Amos 9:9 - Godigo dwagi yai po buku

⁹ “Te eno pogo naga weyu, eno te Israel dabe augwali dagalaibao, te bidi dabego te wit ge bo hogomu te waia saide munama, dagalama, hogomu sela sąbo tiwai yaibao. Te Israel dabe bidi dwai dabe te gasa tǫ kantri tomoba tulalu, te wit dwali hogomu sela sąbo tiwai yaibao.

Amos 9:9 Referans Kwoze

Dwagi Yai Gesi Po Lukgo Asęani 22:31

Te Jisasgo te bidi Saimonbolo weyu, te po wai, “Saimon, Saimon, nage odao. Te dwai haubo noma bidi nogi Satan agai dage dayu, usu sainogo, agai God hanalu wali. Tama Godigo ‘Ao’ wali.

Bomai Po 28:64

“Te Genuai Bidigo dage subigila teba teba dobola palaibao, te tigidali e tǫba tedela palaibao. Tama te bulude dabe dage augwaligo masigigo me nigo nigai tibo god dabeba lotu po waibao. Polobadu dage me duga wąį dagego te tibo godiba lotu po me wai menio.

Aisaia 30:28

Agai mobogo tigidali nai dolobo dao, te wę asiyu, tigidali nai dabe mesegelama, bidigo dogoniba usu ni pabo tiwai dao. Genuai Bidigo te tigidali bulu tǫ kantri dabe agai nogogo toulama, pępębo dao, te augwali dolomainu. Tama agai augwaligo homu kolesaga dolama, tama augwaligo pabo hagela ebo buluba odasa pabo dao, te bidigo hosgo kelede ain dage mubo tiwai dao, te hos kibu bugagia dolasa pomai ebo gilama.

Pris Sę Ebo Bomai Po 26:33

Eno digi te boi bidi dabego dageba boi hwįmainogo ilaibao, te eno dage augwaligo te gasa tǫ kantriba tedela palomainogo ilaibao. Te dagego tǫde bidi meniama olo elalu, te taun dabe dolai elalueibao.

Jeremaia 31:36

“Ena Genuai Bidigo, eno po dolo obao, te Israel hani dabe sesemane bidada paibao, te giliga, me polua, me hǫ dabe elalubo tiwai yaibao. Tama te giliga, me polua, me hǫ dabe, te augwaligo eno augwaliba mani sę isąbaso da, teda te sogo naga te Israel hani dabe sia sigi dao.

Jeremaia 46:28

Dage Israel, dage eno hani, dage eno sę bidi, me sę ebo we dabe, dage wi me igimio, magi baso meni, ena Genuai Bidi, ena dage dali bidibao. Eno dage sela sąnama, te augwali dali dage bidigi pali hani dabe te eno augwali mu silimainogo yaibao. Dagego te dwai sę yali dao. Tama eno dage dodolobo sę igi menigi da, te dolo meni da. Tama tibaso, eno dage e tǫde sela sąwaibao. Tiali goli, dage da, eno me siligobeo. Mu tama, eno dwai dene dagebolo mawai, tialima, te eno doloba pai kolesaga wali peyu, te eno dage dodolobo sę yai dao,” te po wali.

Jeremaia 49:36

Eno te boi bidi dabe tigidali badu hodolama, te augwaligo Elam dabeba boi hwįagasaibao, te bomai waligo augwali dolagasobo tiwai yaibao. Te Elam dabe eno te tigidali tǫ pedaiba tedela pelama, te tigidali tǫ kantride te Elam dabe meba bidada paibao.

Esekiel 5:10

Te eno dwai dene dageba mabo sogo da, te aya ida mebago te augwa digi wai dabe elama tueibao, me te wai dabe mebago te augwa aya ida ela tubadi yaibao. Te eno dwai dene mabo sęgę dageba ebaso, te dage hauwa isaibao. Te me badu bidibaso da, teda eno augwali te gasa bulu tǫ pedai tigidaliba tedela palaibao,’ eno te tiwai po waingo ebao,” Genuai Bidigo te po wali.

Esekiel 5:12

Te eno dage hani sela dobawaibao. Te polalubo hanide te nai sili mu bidu, te gasi genuai saibao, tama augwali te taun tomode isaibao. Tama te si wali hani, te boi bidi dabego te taun bulu badu te bainat hwągo ela wialaibao. Te sela wali hani we bidi, te augwali eno te tigidali bulu tǫ pedaiba ela gudulama, tedela palaibao. Te eno boi bidi dabe tagala palama, te pobeasa pelama, te augwali ela mueibao.

Esekiel 20:38

Tama eno te hagoma ebo bidi dabe me, te dwai sęgę elalubo bidi dabe me sela sąnama, te augwali dage tomode munu ma bidimainu me egobeo. Te eno dage Israel tigidali te kalabus bidali bulude selama, dage te po tų ebo madi odasa asaibao, tiali goli te hagoma eyu dwai sę ebo bidi dabe, augwali Israelgo te tǫba me pogobeo. Eno te tiwai ebaso, te dagego bugagia koneama, ena digi ena Genuai Bidi da waibao,” wali.

Esekiel 36:19

te augwaligo tigidali dwai kolesaga dabe wei ponainu. Tama eno augwali gasa kantri dabeba sela sąwai dao.

Aisaia 27:12

Tama te sogo Genuai Bidigo aga we bidi gasabulude dabe bidibo we bidi ma oda saibao. Te węYufretisdu gagalama, te Isip buluba usu nigi paibao. Agaiaugwali deli deli saibao, te bidigo aga wit dili dali bo dalisela sąnama, te du naga elalubo tiwai yaibao. Tama tewiegi yai wit du selama, te tǫgo nigai senede mubo tiwaiyaibao.

Aisaia 28:28

Agai te nai wit ge dabe sabo kolesaga agai mu koneani, te agai te nai dwasianu ge dabego bret nigabo. Te agai te hos dali, me te wilkar si agai te nai wit aga dilide sela sąwainu da, teda agai te hos kibu dali, te wilkar sigo te wit dolama, mia saidali weyu agai bugagia tonalubo dao.

Esekiel 39:28

Tama te Israel dabego eno augwali dali yali sę kone palaibao. Te augwaligo eno augwali gasa kantriba kalabus igi pomainu tagala palali, me augwali augwa kantriba ma odasa asali kone paliyu yaibao. Tama augwaligo e tama bugagia koneaibao, ena deli ena Genuai Bidi augwaligo God dao homu yaibao.