Daniel 11:17 - Godigo dwagi yai po buku

¹⁷ “Nosali te Siria kingo aga ami dabe tigidali umabo mu selama, te Isip bulu tǫ kantriba hwįgi pabo homu yaibao. Agai te wiegi yai sę meba yabo homu elama, tama agai te tama tiaibao. Tama me, agai te aga wegi te Isip kingba tagala palama, somainu yaibao. Agai te tama tebo sunumide te Isip kantri bulu tǫ aiyaba elaluabo usu yaibao homu yaibao. Tiali goli, agai te tama homu yali te geda mueibao, tama te nai me deli agai me sogobeo.

Daniel 11:17 Referans Kwoze

Esekiel 4:7

“Te nage pila mubo sogo da, teda nago te boi bidi dabego te Jerusalem sainu ebo piksa nomaba tonaluao. Tama nago te hwįabo sisi elalubo tiwai elalu, te nago te tiwai po wao, ‘Te taun da dolaibao,’ wao.

Esekiel 4:3

“Nigila silama da, teda te aingo nigai nai ulubo pou me deli selama, te nage dali te brik dali tomode ugaba dodolama, te obo dodolao. Tama nago te taunba tonaluao. Te Israel we bidi augwaligo nago te tebo sę sulama, te augwaligo konemainao, nosali te ami bidi dabe asama, te Jerusalem aiyaba elalueibao,” wali.

Te Israel me Juda Hani Sigo Tuni Bidigo Po Elalubo Buku Si 12:17

Te Juda dabego king bidi Joasgo te Genuai Bidigo tempel be dodolabo bidi augwali dąį ila silali, tama te nosali te Siria king bidi Hasael aga ami soldia bidi dabe dali augwali aselama, tama te taun Get hanude boi hwįani. Tama te augwaligo te taun Get bage augwali aiyaba elaluama, tama augwaligo te Get hanu sali. Tama tialima, augwali ma begegi soyu, te Jerusalemba boi hwįgi painu pali.

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Dwagi Yai Gesi Po Lukgo Asęani 11:23

Bidi mebago ena dali homu muisąbo bidi da, te bidigo ena dali te boi bidi tiwai te ebao. Ena sipsip tonalubo tau sisąbo bidi da, te agai eno sipsip dabe osalubo bidi tiwai eyu te ebao,” Jisasgo te po wali.

Dwagi Yai Gesi Po Lukgo Asęani 9:51

Te Godigo Jisas dagaluba odasa holabo magabadi yaide, Jisasgo koneama, aga te Jerusalemba pabo homu mu elama, pabo gagalali.

Matyu 12:30

“Bidigo ena dali abagi me wasiąbo, te bidi aga eno boi bidi dao. Bidigo nai ena dali sisinisąbo bidi, te bidi agai te nai subigila sąsą bilibo dao.

Daniel 11:19

Tama te Siria king te aga bulu tǫ kantriba ma geasa pelama, tama te bomai obo banis elalubo taunde bidaibao. Tiali goli, aga te tulalu dolama, tama te bidi dabego aga munu ma me sugobeo.

Daniel 9:26

Te 62 taims 7-pela yia wali, te silibo si da, teda augwaligo te Godigo Sa Munama Nigilali Genuai Bidi ela mubaso, tama aga nai deli me elalugobeo. Tama te bomai king me deligo genuai ami hani aselama, tama Jerusalem me Godigo be dali dolaibao. Te hwįnama dolobo sę me te genuai wę asiyu, te pobele bage daseasa soabo tiwai yaibao. Tama te genuai boi hwįbo te elalua pidubadi, te tigidali nai sia sabo sogoba usu nama, tama tigidali nai te Godigo wali po gilama te dolaibao.

Esekiel 25:2

“Tǫde bidio, nago te Amon dabego tǫba tonao, te augwali dolabo po wao.

Esekiel 17:17

Tialima, te Babilon ami bidi dabe asama, te hwįbo nai hauwa nigilama, te Jerusalem bagua sabo tǫ du holaibao. Tama augwaligo te Jerusalem dabe dali boi hwįnama, te we bidi hauwa ela mueibao. Te sogo, te Isip kingo bomai ami bidi dabe, augwaligo te Juda king tau sabo usu meni yaibao.

Bugagia Bidibo Kolesagade Po Asęai Buku 19:21

Da we bidi dabe dago te sę hauwa yabo homu ebo dao. Tiali digi, te Genuai Bidigo yabo homu yali sę te naga te pedelaibao.

Godigo Nogi Ugwaba Sabo Tęąbi Po Wabo Buku Dabe 56:9

God, eno nage koneanio. Nago ena tau sainu yai. Tama tialima, nosali eno nageba gedu haluasa po waibao, te nago te boi bidi dabe pobebaso, tama augwali wi paibao.

Tuni Bidi Dabego Po Elalubo Buku Si 20:3

King Jehosafat agai te po odama, aga wi mu yali. Tama agai homu boma pai mu elama, te Genuai Bidigo homu kolesaga hanalu wabo homu yali. Tama tialima, agai bomai po te kantri Juda tigidali badu we bidi dabe augwaligo nai gisilama Genuai Bidiba gedu haluasa po wao po wali.

Habakuk 1:9

“Te augwaligo ami dabego augwaligo te magi yali te kantri dolo pelama, tama te kantri dolama, tama bomonama, te we bidi selama, te kalabus sę igi pomainu ilibo dao. Te bage augwaligo te sali te kalabus dabego namba te hauwa kisu mu, te ąį sanede kemi sane tiwai dao, bidigo augwali nedemainogo ebaso, te usu egobeo.