Daniel 11:15 - Godigo dwagi yai po buku

¹⁵ Tama te Siria tǫ king te aga ami dabe dali aselama, te bomai taun me deli bagulama, te augwaligo hwįnama, te taun saibao. Tama te Isip ami dabego te munu me ma hwįgobeo. Te augwa wiegi yai bomai ami dabego me te bomo meni yaibao.

Daniel 11:15 Referans Kwoze

Esekiel 17:17

Tialima, te Babilon ami bidi dabe asama, te hwįbo nai hauwa nigilama, te Jerusalem bagua sabo tǫ du holaibao. Tama augwaligo te Jerusalem dabe dali boi hwįnama, te we bidi hauwa ela mueibao. Te sogo, te Isip kingo bomai ami bidi dabe, augwaligo te Juda king tau sabo usu meni yaibao.

Jeremaia 6:6

Tigidali Bomo Elalubo Genuai Bidi, agai te po wai, “Dage ami dabe, te Jerusalem pąde ni dabe togolama, te tǫ dabe dali te bobobage obo pąde pesage holao, te daide dolalu, te taunba hwįagameo. Te taun aga dwai dene umabo somainao, magi baso meni, te taunde we bidi dabego te augwaligo abagi dabe dolobo sę mu ebo dao.

Esekiel 4:2

“Tama te brik pąde, nago te amigo te taun me deli bagua selama, te we bidi augwali dali boi hwįnama, te taun sainu eyu, te tigidali sę yabo nai piksa nigibo tiwai yao. Te tǫ te taun obo pąde te tǫ du tiwai me nigao, te ami bidi dabe augwa te daiba bugagia dolugulama, boi hwįabo pesage tiwai piksa nigao. Te ami dabego bidabo pesage te taun pąde nigibadi, te taun aluabo masin dabe piksa me nigao,” wali.

Daniel 11:6

Te kibu be mebade nosali te Isip kingo te agai wegi te bulu tǫ kantri not badu bidibo kingo somainu mawaibao, te kantri te Siria dao. Te tama tiali, te bulu tǫ kantri si te bugagia bidainu yaibao. Tiali goli, te wego bomo te sesabi sogo elama bidibeo, tama aga bidigo bomo me te silaibao. Te augwaligo te we ela muyu, te aga dali pali hani me eleyu, tama aga aya me, aga bidi me elaibao.

Daniel 8:7

Tama agai te sipsip dali hwįbo eno suali. Te memego wado mu dwai eyu, tama nogo sągą dili bomo dede pelama, tama dolo udayu, tama te omai sipsipba hudula paligi pali, tama agai gąų kom si togwa sąwani. Te omai sipsipgo aga degelabo bomo meni yani, tama te memego aga te tǫba aiya daboasa sąnama, tama aga dolagila mu agaga pali. Tama te magi nai me deligo te sipsip tau sabo usu me ebeo.

Jeremaia 52:4

Tialima, te nogo si poluade te kibu be 9 te Sedekaia king bidai, tama te polua dei nogo si wabode, king Nebukatnesar te Babilondu aga ami dabe dali aselama, te Jerusalem bagua sagaselama, te taun sainogo boi hwįani. Augwaligo te Jerusalem bagulama, tama te taun bobogelali masigigo nigai genuai obo pagede te tǫ selama, du holama, tama augwali tede dolalu, boi hwįainogo yai dao.

Jeremaia 33:4

Magi baso meni, ena Genuai Bidi, ena dage Israelgo God dao, eno te Jerusalem be dabe, me te Juda kingo be dabe me homu kone palobao. Te boi bidi dabego Jerusalem bagua sagaselama, tǫ du holali, te augwa tede dolalugulama, te taunba aiya hwįainogo tialio. Te Jerusalem dabego augwa be dabego digi aluama, te masigi me ni nami selama, taun genuai obo aluali madi mugi pali, te obo dąų waliyu tiai dao.

Jeremaia 5:10

“Dage Israel dabego boi bidi dabe, dage te tǫ kantri Israelgo wain gidu aselayu, te gi dabe doliąo. Tiali goli, dagego mu siligio. Te wain nologo dabe naga sela sąyao, magi baso meni, te nologo dabe te eno nai menio.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Daniel 11:14

Te sogo te bidi hauwa te Isip king dali boi bidi yaibao. Tama te Daniel, nago hanide te hwįbo bidi mebago te nai me deligo po te nade wabo po tiwai odaibao. Tama augwaligo te Isip dabeba hwįyu, te nade wali po te mu pedalumainu yaibao. Tiali goli, augwali te hwįbo side menia saibao.