Daniel 11:30 - Godigo dwagi yai po buku

³⁰ Tama te giliga degasa dulubo badu bidi dabe te Isipba gebadu aselama, tama aga dali hwįbaso, tama aga wi yaibao. Tama agai te wado po dwai mu olama, ma begasa peyu, tama agai te Godiba lotu wabo we bidi dabe dolaibao. Agai te God tudiba mubo bidi dabe dali dwagi yai sę yaibao.

Daniel 11:30 Referans Kwoze

Tigidali Nai Gagalama Nigali Side 10:4

Te Javango ogwa dabe da, e dao, Elisa, Tarsis, te Saiprus bidi hani me Rodan hani bidi dabe dao.

Israel Hanigo Namba 24:24

Te Saiprus dabego te sip geba sela aselama, tama te Asiria de Eber dali hwįnama, augwali aiyaba elaluaibao. Tiali goli, Saiprus dabe me mu tama hagawaibao.”

Daniel 11:28

Tama te Siria kingo te agai hwįyu sali doado bage tigidali selama, tama te aga bulu tǫ kantriba ma paibao. Agai te Godigo lotu po wabo we bidi augwali dolabo homu bomo yaibao. Tama agai yabo homu yali sę tigidali te agai eyu naga yaibao, tama nosali aga te aga bulu tǫ kantriba ma paibao,” te po wai dao.

Jeremaia 2:10

Edao. Dage sip sela pelama, te ailan Saiprus te giliga dega sabo badu pelama, te Saiprus dabego kolesaga suao. Tama te bidi dabe dagego te bulu Arebia dabego tǫba te giliga pedalubo badu tagala palama, te augwaligo kolesaga bugagia osola suao. Te dagego subadi, te hani me deligo te duga ebo tobage dwai kolesaga tiwai ebo suaibawe? Mu menio.

Aisaia 23:12

Agai e tama po wali, “Sawi yai hanu Saidon, nage wiegi yai homu me ma elama, bidigobeo. Magi baso meni. Nage dolama, mu dolama elaluaibao. Tama tibaso, dage hanu Saidon we bidi, dage hogodama, te ailan Saiprusba piąo. Tama tiali goli, tede me dage bugagia me bidigobeo,” wali.

Aisaia 23:1

Genuai Bidigo te hanu Tairde pedalabo sę dabe po mani. Te genuai sip dabe, dage tamu węde bilibo sip dabe, dage hobede elama, gela waiąo. Magi baso meni. Dagego bulu Tair sese tigidali polo dolai dao. Tama tede be me dolalubeo, te bulude. Me, te sip dabe tubo pesage tede dolai dao. Nago te sę te ailan Saiprus tagalama, ma asobode dagego koneaibao.

Kraisgo Geme Dualali Sę Pedelabo Po Jonbolo Ola Mani 12:12

Tama tibaso, dagalu, nage tama dage tigidali dagalude bidibo bage, dage homu wiegi yai yagameo. Tiali goli tǫ dali, te tamu ąį dali, te side bidibo we bidi tigidali, dage hobedagia bidaibao. Genuai sęgę dageba pedalainogo ebao. Tama Satan dagebolo e tǫba dulai dao, tama agai sębę genuai mu elalubao. Agai koneani, aga bidabo sogo te pęwadage sogo elalubo homu ebo dao,” te po wabo dagaludu asobo eno odali.

Matyu 24:10

Tama tebo sogo te we bidi hauwa augwaligo enade konealubo po dąų wali tagalama, tama augwaligo augwa ama dabe boi bidigo nogoba munama, tama augwa me augwa digi augwa ama dabe dali boi bidi yaibao.

Daniel 7:25

Tama agai te Ugwadu Mu Bidibo Godiba po dwai mu olama, tama aga we bidi dabe aiyaba elalueibao. Tama agai te lotu pode bomai po hasegeliyu, te genuai side wabo te hasegelaibao. Tama agai te Godigo we bidi tonaludubadi, te kibu be sela olama, te kibu be me badu pedaiba usu nigi paibao,” wai.

Esekiel 27:6

Tama augwaligo te ni kali te bulu Basande selama, te ąį togobo habesege dabe nigai. Tama augwaligo te sip aiyaba mubo soiyame ni te tobage wiegi yai ni me deli te bulu Saiprusde selama, nigali. Tama augwaligo te genuai kibu nogi elefango genuai kele dabe selama, te sip aiyaba sabo soiyame saidu au ilali.

Nehemia 6:12

Nosali te pode eno bugagia homu kone palama, te tiwai eno koneani, Godigo te tama po te Semaiabolo me wabeo. Menio. Eno koneani, Tobia de Senbalat sigo aga abelama, te po ena dali omainogo yali homu yai.

Tuni Bidi Dabego Po Elalubo Buku Deli 1:7

Javan agade bulali wąį nǫų hani bage Elisa, me Tarsis, me Saiprus, me Rodes dao.

Daniel 11:29

“Te Godigo sa muani sogo, te Siria king te Isipba pelama, te Isip dabe dali ma hwįgi paibao, tiali goli agai te polobadu augwali aiyaba elaluali tiwai gilama me egobeo.