Daniel 1:8 - Godigo dwagi yai po buku

⁸ Danielgo te kingo bede te nai me wain wę te augwaligo mabo nai tubo te aga hagela yali. Te kingo bede elalubo tobage nai dabe, te Godigo Juda dabeba habu selai. Tama tiyu, Daniel aga te mabo nai me wę tuabo hagela homu yali, tiyu aga te God gedude meda idali homu yai. Tialima, agai te polalubo ofisa bidi Aspenasba hanalu wali, te augwaligo agaba te gasa tobage nai mobaso usu egowe po hanalu wai dao.

Daniel 1:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 141:4

Ena te dwai kolesaga ebo tomoba pidali weyu, nago ena hageao. Tama nago ena te dwai sę ebo bidi dabe dali deliba sisinama, tama te dwai sę meba emainu me elamuo. Ena te augwali te moni nai daa tuboba pelama, te augwali dali deliba dugamainu me idali weyu, nago ena togolao.

1 Korin 7:37

Tiali goli, te bidi me deligo aga homude bomo eyu, tama te nai me deligo te aga selibo sę me isiąbadi, tama aga homugo digi ebo tonaluyu, tama aga homude te po olama, te agai homugo te gesi wegi te augwaligo aga noma sali te aga olo mu bidimainogo ebaso da, te wiegi yai dao.

Godigo Nogi Ugwaba Sabo Tęąbi Po Wabo Buku Dabe 119:115

Dage dwai sęgę sabo we bidigo ena tagalao. Eno ena Godigo bomai po wali painogo homu ebo dao.

Godigo Nogi Ugwaba Sabo Tęąbi Po Wabo Buku Dabe 119:106

Eno po dąų weyu, te eno nago doloba pai po tigidali wali paibao po walio. Tialima, eno te tiwai tama yaibao. Eno tibo po me wagobeo.

Daniel 1:5

Tama kingo te tiwai po me wali, te tigidali side augwaligo te kingo bede nai sabo bidi dabego ebo kolesaga tiwai eyu, te nai me wain wę tumainu yaibao wali. Augwali te skul sabo te kibu be selade waibao, tama nosali augwali te kingo sę bidi pedelaibao, wai dao.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

2 Korin 9:7

Dage tigidali deli deligo te Juda bage tau mabo monede duga digi duga bugagia homugo hasia kone palama, tama te homu kolesaga tiwai wali naga peyu mone mao. Tiyu bidi me deligo mabo naide homu sęgę elama, tama agai homugo bidi dabego bomo ebaso, tama te kolesagade naga agai te nai mani homu me ilamuo. Menio. Agai digi aga homu hasia dodolama, tama te tiwai naga mao. Magi baso meni. Godigo te bidigo wiegi yai homu pemene elama nai mabo kolesaga ebo bidi, te tobage bidi Godigo godolo ebo dao.

Bomai Po 32:38

Dagego augwaliba sipsip ili me wain dabe ofa yai dao. Teda megi augwaligo dage tau somainao. Augwaligo dage dwai madi bidibo ma oda somainao.

Godigo Nogi Ugwaba Sabo Tęąbi Po Wabo Buku Dabe 106:28

Nosali augwaligo te bulu Peorde te tibo god Bal dabeba lotu wai dao, tama augwa te bidibo ula elalusiąbo te god dabeba ofa mabo nai dabe tuai dao.

Te Israel me Juda Hani Sigo Tuni Bidigo Po Elalubo Buku Deli 5:5

Tama tibaso, megi da, te eno Genuai Bidi Godigo be sę yabo homu ebao. Polobadu Genuai Bidigo te bomai po dąų waliyu, eno ayabolo te tiwai po wai, ‘Eno te nage te naga ogwa me deligo hasegelama, te king pedalumainu yaibao,’ po wai. ‘Tama agai te eno be sę emainogo elama, te we bidi augwali tede ena pąba asomainu yaibao,’ wali. Genuai Bidigo te tiwai bomai po dąų walaligo tama megi da, eno agai te dąų walali bomai poba usu nagasobao,” wali.

Godigo Sęba Tagala Palai Bidigo Po 15:20

Me ma, dago augwalibolo pas tolinao. Tama te pas tomode te po wainao, ‘Dagego te augwaligo te tibo godibolo ula mabo nai te dagego tugimio, dagego kibu me agai kaneme gelisąwai kibu tugimio, kaneme me tugimio. Te we sabo bomo yai po bolama, dwai penani sę egimio,’ waibao.

Bugagia Bidibo Kolesagade Po Asęai Buku 23:3

Nago te genuai bidigo wiegi yai naide te nago homu pesą igio. Tiyu, agai naigo nage homu puna palama, tama nago te agai wei isiąbo kolesaga yabuo. (7)

Daniel 5:4

Augwaligo te wain wę tuduladu, tama augwaligo te gol, me silva, me bras, me ain, me ni, me masigi, te nai dabego nigali god dabe augwaligo te nogi ugwaba sabo sę yali.