi augwali sisinagaselama, te tigidali sę yali.

Dwagi Yai Gesi Po Jongo Asęani 6:38

Magi basowe? Eno dagalu tagalama, e tǫba dulali, te eno homu kolesaga wali painogo asobeo. Menio. Ena e tǫba dulali, te ena tagala palai bidigo homu ena wali pomainogo asai.

Dwagi Yai Gesi Po Jongo Asęani 5:30

Eno homugo digi eno te sę ebo usu egobeo. Eno Godigo wali po naga wali pelama, tama eno po tų ebo dao. Tama tibaso, eno po tų ebo sę te dolo mu ebo dao. Magi basowe? Eno sę ena homugo me ebo menio. Te ena tagala palali bidigo homu eno wali pabo dao,” Jisasgo te po wai.

Daniel 12:7

Tialima, te wiegi yai nami ugwa beali bidigo, agai te aga nogo si dali te dagaluba nogo tų elalu, tama agai te tama po wali, “Te Sesemane Sogo Bidibo Godigo nogide, eno mu po obao, te gasagi yai pedelali te tobage nai dabe te elalua pidu, te kibu be sela olama, me kibu be pedaiba usu naibao. Tama te Godigo we bidigo bomo te mu sia sigi pabo sogo, te augwali mu dolobaso da, teda te sę dabe me te sia saibao,” wali.

Daniel 11:3

Nosali te gasa bomai king me deli pedelama, te agai te bulu tǫ kantri hauwa, me te we bidi hauwa tonalueibao. Tama mena sę agai homugo yainu homu yali sę, te sę agai eyu naga yaibao,” wai.

Daniel 8:4

Eno suali, te omai sipsipgo tobolu gąų aiyaba basi gulama, tama udulama peyu, te agai gąų komgo hudula palu ela palio. Aga te giliga degasa dulubo badu pali, tama te not badu me, saut badu me palio. Te niwai hasa me deligo aga paliabo usu me isąwai, tama te me deli agade wi painu ebo usu meni yai. Aga te sę dabe te aga homugo digi eyu, tama te boma pai mu pedelali.

Daniel 7:8

Eno te gąų dabede homu kone paluyu ebadi, gedu dolo mu ponama, te nogo si gąųba tonalubadi, tama eno te dwasianu gąų me deli te augwali tomode pedalubo suali. Te gesi pedelali gąųgo te polasa elaluali gąų sela guda sąwai. Tama te gesi gąų te komgo te bidi gedu ge dali, pedauwali dali, si elaluai. Tama aga hagoma eyu, te aga digi aga nogi ugwaba sabo po wabo eno odalio.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Aisaia 46:10

Te magi deli me pedalisiąbadi, eno te tama sę pedelaibao po weyu, te mena tama siligi pabo po waibao. Polobadu digi eno te sę pedelabo po olama, tama nosali te nai dabe te eno po wali gilama pedelaibao. Te eno mena sę me deli yainogo da, teda te sę eno eyu naga yaibao. Te magi nai me deligo eno te sę yabo sunumi me paligobeo.

Aisaia 26:20

Eno we bidi dabe, dage duga be tomoba dabe pelama, duga be sunumi dabe palia siąo. Dage pęwądage sogo dualaluama, tama Genuai Bidigo sębę silibo side tagalao.

Bugagia Bidibo Kolesagade Po Asęai Buku 19:21

Da we bidi dabe dago te sę hauwa yabo homu ebo dao. Tiali digi, te Genuai Bidigo yabo homu yali sę te naga te pedelaibao.

Godigo Nogi Ugwaba Sabo Tęąbi Po Wabo Buku Dabe 33:10

Genuai Bidigo te we bidi hani dabego homu kolesaga te olo tama hagamainu yaibao. Mu tama, te bidi dabego po miyu, te magi nai me deli nigaiba wali, tama agai augwaligo te sę yabo paliyu, tama te sę mu egobeo.

Josua 22:22

“God te tigidali bomo elalubo! Agaduba deli naga te Genuai Bidi dao! Te dago magi baso te sę yali, te agai koneani. Tama dago homugo te dagego me konemainogo yaibao! Te dago Genuai Bidigo po sela sąnama, tama dago agai bomai po wali pisąwai baso da, teda dagego da te bidibo ula elalu bidimainu me gogolamu dao!

2 Tesalonaika 2:3

Jisas ma asobode augwaligo geda muani po dagego odamuo. Te Jisas ma asobo sogo olo dali tama polo pedalogobeo. Te menio. Te sę pedalainogo hasia bolo bidi hauwa augwaligo dwai sę hauwa elama, tama God nogi gegeda peyu, tudiba mu muaibao. Te bomo yai po sela sąbo dwai sę ebo bidi hasia aga bolo dago gesabidiba pedalaibao. Te bidi Godigo te moni sia bulude nosali mu dola silaibao.

