Daniel 11:13 - Godigo dwagi yai po buku

¹³ “Siria kingo te genuai ami hani mu sisinaibao, te polobadu hwįgi pali ami dabego namba te aiyaba elalueibao. Tama nosali kibu be mebade, agai te genuai bomai ami selama, te augwaligo te Isip king dali hwįgi paibao. Tama augwa te hwįgi pabo sogo, te augwa te nai hauwa dali sela paibao.

Daniel 11:13 Referans Kwoze

Daniel 4:16

Agai te bidi dabego homu kolesaga ebo tiwai ma egobeo, tiali goli aga homu kolesaga te kibu hasa sibi dabego homu kolesaga tiwai elalua pidubadi, te kibu be 7 bidaibao,” wali.

Daniel 12:7

Tialima, te wiegi yai nami ugwa beali bidigo, agai te aga nogo si dali te dagaluba nogo tų elalu, tama agai te tama po wali, “Te Sesemane Sogo Bidibo Godigo nogide, eno mu po obao, te gasagi yai pedelali te tobage nai dabe te elalua pidu, te kibu be sela olama, me kibu be pedaiba usu naibao. Tama te Godigo we bidigo bomo te mu sia sigi pabo sogo, te augwali mu dolobaso da, teda te sę dabe me te sia saibao,” wali.

Daniel 11:12

“Agai te hwįanide te aga wiegi yai homu pemene yaibao. Agai te ami bidi hauwa umabo mu elaibao, tiali goli agai te yali bomo tiwai te sesabi elama gana me elalugobeo,” wali.

Daniel 11:14

Te sogo te bidi hauwa te Isip king dali boi bidi yaibao. Tama te Daniel, nago hanide te hwįbo bidi mebago te nai me deligo po te nade wabo po tiwai odaibao. Tama augwaligo te Isip dabeba hwįyu, te nade wali po te mu pedalumainu yaibao. Tiali goli, augwali te hwįbo side menia saibao.

Daniel 11:40

“Te tigidali dagalude me tǫde nai sia sabo sogo da, teda te saut tǫ badu te Isip kingo te Siria bulu tǫ te not badu bidali king dali hwį yagasaibao. Te polo tama te Siria tǫ kingo te hwįbo nai karis dabe, me hos, me te hwįbo sip dabe selama, tama asesa polo pelama, te Isip king dali te bomo elama, hwįgi painu yaibao. Agai te bulu tǫ kantri hauwa te ąį genuai asobo tiwai elama, aiyaba elalueibao.