2 Tesalonaika 2:8

Tama te tų palialuali bidi bogia solama, tama te sogo naga te bomo yai po sela sąbo bidi hania bulu ulaba pedalaibao. Tama Genuai Bidi Jisas nosali asama, tama agai te bidi agai po wabo mobogo ela muaibao. Tama Genuai Bidi Jisas aga bomo dali ula dali hania pedalama, asaibao. Tama agai te bomo yai ulago te bomo yai po sela sąwani bidi mu dolaibao.

Kraisgo Geme Dualali Sę Pedelabo Po Jonbolo Ola Mani 13:1

Te genuai dwai hudigi ebo hasa me deli te tamu ąįdu pedalobo eno suali. Tama te hasago tobolu te a naga me si elaluali, tama agai tobolude te gąų nogo si pedelai elaluali. Te agai gąųde te tuni bidigo mubo te tiwai wiegi yai madi te nogo si elaluali, tama agai tobolu deli delide asęani dwai nogi elaluai. Tama te nogi deli deli page e tama tiwai: te God dali haniani dwai posobo po wali te tobage nogi po asęai elaluai.

Esekiel 35:13

Dage Idom dabego ena dali hagoma elama, tama dagego ena posobo po olama, tama dagego ena dali dwai po wai dao. Tama eno dagego te po odai dao.

Daniel 5:19

Agai bomo genuai mu elaluali, tama teyu te tigidali bulu tǫ kantri we bidi dabe, me te tigidali hani, me te tigidali haniani po wabo hani bidi dabe te agade wi mu elama, tama augwali didibili yai. Te agai bidi me deli ela muabo homu eyu da, agai elai dao. Tama te bidi me deli aga bidibo ula elalumainu homu eyu da, agai te bidimainu sula tagalali. Te agai bidi me deligo nogi ugwaba sabo homu ebaso da, agai te tama tiali. Te agai aiyaba elalu, te bidi me deli dolainu homu ebaso da, teda agai te tama tiai dao.

Daniel 5:20

Tiali goli, nago wąįgo homugo te aga umabo ugwanu mu da homu elama, tama aga hagoma eyu, haniani dobo kolesaga subigila ebaso, tama Godigo aga sela sąnama, tama aga te king me bidibeo, tama aga genuai nogi elaluali te tulaluai dao.

Daniel 11:37

Te kingo te aga wąį nǫų dabego tibo god te wei elama, godolo me eyu egobeo, tama te tibo god te we dabego wei elama godolo ebo god dabe me, te godolo meni yaibao. Tama agai te tigidali god tudiba muaibao, magi baso meni, aga homugo te aga polalu, te augwali aiyaba elaluali homu yaibao.

Aisaia 10:5

“Ena Genuai Bidi, eno te po obao, te bulu tǫ kantri Asiria dolaibao. Megi da, te Asiria te wąbi tiwai nigilama, tama eno we bidigo ena sębę ilibo we bidi te elebao.

Aisaia 14:14

Te ena te pǫ dabeba ugwaba mu holama, tama ena God tiwai ogwade mu bidaibao,’ nago te homu yai dao.”

Aisaia 30:33

Augwaligo te Asiria tuni bidi ulabo isi tǫ dedage polo dodolama, elalubo. Augwaligo te tǫ dedage genuai mu elama, tama aiyanu mu dulai mu nigali, tama augwaligo isi dabe hauwa mu polo sela muani. Tama Genuai Bidi agai mobogo pona palebo si da, te polo tama isi bogoli dala saibao. Magi baso meni. Genuai Bidigo mobo te posolai isi tiwai dao.

Aisaia 57:9

Dagego au ebo, te sanda me pauda, te wiegi yai denami ebo naigo au elama, te dage tibo god Melekba lotu wagi pali. Dagego te bidi dabe digibulu buluba tagala palali, te dagego lotu wabo god gegemainu yali. Tama dagego te gų pagede me te tibo god dabe gegebo kolesaga ebo dao.

Esekiel 28:2

“Tǫde bidi, eno homugo nago Tair kingbolo ena God Genuai Bidigo eno po aga dali pusainogo ebo po pusigi pao. Eno po e dao. Tair king bidi, nago naga nogi ugwaba siyu, te po wali, nage god me deli dao, wali. Tama nago bulu te god dabego bulu yali gilama tamu ąį tomode elalubao. Mu tama, nago te po wali, tiali goli, nage god menio, nage olo bidi dao.

Sekaraia 11:16

Magi baso meni, eno te ena hani we bidi dabe tonaluabo bidi me deli muani, augwali te sipsip hani dabe tiwai dao. Tiali goli te tonalubo bidigo te sipsip kibu dabe dolainu ebadi tau me sabeo, tama agai te hagabo kibu sipsip dabe gegeyu i ola bilibo sę me ebeo, tama agai te sipsip dabe keni yai sįsįbo sę me isąwai, tama agai te bugagia bidibo hani sipsip dabe nai mayu me ebeo. Menio. Aga digi te nisali kibu elama mi dabe tubo sę idu, te tigidali tula silibo sę yali, te augwaligo nogo sągą dani dabe dali tula siliboba usu nanio.